Jeremiya 25:12 - Bhibhiliya Nya Guage

¹² Khu guralo, Pfhumu Nungungulu a ngu ganela, khuye: Hwane nya gu bani gu vbede livbandre na mavili magumi myaga, nyi na tsayisa mufumeli wa Bhabhiloni khu kotani nya sighoho saye gumogo ni vathu vaye, kha nga gambe ni litigo nya Vakalidhiya nyi na li vbindrugedza li khala marumbi nyamba vbela.

Jeremiya 25:12 Iomraidhean Croise

2 Dzipfhumu 24:1

Matshiguni ya Jeyowakimi, Nabhukodhonosori, mufumeli wa Bhabhiloni a dita mu dhumela, uye a di khala githumi gyaye khu gipimo nya myaga miraru. Khu hwane a di vbindrugedza a mu wugela.

2 Dzikoronika 36:22

Aholu khu mwaga nya guphele nya gufume ga Kiro, mufumeli wa Perisiya, (gasi gu tadzisega magana ya Pfhumu Nungungulu, ma nga dugago khu kanani ga Jeremiya), Pfhumu Nungungulu a di khendzugisa Kiro, mufumeli wa Perisiya, a gimbila a huwelela mufumoni gwaye gwatshavbo, bwelo khavbo a lova ni khwepa a ganela, khuye:

Dzindzimo 137:8

Nyamahegyane wa Bhabhiloni u na khungumudwago, kategide oyu a na gu tsayisago a gu bweledzela guvivba gwatshavbo u hi giredego.

Isaya 13:19

Bhabhiloni, oyu a gu mburi ga mifumo yatshavbo, lidhoropa nya matshandza ya Vakalidhiya ni wuzundzo wawe, li na fanana ni Sodhoma ni Ghomora, ayo Nungungulu a nga ma mbembisago.

Isaya 14:23

Nyi na li gira li khala wuvbahelo nya mapfhuguli. Li na vbindrugedza li khala wulanga nya mati nya guhine, nyi na li vbiyela khu piyelo nya gumbembise, a ngu ganela Pfhumu Nungungulu nya Tshivba Yatshavbo.

Isaya 15:6

Kholu mati ya Ninirimi ma vbwide, wuhaviseloni gu bangide, guvbela mwasi, gu mwalo gambe mitongwe.

Isaya 20:1

Khu mwaga a rumedwego khuwo Taritani khu Sarigoni, mufumeli wa Asiriya, gasi guya dwanisa lidhoropa la Asidhodhi kala a li wandra,

Isaya 33:1

Libango gwago, uwe muphangi, uwe gima u si gu phangwigo, u kanganyisago vakwanu avo gima va sa gu kanganyisago! Avbo uwe u na vbedzago gu phanga, u na phangwa nuwe, avbo u na vbedzago gu kanganyisa, va na gu kanganyisa nuwe!

Isaya 46:1

Bheli, nungungulu nya malipha thegide, ni Nebhu nogide vbavbatshi; sifananiso sawe si ngu rwegwa vbatshani nya sirengo ni dziburu; mirwalo yanu ya gu lemela dziburu dzi garadego khu gu lemedwa.

Jeremiya 23:2

Khu guralo, Pfhumu Nungungulu wa Israyeli a ngu ganela kharati ga vahavisi va havisago vathu vangu, khuye: Mu phalalegiside dzinvuta mu dzi dzimedza mu si khathali khidzo; khu guralo, nyi na mi tsayisa khu kotani nya mithumo yanu nya guvivbe.

Jeremiya 25:14

Kholu Vabhabhiloni navo va na khoziswa khu mayigo nya mangi ni vafumeli nya vakhongolo; khu kharato nyi na va bweledzela gukhedza khu sigiro sawe ni gukhedza khu mithumo ya mandza yawe.”

Jeremiya 27:22

“Si na dzegwa si yiswa Bhabhiloni, si naya khala iyo kala litshigu Eni nyi na guya si dzegago, a ngu ganela Pfhumu Nungungulu; khavbo avbo, nyi naya si dzega nyi si wuyisa wulanga wowu.”

Jeremiya 27:7

A na thumedwa khu vathu nya mayigo yatshavbo, uye, sanana saye gumogo ni situgulwana saye, kala gu vboha gikhati mayigo nya mangi ni mifumo nya yikhongolo yi na mu girago khumbi.

Jeremiya 29:10

Pfhumu Nungungulu a ngu ganela kharati, khuye: Avbo gu na tadzisegago myaga nya livbandre na mavili magumi, na mu fumedwe khu Vabhabhiloni, Eni nyi nata mi holelani gasi nyita gira gidzumeledzwano nyi giridego nanu, ni gu mi wuyisa nyaluphye wulanga wowu.

Ezekiyeli 35:9

Nyi na gu gira marumbi kala gupindruga, ni madhoropa yago, gima kha ma na nga khadwa khu vathu; kharati mu na dzitini gukhenu Eni kheni Pfhumu Nungungulu.

Dhaniyeli 9:2

Khu mwaga nya guhegule nya gufume gwaye, eni Dhaniyeli, nyi di wu pima khu gu hevbula umo nya mabhuku, tengo nya myaga, eyi Pfhumu Nungungulu a nga ganelago ga muprofeti Jeremiya, gukhuye khu hwane nya livbandre na mavili magumi myaga, Jerusalema gu na pfhungumudwa gu khala marumbi.

Habhakuka 1:17

Ina a na simama gu thesa ligoga laye, nyamba diga gu simama gu songa vathu nyambana gisiro, gani?