Jeremiya 24:9 - Bhibhiliya Nya Guage

⁹ Nyi na va gira gilo nya gisamadziso ni guthisa, ga mifumo yatshavbo ya mafuni nyi na gu va phalalegiselago umo, va na khala gihegiso ni givalo malangani yatshavbo.

Jeremiya 24:9 Iomraidhean Croise

1 Dzipfhumu 9:7

Eni nyi na fuvisa va na Israyeli ga litigo nyi va ningidego; ni nyumba yeyi nyi yi phasedego lina langu, nyi va dzudzuga hwindzo gwangu; Israyeli a na khala gihegiso ni givalo vbakari nya mayigo yatshavbo.

2 Dzikoronika 7:20

Eni nyi na mi dusani khu ga litigo langu nyi mi ningidego, ni ga nyumba yeyi nyi yi agisedego Lina Langu, nyi mi dzudzuga hwindzo ni Eni, mu ya khala givalo ni gihegiso ga mayigo yatshavbo.

Dzindzimo 69:11

Ambari nyi ambala saku nyi khade gyombo nya gihegiso gwawe.

Isaya 43:28

Khu guralo, nyi na nyenyezisa vathangeli vago va nyumbani nya guage; nyi na ningela Jakobe a mbembiswa ni Israyeli a vadwa, a khala gihegiso.

Isaya 65:15

Malina yanu ma na tshala na mari givalo vbakari ga sihathwa sangu, Mune, Pfhumu Nungungulu, a na mi songa; aholu sithumi saye, a na si rana khu limbe lina.

Jeremiya 15:4

Nyi na va ningela va khala gihegiso ga mifumo yatshavbo ya mafuni; khu kotani ya Manasi, mwamana wa Ezekhiya, mufumeli wa Judha, khu satshavbo iso a giridego Jerusalema.

Jeremiya 19:8

Lidhoropa leli li khala gisamadziso ni gihegiso; watshavbo a na vbindrago khavbo a na samala a womba ndrodzi, khu kotani nya dzimhango dzaye nya dzikhongolo.

Jeremiya 25:18

Jerusalema, madhoropa ya Judha, vafumeli ni manganagana yawe, gasi nyi va gira marumbi, ni gisamadziso, gihegiso ni givalo kha nga mu si wonago muhuno;

Jeremiya 26:6

khu guralo, nyumba yeyi nyi na yi gira yi fanana ni Silo, ni lidhoropa leli nyi na li vbindrugedza li khala givalo ga mayigo yatshavbo ya mafuni.

Jeremiya 29:18

Nyi na va lundra khu dzinyimbi, ndzala ni mitungu; va na khala gilo nya guthavise ni gihegiso ga mifumo yatshavbo ya mafuni; vavbindri nya ndzila va na kutsunga mihungo va va hega, ga yatshavbo mayigo nyi na gu bani nyi va phalalegisede umo.

Jeremiya 29:22

Gu na dzegwa avbo gwawe magana nya givalo nya dzikhumbi dza Judha dzi guromo Bhabhiloni, khavo: “Pfhumu Nungungulu a na gu gire nga Zedhekiya ni Akabi, avo va nga vbiswa khu nilo na va guvbanya khu mufumeli wa Bhabhiloni;

Jeremiya 34:17

Khu guralo, Pfhumu Nungungulu a ngu ganela kharati, khuye: “Enu kha mwa nyi yingisani gu tshula vandriyanu muwugumbini. Olu eni Pfhumu Nungungulu, nyi ngu mi embelani gukheni nyi na mi tulelani dzinyimbi dzi ta mi sasela khu matshari, mitungu ni dzindzala; mu na khala gihegiso vbakari nya mifumo yatshavbo ya mafuni.

Jeremiya 42:18

Kholu Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: “Mwa gu hongolani tigoni ga Egipito, guvbisa nya likhulo langu li na thegela vbatshani gwanu kha nga idzo li thegedego khidzo vathu va Jerusalema. Mu na hembuludwa ni gu vadwa khu vathu, mu na khala gilo nya gihegiso, litigo lanu, kha mu na tshuka mu li wona gambe.”

Jeremiya 44:12

Nyi na dzega mitshaledwa ya na Judha, avo va fungidego guya luvela tigoni ga Egipito; vatshavbo va na sasedwa vafa khu matshari ni ndzala tigoni ga Egipito; gu nafa sanana ni vakhongolo, va na khala gilo nya gisamadziso ni gihegiso.

Jeremiya 44:13

Nyi na tsayisa vatshavbo avo va khalago tigoni ga Egipito, khu matshari, ndzala ni mitungu, nga idzo nyi nga tsayisago khidzo lidhoropa la Jerusalema.

Jeremiya 44:22

Pfhumu Nungungulu garade khu gu timisela mithumo yanu nya guvivbe ni manyala yatshavbo mu nga bani mu gira; khu guralo, litigo lanu li sasedwe li khala marumbi, li khala gisamadziso ni givalo, nyamba khadwa khu muthu, kha nga mu si wonago muhuno.

Ezekiyeli 23:46

Mune, Pfhumu Nungungulu a ngu ganela kharati, khuye: Nyi na va rumela gidzemo nya gingi, nyi va ningela pfilupfiluni ni guphangwani.

Ezekiyeli 25:3

Yingisani magana ya Mune Pfhumu Nungungulu. Mune Pfhumu Nungungulu a ngu ganela kharati, khuye: Kha nga mu ganedego, khenu: Khavbo gwadi! Gikhati yi nyenyezisidwego Nyumba yangu nya miphaso, mayelano khu litigo la Israyeli, gikhati li nga khungumudwago, ni gikhati litigo la Judha li nga yiswa wugumbini,

Ezekiyeli 26:2

“Mwamana wa muthu, Kha nga olu Tiro a ganedego khu Jerusalema, khuye: Khavbo gwadi! Nyangwa ya va nya mayigo, yi khungumudwe, nyi tuledwe; nyi khala gitetema kholu yi khungumudwego,

Ezekiyeli 5:8

khu guralo, Mune, Pfhumu Nungungulu a ngu ganela kharati, khuye: Wonani nya gukhenu eni, mune kamwe, nyi na gu lamula uwe Jerusalema; nyi gu ninga tsayiso nu gu wonwa khu va nya mayigo.

Dhewuteronome 28:25

Pfhumu Nungungulu a na gu thesa mbeli ga valala vago; khu ndzila mweyo u na duga guya dwana ni valala vago, aholu u naya tutuma mbeli gwawe khu livbandre na dzimbili dzindzila; khu guralo, u na khala gihegiso ga mayigo yatshavbo ya mafuni.

Dhewuteronome 28:37

U na khala gipoyilo ni gisamadziso, vbakari nya vathu vale Pfhumu Nungungulu, a na gu yisago gwawe.