Jeremiya 24:1 - Bhibhiliya Nya Guage

¹ Pfhumu Nungungulu a di nyi yeyedza situndru sivili nya gutale khu dzindzawa na si vegidwe Nyumbani gwa Pfhumu Nungungulu, hwane nya gu Nabhukodhonosori, mufumeli wa Bhabhiloni, na vbagede Jekoniya, mwamana wa Jowakimi, mufumeli wa Judha, gumogo ni dzindruna dza Judha, ni vameseri, ni vabethi nya dzisimbi dza Jerusalema, a va yisa wugumbini Bhabhiloni.

Jeremiya 24:1 Iomraidhean Croise

2 Dzipfhumu 24:10

Khu gikhati gyogyo, sithumi sa Nabhukodhonosori, mufumeli wa Bhabhiloni, si dita guta sasela Jerusalema, si mu randrela.

2 Dzikoronika 36:10

Guvbelani nya mwaga yoyo, mufumeli Nabhukodhonosori a di rumela gu va mu mola va mu yisa Bhabhiloni, gumogo ni sombo nya singi nya sugu nya lisima sa Nyumbani ga Pfhumu Nungungulu; a vega ndriyaye Zedhekiya a khala mufumeli wa Judha ni Jerusalema.

Isaya 13:1

Aya Mahungu nya gupfhungumudwe ga Bhabhiloni ma nga woniswago ga Isaya, mwamana wa Amosi:

Jeremiya 13:19

“Madhoropa ya Marandzi ma segidwe, mwalo a kodzago gu ma tula; vatshavbo va na Judha va vbagedwe va yiswa wugumbini; vatshavbo va hongode kha ga tshala muthu.”

Jeremiya 27:20

esi Nabhukodhonosori, mufumeli wa Bhabhiloni, a ngamba si dzega gikhati a nga vbagela Jekoniya, mwamana wa Jowakimi, mufumeli wa Judha, khu Jerusalema a mu yisa Bhabhiloni, gumogo ni vatshavbo vathu nya guthavisege va Jerusalema.

Jeremiya 28:4

Nyi na wuyisa gambe wulangani wowu Jekoniya, mwamana wa Jowakimi, mufumeli wa Judha, ni vatshavbo va na Judha va vbagedwego va yiswa wugumbini Bhabhiloni; kholu nyi na funya kanga wa mufumeli wa Bhabhiloni.” A ngu ganela Pfhumu Nungungulu.

Jeremiya 29:1

Aya khu magana nya lidangalila muprofeti Jeremiya a nga li rumelago ga mitshaledwa nya madhota, vaphasi nya mhamba, vaprofeti ni ga vathu vatshavbo va nga bani vari wugumbini, va nga vbagedwago khu Jerusalema khu Nabhukodhonosori a va yisa Bhabhiloni.

Jeremiya 29:2

Hwane nya gu bani va dugide khu Jerusalema, mufumeli Jekoniya, pfhumugadzi mayi waye, mithenwa, dzindruna dza Judha ni Jerusalema, vavati ni vabethi nya dzisimbi, na va gu vbagedwe va yiswa Bhabhiloni.

Jeremiya 37:1

Zedhekiya, mwamana wa Josiya, mufumeli wa Judha, a di emiswa gu khala mufumeli khu Nabhukodhonosori, mufumeli wa Bhabhiloni. A di fuma wulangani wa Koniya, mwamana wa Jowakimi.

Ezekiyeli 17:4

Li di dzega litamo leli nya tshoka ya vbatshani ngudzu, li li yisa tigoni la va nya wugwewo, li ya li yala dhoropani nya varengisi.

Ezekiyeli 19:9

Va di yi ndrindra khu khalo waye, va yi thela gikayelani, va yi yisa ga mufumeli wa Bhabhiloni; va di yi khothela makhokholani, gasi gu si pwali gambe lito laye sigomoni sa Israyeli.

Amosi 3:7

Khu lisine, Pfhumu Nungungulu, kha na gira gilo nyamba phela khu gu ninga giwoniso ga sithumi saye, a gu vaprofeti.

Amosi 7:1

Pfhumu Nungungulu a di nyi yeyedza esi: Wonani, guphelani nya gurumbuge nya mela nya wuvili nya mwasi, uye a di gira mbasa. Hwane nya gu mufumeli na vbedzide guvbwera dzimbewu.

Amosi 7:4

Pfhumu Nungungulu a di nyi yeyedza esi, khuye: Wona nya gukhuwe Pfhumu Nungungulu a ngu vbweta guta lamula vathu vaye khu nilo, uwo wu na vbisago nondrwa nya guete, wu gu mbembisa gambe linene.

Amosi 7:7

Khu hwane nya ugo, Pfhumu Nungungulu a di nyi yeyedza gambe esi: Nyi di wona Pfhumu na emide vbatshani nya libhiyo na pharide ngodzi nya gupime mandzani gwaye.

Zakariya 1:20

Pfhumu Nungungulu a di nyi nonedza vapfhuli vana nya dzisimbi.

Zakariya 3:1

Khu hwane nya ugo, Uye a di nyi yeyedza Josuwa, muphasi nya khongolo nya mhamba, na emide mbeli ga ngilozi ya Pfhumu Nungungulu, Sathane na emide khu nyamudye, gasi gu mu thuledza.