Jeremiya 23:7 - Bhibhiliya Nya Guage

⁷ Khu guralo, wonani nya gukhenu ma nguta matshigu, a ngu ganela Pfhumu Nungungulu, “va na gumba ganela gambe, khavo: Nyi ngu sambanya khu Pfhumu a vbanyago, a dusidego livelego la Israyeli khu tigoni ga Egipito;”

Jeremiya 23:7 Iomraidhean Croise

Isaya 11:11

Ga litshigu lolo, Pfhumu a na simama gu khusedza mandza yaye, gasi gu dzegisa vathu vaye, vale va tshadego tigoni ga Asiriya, Egipito, Patrosi, Etiyopiya, Elamo, Sinari, Hamati gumogo ni sidwa sa phwani.

Isaya 43:5

Khu guralo u nga thavi, kholu eni nyi nago, nyi na wuyisa situgulwana sago gukhugela Khugadambo, nyi si tombanisa gukhugela Pfoladambo.

Jeremiya 23:3

Eni mune kamwe nyi na tombanisa dzinvuta dzi tshadego, khu mayigoni gwatshavbo dzi nga bani dzi thavede umo, nyi na dzi wuyisa mavbandroni gwawe; umo dzi na guta velegelana.

Jeremiya 30:3

Kholu Pfhumu Nungungulu a ngu ganela, khuye: “Wona, ma nguta matshigu nyi na gu kategisago vathu vangu va na Israyeli ni va na Judha; nyi na va wuyisa tigoni nyi ningidego vababe vawe, gasi va li fumela.”

Joyele 3:5

Kha nga mu dzegidego parata ni ndralama yangu ni sombo sangu nya wuzundzo wumburi mu si vega dzinyumbani ga vanungungulu vanu;

Mikeya 7:15

Eni nyi na mi yeyedza sisamadziso, kha nga matshiguni u dugidego khayo khu tigoni ga Egipito.