Jeremiya 23:5 - Bhibhiliya Nya Guage

⁵ Pfhumu Nungungulu a ngu ganela, khuye: “Wonani, ma nguta matshigu nyi na bugiselago Dhavhidhe pfhundre nya gululame; uye a na khala mufumeli, a na fumelago khu wugengeli ni guti, gambe a na lamula vathu khu nongameto.”

Jeremiya 23:5 Iomraidhean Croise

2 Samuweli 23:3

Nungungulu wa na Israyeli ganede, Giwindri gya Israyeli gi di nyi embela, khigyo: A na manega uye a na fumelago vathu khu gululama, mufumeli a ningago githawo Nungungulu,

Dzindzimo 45:4

Khilela kavalu nya gupale, u ya dwanela lisine ni gululama; libogo lago la nyamudye li na gu hevbudze gu gira siliwugiso.

Dzindzimo 80:15

Sayisa litshina leli u nga li yala khu mandza yago ya nyamudye, gibuga gegi u nga gi dandrisa.

Dzindzimo 99:4

Uwe u Pfhumu nya tshivba u golago gululama, U tiyiside esi si lulamidego, u ngu lamula sanana sa Jakobe khu nayo ni lisine.

Isaya 33:5

Pfhumu Nungungulu a khusedzidwe, kholu a gu vbanya vbatshani ngudzu; Uye tadzide Siyoni khu lisine ni gululama.

Isaya 4:2

Khu litshigu lile, lithungedwa la Pfhumu Nungungulu li na tala khu wumburi ni wuzundzo; mihandro nya mafu, yi na bani yiri matshandza ga va na Israyeli va na vbulugago.

Isaya 42:6

Eni, Pfhumu Nungungulu, nyi gu ranide guta thuma gululama, nyi na gu phara khu libogo, nyi gu sayisa, nyi na gu gira mutshanganisi nya vathu ni wenengedzo wa va nya mayigo;

Isaya 45:24

Va na ganela khu eni, khavo: Gululama ni tshivba somo ga Pfhumu Nungungulu basi; va nata gwaye na va tade khu dzitshoni vatshavbo vale va nga mu wugelago.

Isaya 52:13

Wonani nya gukhenu, githumi gyangu gi na thuma khu mapimo, gi na dandriswa, gi zundzwa, gi khusedzwa vbatshani.

Isaya 53:10

Khu guralo, Pfhumu Nungungulu a di tsakiswa khu gu mu lemedza khu sigaradzo; a ningela womi waye gasi gu girwa mhamba nya guhandze sighoho, a na wona livelego laye, ni guvbanya matshigu nya gulaphe; khu mandzani gwaye gu na tadzisega gugola ga Pfhumu Nungungulu.

Isaya 53:2

Kholu githumi gyangu gi di dandra mbeli ga Pfhumu Nungungulu kha nga litamo li thungago, mwendro kha nga khamba mafuni nya gihala; a diri mwalo giemo nya gutsakise mwendro wumburi.

Isaya 9:5

Kholu silato satshavbo masotshwa ma nga bani ma hongola khiso nyimbitunu, ni guambala gwatshavbo gu naganidego khu novba, si na vbiswa, si na khala nga dzikhuni niloni.

Isaya 9:6

Kholu hi velegedwe gyanana, hi ningidwe gyanana nya gikhwathana; wufumu womo magatani gwaye; ni lina laye li na ranwa pwani: “Singalagadzi nya Guliwugise, Nungungulu nya Tshivba, Babe nya Gupindruge, Pfhumu nya Gurule.”

Isaya 9:7

Gasi wufumu waye nya gurule wu engedzelane kala gupindruga, vbagikhalotunu nya wufumu wa Dhavhidhe ni mufumo waye, a wu tiyisa ni gu wu seketela khu nongameto ni gululama, gukhugela olu kala gupindruga. Khathalelo waPfhumu Nungungulu nya Tshivba Yatshavbo wu na gira isoso.

Jeremiya 22:15

Ina u na fuma kholu u gu ni misedhari nya yingi yi na gu gu gira mufumeli, gani? Ina khu dziti nya gukhuwe babe wago hodzide ni gu sela, kholu a nga lamula khu gululama ni lisine, gani? Khu guralo, uye satshavbo si di mu dugela gwadi.

Jeremiya 22:3

Pfhumu Nungungulu a ngu ganela kharati, khuye: Lamulani vathu khu nongameto ni gululama, vale va wandredwego silo sawe, va tshudziseni ga avo va va tshanisago; mu nga tshanisini muluveli, noni, ambari gisiwana; mu nga girini wughevenga, ambari gu vbaladzani novba nyambana nandru wulanga wowu.

Jeremiya 22:30

Pfhumu Nungungulu a ngu ganela kharati, khuye: “Muthu yoyu mu loveni nga moyo a gu mwalo sanana, guvbanyani gwaye gima kha na mana gukatega.” Kholu kha na dugelela ni moyo nya gyanana gyaye, a na gu khalago vbagikhalotunu nya wufumu wa Dhavhidhe, gumogo gambe ni gu fumela tigoni ga Judha.

Jeremiya 23:6

Matshiguni yaye, Judha a na vbanyiswa, Israyeli a na vbanya na khadzisegide khu gurula; a na ningwa lina nya gupwani: “Pfhumu Nungungulu khuye gululama gwathu.”

Jeremiya 29:11

Eni kheni nyi matigo gwadi makungo nyi gu navo khu enu, a ngu ganela Pfhumu Nungungulu; makungo yangu khya gu mi kategisa nasiri gu mi reselani dzimhango, makungo nya gu mi ningeni gitumbo ga matshigu ma nga gutago.

Jeremiya 30:3

Kholu Pfhumu Nungungulu a ngu ganela, khuye: “Wona, ma nguta matshigu nyi na gu kategisago vathu vangu va na Israyeli ni va na Judha; nyi na va wuyisa tigoni nyi ningidego vababe vawe, gasi va li fumela.”

Jeremiya 30:9

“Va na thumela Eni Pfhumu Nungungulu wawe, va thumela gambe Dhavhidhe, mufumeli wawe, uye nyi na gu mu hathago vbakari gwawe.”

Jeremiya 31:27

Pfhumu Nungungulu a ngu ganela kharati, khuye: “Wonani, ma na vboha matshigu nyi na gu yalago ndrangani ga Israyeli ni ga Judha mbewu nya vathu ni mbewu nya sirengo.”

Ezekiyeli 21:27

Gupfhungumudwa! Gupfhungumudwa basi! Nyi na vbindrugedza lidhoropa li khala marumbi, ilo kha li na nga wusedzwa gambe, kala a vboha uye li mu lumbago khu lisine; khuye nyi na mu ningago.

Ezekiyeli 34:16

Nyi na vbwetedzela idzo dzi dzimedego, nyi wuyisa idzo dzi phalalegidego, nyi na hungelela iyo yi bayisidwego, nyi tiyisa iyo yi vbedego tshivba; aholu iyo nya gukanyise ni iyo nya tshivba nyi na dzi mbembisa. Nyi na dzi havisa khu gululama.

Ezekiyeli 34:29

Nyi na dzi ninga marembwe nya gunone, gima kha dzi na mbembiswa khu ndzala tigoni, ambari gu khala gihegiso ga va nya mayigo.

Ezekiyeli 45:8

“Litigo leli li na bani liri thomba yaye tigoni ga Israyeli; vafumeli vangu gima kha va na nga tshanisa gambe vathu vangu; gambe, va na kabanisela litigo ga va na Israyeli, gukhedza khu lihundzu lawe.”

Dhaniyeli 9:24

Gu vegidwe livbandre na mavili magumi dzisemana (70) gikhati a gi dongisedego gasi gu tshudzisa vathu vago ni lidhoropa lago nya gukatege mugighohoni gumogo ni guvivba gwatshavbo, gasi va kodze gu tsetseledwa sighoho, gasi gu reswa gululama kala gupindruga, gasi gi tadzisege giwoniso nya wuprofeti wowu, ni gu todza Wulanga nya Guage Ngudzu.

Hoseya 3:5

Khu hwane nya ugo, va na Israyeli va na wuya va vbindrugedza va vbweta Pfhumu Nungungulu wawe, ni Dhavhidhe mufumeli wawe. Khu matshigu nya guhegise va na hidzimela na va gu ndrendremela ga Pfhumu Nungungulu, va hakha sikategiso nya wuwadi waye.

Amosi 9:11

Khu litshigu lolo, nyi na wusa gambe tshatsha wa Dhavhidhe wu thegidego. Nyi tshikedzela malufa yaye, nyi wusa marumbi yaye. Nyi na wu vbahedza nga idzo wu nga bani ma romo khidzo khu gale;

Mikeya 5:3

Khu guralo, a na va ningela kala gikhati oyu a lumwago a na velegago. Khavbo vandriyaye va nga tshalago, va na wuyago vata dzi tshanganisa ni va na Israyeli.

Zakariya 3:8

Olu, upwa gwadi, uwe Josuwa, muphasi nya khongolo nya mhamba, uwe gumogo ni vangana vago va khalago mbeli gwago, kholu enu mu giwoniso nya guvbanyiswe gu natago; Eni nyi na resa githumi gyangu nya gupwani Lithungedwa.

Zakariya 9:9

Nengela ngudzu uwe nyamahegyane wa Siyoni; womba kulungwane nya gutsake uwe nyamahegyane wa Jerusalema; wona, Mufumeli wago a nguta gwago, uye a lulamide gambe Muvbanyisi, gisiwana, a nguta na khilede buru, avbo nya giburwana, gyanana nya buru nya ngadzi.

Matewu 2:2

Va di ya wudzisa, khavo: “Mufumeli wa Vajudha a ngarigu gu velegwa, a gu manegela hayi? Hi wonide nyeledzi yaye khu Khugadambo, hi dzude gasi guta mu khozela.”

Johane 1:45

Filipi a di mana Natanayeli a mu embela, khuye: “Hi ngari gu mu mana wule a nga thudwago khu Mosi nayoni waye, a nga ganedwa khu vaprofeti; khu Jesu wa Nazareta, mwamana wa Josefe.”

Johane 1:49

Natanayeli a di mu hakha, khuye: “Rabi! Uwe u Mwamana wa Nungungulu; u Pfhumu ya na Israyeli.”

1 Vakorinto 1:30

Aholu hi tshanganisidwe ni Jesu Kristo, a gu uye a khadego guti gwathu. Khu tshivba ya Kristo hi giridwe vathu nya gululame mahoni gwaye, hi giridwe vathu va Nungungulu, hi dzegisidwe wugumbini nya gighoho.

Vahebheru 8:8

Kholu, Nungungulu, na wonide gukhuye vathu vaye va na ni nandru, a di ganela, khuye: “Wonani, ma ngu vboha matshigu, nyi na gu girago gidzumeledzwano nya giphya ni vathu va na Israyeli, ni vathu va Judha.

Gutuledwa 19:11

Nyi di wona gambe ndzadzini na gu tulegide, gu wonega kavalu nya guage. Oyu a yi khiledego a gu ranwa pwani khuye nya “Gutumbege,” nya “Lisine,” kholu khu gululama a di fuma ni gu dwana nyimbi.