Jeremiya 23:36 - Bhibhiliya Nya Guage

³⁶ Aholu mu nga ganeli gambe khu rwalo wa Pfhumu Nungungulu; kholu muthu ni muthu a na lemedwa khu magana yaye; kholu mu hambanisago ndzila nya magana ya Nungungulu a vbanyago, ya Pfhumu Nungungulu nya Tshivba Yatshavbo, Nungungulu wathu.

Jeremiya 23:36 Iomraidhean Croise

2 Dzipfhumu 19:4

A gu dzina saye, Pfhumu Nungungulu wago, a yingiside magana ya Rabhisaki ayo a rumedwego khu mune waye, mufumeli wa Asiriya, guta vala Nungungulu a vbanyago, mwendro saye Pfhumu Nungungulu wago a na kawuka magana yaya a ma pwidego; gasi olu gira nombelo khu vathu vava vatshadego!”

Dzindzimo 12:3

Pfhumu Nungungulu, pila sihofu nya malipha, sa avo va ganelago khu matshandza,

Dzindzimo 120:3

Uwe lidimi nya mukanganyisi, u na wuyedwa khu ginani, tshatshazelo muni u na wu manago?

Dzindzimo 149:9

gasi va lamule mayigo khu edzi gu lovidwego khidzo, owu khuwo wuzundzo nya sihathwa saye satshavbo. Aleluya! A na dhumiswe Pfhumu Nungungulu!

Dzindzimo 64:8

Va na tshunganiswa khu malimi yawe wurumba; vatshavbo va si wonago va na khiniga mihungo.

Mavingu 17:20

Muthu nyambana mapimo gima kha mani gurula, ni muthu nya mapongowongo a gu thegedwa khu mhango.

Isaya 28:22

Olu, digani gu hembulula, gasi mu si hungwi khu makhetshe nya guvbindre pimo; kholu nyi pwide khu ga Pfhumu Nungungulu nya Tshivba Yatshavbo, na gu ganedwa khu gumbembiswa litigo, gumbembiswa gogu, gu tiyide, gu na girega tigoni gwatshavbo.

Isaya 3:8

Kholu Jerusalema gu tshunganede, Judha thegide, kholu magana ni mithumo yaye, khya gu wugela Pfhumu Nungungulu, va hembulula guwonega nya wudhumo waye.

Jeremiya 10:10

Aholu Pfhumu Nungungulu khuye nya lisine; uye Nungungulu a vbanyago; ni Mufumeli nya gupindruge. A gu goroga, litigo la gu ndrendremela, ni mayigo kha ma tiyi gu ema mbeli nya likhulo laye.

Jeremiya 23:37

Mu na embela muprofeti kharati, khenu: Gasi Pfhumu Nungungulu a di gu hakha khuye ginani? Mwendro ginani a ganedego Pfhumu Nungungulu?

Gililo 2:14

Vaprofeti vago va gu kanganyiside khu siprofeto nya malipha ni wupumbu. Va tandregide gu gu tugudzisa sighoho sago, gasi u si yiswi wugumbitunu. Va gu tivisa basi silo nyambana fanelo; iso si nga gu hambanisago.

Matewu 12:36

Kholu eni nyi ngu mi embelani, kheni: Magana yatshavbo nyamba yela vathu va ma ganelago va na ma livba litshigu nya gulamudwe.

Luka 19:22

Mufumeli wule a di mu hakha, khuye: ‘Githumi nya guvivbedwe khu monyo, nyi ngu gu kona khu magana yago. Gwadigo u di gu dziti nya gukhuwe nyi mwama nya wurena, nyi dzegago umo nyi ngamba vega ni gu vbwera umo nyi ngamba yala,

Mithumo 14:15

“Madhota, khu ginani mu gira esi! Ethu nethu hi vathu kha nga enu, hi na ni mavbanyelo mamowo ni enu, ha gu mi tivisa Ivhangeli gasi mu vbindrugedza mavbanyelo mu diga vanungungulu nya liphanga, mu khodwa ga Nungungulu a vbanyago, Uye a nga gira mafu ni ndzadzi, ni yiphwa ni satshavbo si guromo umo.

Vagalatiya 6:5

kholu, muthu ni muthu guvbweta a rwale abune rwalo waye.

Dhewuteronome 5:26

Kholu khu wevbini muthu a nga yingisa lito la Pfhumu Nungungulu a vbanyago na li gu ganela khu vbakari nya nilo, kha nga idzo ethu hi nga mu yingisago khidzo a simama gu vbanya?

1 Vatesalonika 1:9

Khu guralo, vatshavbo va gu ganela khu mahakhelo mu nga hi hakhani khayo ni gu digani vanungungulu nya malipha, mu thumela Nungungulu nya guvbanye, nya lisine.

2 Pedro 3:16

Khiso esi a nga si ganelago malangalilani gwaye, gikhati a nga mi lovelani khu mahungu yaya. Malangalilani gwaye somo silo nya gugaradze gu si pima, va nya mbati ni va nya gukhodwa vbadugwana va sindrwago khiso gu si tshamusela, nga edzi va girago ga simbe sipandre nya Milowo nya Guage. Khu guralo, va gu dzi mbembisa vabune.

1 Samuweli 17:26

Khavbo avbo, Dhavhidhe a di wudzisa ga masotshwa ma nga bani ma romo vbafuvbi gwaye, khuye: “A na hakha ginani uye a na gu palago mwama yoyo nya Mufilisitiya ni guvbulugisa wudhumo wa Israyeli? Khu mani yoyo nya Mufilisitiya nyamba hana wugwera, nya gukala a wugela masotshwa ya Nungungulu a vbanyago?”

1 Samuweli 17:36

Eni githumi gyago nyi kodzago gu songa nghala ambari gikankanka; Mufilisitiya yoyo nyamba hana wugwera a na fanana ni gimwegyo nya iso, kholu a gu khuthedzela masotshwa ya Nungungulu a vbanyago.