Jeremiya 23:32 - Bhibhiliya Nya Guage

³² Eni Pfhumu Nungungulu nya gu dwana ni vaprofeti va resago dzindroro nya malipha, va pengisa vathu vangu, khu malipha yawe nya gukanganyise; aholu na siri eni nyi va rumidego ni gu va ninga nayo yoyu. Khu guralo, gimwalo giphaso va resago ga vathu; a ngu ganela Pfhumu Nungungulu.

Jeremiya 23:32 Iomraidhean Croise

Joba 13:4

Kholu enu mu valugi nya malipha, enu mwatshavbo mu dzinyanga nyamba phasa gilo!

Isaya 3:12

Vathu vangu va gu tshaniswa khu sanana, va fumedwa khu vanyamayi. Enu! Vathu vangu, avo va mi thangelago va gu mi kanganyisa va mi ndreyisa ga ndzila mu yelago gu gimbila khiyo.

Isaya 9:15

Hungo khu madhota ni vale nya guthavisege, muprofeti a va hevbudzago malipha, khuye a gu ngila.

Jeremiya 23:13

Ga vaprofeti va Samariya nyi wonide gwadi wuphuguphugu wawe; avo va di gu profeta khu lina la Bhahali, va ndreyisa vathu vangu va na Israyeli.

Jeremiya 23:16

Pfhumu Nungungulu nya Tshivba Yatshavbo a ngu ganela kharati, khuye: “Mu nga theli kota khu magana ya vaprofeti va mi embelago situmbiso nya malipha; va gu mi pwadzelani siwoniso nya myonyo yawe, yi si tigo khu ga Pfhumu Nungungulu.”

Jeremiya 23:25

Nyi yingiside malipha ma ganedwego khu vaprofeti khu lina langu, avbo eni nyi ngamba va ninga siwoniso soso, va ganela, khavo: Hi di loriswa! Hi di loriswa!

Jeremiya 23:31

Pfhumu Nungungulu a ngu ganela, khuye: Nya gu dwana ni vaprofeti vovo va dzi profetago magana ya myonyoni gwawe; va ganela khavo, khuye a ganelago.

Jeremiya 29:31

Rumela gu embedwa vatshavbo va vbagedwego mayelano khu Simaya, Muneyemi, khuwe: Kha nga olu Simaya, a nga dzi gira muprofeti avbo gwanu, mu khodwa gwaye khu malipha na sa rumwa kheni,

Jeremiya 7:8

Aholu enu mwa gu dzi kanganyisani mwabune khu gu landrisa magana ma si phasigo gilo.

Gililo 2:14

Vaprofeti vago va gu kanganyiside khu siprofeto nya malipha ni wupumbu. Va tandregide gu gu tugudzisa sighoho sago, gasi u si yiswi wugumbitunu. Va gu tivisa basi silo nyambana fanelo; iso si nga gu hambanisago.

Gililo 3:37

Khu mani a gukhuye gi na girege gilo nya gukari, gi girega vbavbandze nya gurume ga Pfhumu, gani?

Sofoniya 3:4

Vaprofeti vawe kha va phasi gilo, va mwalo githawo, vathu nya wundzundzwane; vaphasi vawe nya mhamba, va nyenyeziside wulanga nya miphaso, va wegedza nayo.

Zakariya 10:2

Kholu sihuru nya mipaso ya ndrangani kha si ganeli gilo nya gupwale; va nya dzisolo va gu lola malipha; va nya miloro va gulora ni gutshamusela silo nyambaya khumo; va tangadzisa khu silo nyambana gighelo. Khu kharato, vathu va gu pengiswa kha nga tshambi nya dzinvuta, va tshaniseka khu gumbana muhavisi.

Matewu 15:14

Va digeni; sikhumu si vbwetago gu phara kunga sikhumu sikwawe! Kholu gikhumu gya guvbweta gu phara kunga gikhumu gikwawe, sa sivili si ngu ya thegela phalani.”

2 Vakorinto 1:17

Na nyi hungide gikungo gyogyo gima kha nya gira kingi kingi; gambe kha nya gira khu mapimo nya wuthu. Avbo gwangu kha ga manega “Ina” ni “Ahihi?”

Dhewuteronome 18:20

Aholu muprofeti a na gu tshuka a ganela khu lina langu nya sa mu ruma, mwendro gu ganela khu lina la vambe vanungungulu, muprofeti yoyo a na songwa afa.

Gutuledwa 19:20

Aholu girengo gi di modwa gumogo ni muprofeti nya malipha, a nga girago siliwugiso tshivbani nya girengo, a gu pengisa vatshavbo ava va nga hakhago gifungo nya girengo ni va khozeli nya gifananiso gyaye. Va vavili va rinyidwe na va gu vbanya tsivani nya nilo wu dzurago na wu gu engedzedwa khu solufa.