Jeremiya 23:24 - Bhibhiliya Nya Guage

²⁴ Mwa gu alakanya gukhenu womo muthu a dzi kodzago gu sihala nyamba mu wona eni, gani? A ngu ganela Pfhumu Nungungulu, khuye: Ina kha mu dziti nya gukhenu eni nyi womo malangani yatshavbo ndzadzini ni mafuni, gani?

Jeremiya 23:24 Iomraidhean Croise

Genesi 16:13

Agari a di rana Pfhumu Nungungulu a nga ganelago naye khu lina nya gukhuye “Nungungulu khuwe U nyi wonago” , kholu a di khuye: “Kha nya mu wona neni wule a nyi wonago, gani?”

1 Dzipfhumu 8:27

Ina kamwe, lisine nya gupwani, Nungungulu a ngu khala mafuni, gani? Ambari ndzadzini ni ndzadzini gwa ndzadzini gu si gu enedzigo, ginani nyumba yeyi nyi gu vbahedego?

2 Dzikoronika 2:6

Khu guralo, khu mani a nga hadza gu mana tshivba nya gu mu vbahele nyumba? Kholu ambari gupindruga ni wugulu waye watshavbo, wusi kodzigo gu mu enedza. Kheni mani eni nya gukala nyi Mu vbahela nyumba? Gimwalo gimbe gilo nyi yelago gu gira vbavbandze nya guvbise libani mbeli gwaye.

2 Dzikoronika 6:18

Ina kamwe Nungungulu, a ngu kodza guvbanya ni vathu mafuni momu, gani? Nga khedza ndzadzini ni gupindruga ga dzindzadzi gu si gu eneligo, ginani ginyumbana gegi nyi gu vbahedego?

Joba 34:21

Maho ya Nungungulu ma gu wona magimbilelo nya vathu; a khedza gambe ni migondro yawe yatshavbo.

Joba 34:22

Mwalo mwedzi mwendro gidema si yelago gutshira umo gu sihadego sighohi.

Dzindzimo 10:11

A ganela khu monyoni gwaye, khuye: “Nungungulu a si divade, fenengedzide khovbe gima kha na wona gilo.”

Dzindzimo 139:7

Nyi naya hayi gasi gu khala hwindzo ni liphuvbo lago? Nyi na thavela hayi gasi nyi manega hwindzo ni khovbe yago?

Dzindzimo 139:8

Nya gu gwela ndzadzini, uwe u womo iyoyo, nya gu relela tigoni nya vafi, uwe u womo iyoyo gambe.

Dzindzimo 148:13

Mwatshavbo dhumisani lina la Pfhumu Nungungulu, kholu lina laye li khusegide guvbindra malina yatshavbo; wudhumo waye wu khusegide vbatshani nya ndzadzi ni mafu.

Dzindzimo 90:8

U vegide sighoho sathu mbeli gwago, u ngu vega guwonegelani sighoho hi giridego gusihalani.

Mavingu 15:3

Maho ya Pfhumu Nungungulu momo malangani yatshavbo, a khedza va nya guvivbedwa khu monyo ni va nya gululama.

Isaya 29:15

Libango ga vathu vale va sihago makungo yawe, va sihela Pfhumu Nungungulu, va gira mithumo yawe mugidemani, na va gu ganela, khavo: “Khu mani a na gu hi wonago, khu mani a hitigo?”

Isaya 57:15

Kholu a gu ganela kharati, wule a Khusegidego, a guromo vbatshani ngudzu, a vbanyago kala gupindruga; uye a gu ni lina li Agidego, khuye: “Eni nya gu vbanyela wulanga wu agidego wu guromo vbatshani ngudzu, aholu nya gu vbanya gambe gumogo ni avo va khuvekidego ni vale va vbedego tshivba, gasi gu tiyisa vale va vbedego tshivba ni gu tiyisa myonyo ya vale va khuvegidego.

Isaya 66:1

Pfhumu Nungungulu a ngu ganela kharati, khuye: Ndzadzini gikhalo gyangu nya wufumu, ni mafuni gigandredzelo nya migondro yangu. Gasi lifumbu muni nya nyumba mu hadzago gu nyi vbahela, ni gasi wulanga muni nyi yelago gu hefemula avbo, na?

Jeremiya 16:17

Kholu maho yangu ma ronogede dzindzilani gwawe gwatshavbo mu dzi wonago; ni sighoho sawe satshavbo kha si sihali mahoni gwangu.

Jeremiya 32:19

Uwe u khongolo khu dzindzila dzago nya gusamadzise, maho yago ma ngu wona gupima nya muthu ni muthu; gasi gu ninga tshatshazelo gukhedza khu mithumo yaye, gumogo ni handro nya mavbanyelo yaye.

Jeremiya 49:10

Kholu nyi tshulede dzitshalu Esawu, nyi tugula umo a sihalago umo, kha na nga nyi sihalela gambe nyi na sasela livelego laye, vandriyaye gumogo ni vaakelane vaye, uye gima kha na nga pwala gambe.

Ezekiyeli 8:12

Pfhumu Nungungulu a di nyi embela, khuye: “Mwamana wa muthu, u si wone iso madhota ya Israyeli ma girago mugidemani, moyo ni moyo na guromo nyumbani gwaye nya gulovetedwe khu sifananiso, gani? Na va gu ganela, khavo: Pfhumu Nungungulu kha hi woni; Uye dugide tigoni momu.”

Ezekiyeli 9:9

Uye a di nyi hakha, khuye: “Guvivba ga va na Israyeli ni ga va na Judha, gukhongolo ngudzu; litigo li tade khu novba wu vbaladzidwego, ni lidhoropa li tade khu wudambane. Avo va gu ganela, khavo: Pfhumu Nungungulu dugide tigoni momu; kha hi woni.

Dhaniyeli 2:22

Uye a ngu tugudzisa silo nya guete niso si sihadego; khuye atigo iso si guromo gidemani guwonegela gwa gu khala avbo gwaye.

Vaefeso 1:23

Ilo khilo givili gyaye; ilo khilo gutadzisega gwatshavbo gwa Kristo, a enedzago silo satshavbo ga vatshavbo.

Vahebheru 4:13

Gimwalo ni gimwegyo gi sihadego mahoni ga Nungungulu. Sivangwa satshavbo somo tendrelani mahoni ga Nungungulu. Ethu hatshavbo hi na ema mbeli gwaye, a hi lamula.