Jeremiya 23:21 - Bhibhiliya Nya Guage

²¹ Khandri eni nyi va rumidego vaprofeti vovo, aholu avo va di dzi tela khu gugola gwawe; gi mwalo nyi va rumedego gu ganela, avo va di dzi girela wuprofeti vabune.

Jeremiya 23:21 Iomraidhean Croise

Isaya 6:8

Khu hwane nya ugo, nyi dipwa lito la Pfhumu, li nga nyi embela, khilo: “Nyi na ruma mani, khu mani a na hongolago khu lina lathu?” Eni nyi di hakha, kheni: “Nyi womo avba. Nyi rume.”

Jeremiya 14:14

Pfhumu Nungungulu a di nyi embela, khuye: “Vaprofeti va gu profeta malipha khu lina langu; khandri eni nyi va rumedego, ambari gu leletela ni gu va embela; va gu profeta avbo gwanu khu siwoniso nya malipha ni misihalo nya gu pfhadzwe khu guwegela nya myonyo yawe.”

Jeremiya 23:32

Eni Pfhumu Nungungulu nya gu dwana ni vaprofeti va resago dzindroro nya malipha, va pengisa vathu vangu, khu malipha yawe nya gukanganyise; aholu na siri eni nyi va rumidego ni gu va ninga nayo yoyu. Khu guralo, gimwalo giphaso va resago ga vathu; a ngu ganela Pfhumu Nungungulu.

Jeremiya 27:14

Mu nga tshuki mu yingisa magana ya vaprofeti va mi embelago, khavo: Mu nga thumeli mufumeli wa Bhabhiloni, kholu malipha va ganelago.

Jeremiya 27:15

Kholu Pfhumu Nungungulu wari, khuye: Khandri eni nyi va rumidego, avo va gu profeta malipha khu lina langu, gasi Eni nyi mi phalalegisa mu mbemba enu gumogo navo va profetago isoso.”

Jeremiya 28:15

Muprofeti Jeremiya a di embela muprofeti Hananiya, khuye: “Hananiya, olu yingisa malito yangu: Uwe khwa rumedwa khu Pfhumu Nungungulu, uwe wa gu pengisa vathu va khodwa khu malipha yago.

Jeremiya 29:31

Rumela gu embedwa vatshavbo va vbagedwego mayelano khu Simaya, Muneyemi, khuwe: Kha nga olu Simaya, a nga dzi gira muprofeti avbo gwanu, mu khodwa gwaye khu malipha na sa rumwa kheni,

Jeremiya 29:8

Kholu Pfhumu nya Tshivba Yatshavbo, Nungungulu wa Israyeli, a ngu ganela kharati, khuye: Mu nga khanganyiswi khu vaprofeti vanu va guromo vbakari gwanu, ambari vafembi vanu, mu nga dzumeli gu sengwa khavo khu miloro mu yi lorago,

Jeremiya 29:9

kholu avo va gu mi girela wuprofeti nya malipha khu lina langu; khandri eni nyi va rumedego, a ngu ganela Pfhumu Nungungulu.

Johane 20:21

A di va embela nyaluphye, khuye: “Gurula gu na khale ni enu. Kha nga idzo a nga nyi rumelago khidzo Babe, eni neni nyi ngu mi rumani.”

Mithumo 13:4

Na va gu rumwa khu Liphuvbo nya Guage, va di relela Selewusiya, Khiyo va nga ya khilela ngalava va hongola Kipre.

Varoma 10:15

A na hongodzisa guwani muthu nya guya va tivisa, a gumba rumedwa? Kha nga gu ganedwago umo nya Milowo nya Guage, gupwani: “Gu ngu tshamba ngudzu gu wona gu vboha ga vale va hi reselago Mahungu nya Yadi.”