Jeremiya 23:20 - Bhibhiliya Nya Guage

²⁰ Likhulo la Pfhumu Nungungulu kha li na vbindra na li si gu giri iso li fungidego gu gira; khu matshiguni nya guhegise mu na si wona ni gu siti gwadi.

Jeremiya 23:20 Iomraidhean Croise

Genesi 49:1

Khu hwane, Jakobe a di ranisa sanana saye a si embela, khuye: Tshanganani kholu nya gu vbweta gu mi tivisani esi si na gu dugelelago khu matshigu ma ngu gutago.

1 Dzipfhumu 8:47

khu tigoni va na gu yiswago iyo guya khala dzikhumbi, va guya dzi laya, va vbindrugedza va lombelela, khavo: Hi ghohide, hi giride silo nya guvivbe, hi sighohi;

2 Dzipfhumu 23:26

Ambari khu guralo, likhulo la Pfhumu Nungungulu, gima kha la nga bosa, kholu li di gu khondra khu tshivba, kholu a di gu gorogela Vajudha, khu kotani nya satshavbo a nga gorogiswago khiso khu Manasi.

2 Dzipfhumu 23:27

Pfhumu Nungungulu a di ganela, khuye: “Judha nuye, nyi na mu dusa mbeli gwangu, kha nga idzo nyi dusidego khidzo Israyeli, nyi nyenya lidhoropa leli la Jerusalema nyi li hathidego; gumogo gambe ni nyumba nyi nga ganelago gukheni: Lina langu li na khala umo.”

Mavingu 21:30

Mwalo muthu a gengedego ni mapimo ambari wusingalagadzi, a vbindrago Pfhumu Nungungulu.

Isaya 14:24

Pfhumu Nungungulu nya Tshivba Yatshavbo, a di sambanya, khuye: Makungo yaya nyi ma pimisidego, ma na tadzisega, ni esi nyi hungidego, si na girega.

Isaya 55:11

Kharato nayo magana ma dugago khu kanani gwangu; kha ma na bwelela mahala nyamba ninga mihandro yaye, aholu ma na tadzisa guhaladza gwangu, ni gu gira iso nyi ma rumedego iso.

Jeremiya 30:24

Likhulo la Pfhumu Nungungulu kha li na bwelela hwane, na li si gu thumi ni gu tadzisa gugola nya monyo waye; guhegisani nya matshigu, esi mu na si pimani.

Jeremiya 4:28

Khu guralo, mafuni gu na lidwa, ni ndzadzini gu na sivbala; kholu khiso nyi fungidego, kha nyi dzi layi ambari gu bwelela hwane.

Jeremiya 51:12

Ghwimbani ngavbya mudzindzarini ga Bhabhiloni, engedzelani vaemeledzi mu vega dzighadhi, va vandrameleni, kholu Pfhumu Nungungulu a ngu tadzisa gikungo a hungidego khu gale nya guwugele vavbanyi va Bhabhiloni.

Ezekiyeli 21:10

li lodzidwe gasi gu sasela, li khedzigisidwe gasi gu wenengedza nga gulasa! Ina hi na nengela, gani? Ndronga ya mwamana wangu khiyo yi kanyisago misimbo yatshavbo.

Ezekiyeli 21:5

Vathu vatshavbo va na dziti gukhavo eni nyi duside litshari langu khu giwununi; gima kha li na bwelela gambe wulangani gwaye.

Zakariya 1:6

Aholu, magana ni sileletelo sangu, nyi si tivisidego khu magana ya vaprofeti, sithumi sangu, ina kha sa pwala dzindzeveni ga vababe vanu, gani? Khavbo avbo, avo va di dzi laya va vbindrugedza va ganela, khavo: Pfhumu Nungungulu nya Tshivba Yatshavbo a hi pharidego kha nga idzo a hungidego khidzo gu hi tsayisa gukhedza khu mavbanyelo ni mithumo yathu.”

Dhewuteronome 4:30

Gikhati u na manago sigaradzo, ni silo satshavbo soso si na gu vbohelago khu matshigu nya guhegise, u wuya ga Pfhumu Nungungulu wago, u yingisa lito laye,