Jeremiya 23:2 - Bhibhiliya Nya Guage

² Khu guralo, Pfhumu Nungungulu wa Israyeli a ngu ganela kharati ga vahavisi va havisago vathu vangu, khuye: Mu phalalegiside dzinvuta mu dzi dzimedza mu si khathali khidzo; khu guralo, nyi na mi tsayisa khu kotani nya mithumo yanu nya guvivbe.

Jeremiya 23:2 Iomraidhean Croise

Ekisodha 32:34

Olu, khuga u thangela vathu vangu, u va yisa iyo nyi nga gu leletelago iyo. Ngilozi yangu yi na thanga mbeli gwago. Aholu, litshigu nya guthethise, nyi na va tsayisa khu kotani nya sighoho sawe.”

Jeremiya 10:21

Kholu vathangeli vathu va hambaniside nayo, kha va yingisa Pfhumu Nungungulu; khu guralo, kha va dugelela, mitshambi yawe yatshavbo yi phalalegide.

Jeremiya 11:22

Ina, Pfhumu Nungungulu nya Tshivba Yatshavbo a ngu ganela kharati, khuye: “Wonani, eni nyi na va tsayisa; madzaha ma na songwa khu litshari, ni sanana sawe nya sikhwathana ni sagadzyana si nafa khu ndzala.”

Jeremiya 13:17

Mwa gumba dzumela gu yingisa, nyi naya lila gusihalani, khu kotani nya matshandza yanu; maho yangu ma na lila khu wuvi wangu watshavbo nyi vbaladza marongo, kholu tshambi wa Pfhumu Nungungulu, wu vbagedwe wu yiswa wugumbitunu.

Jeremiya 13:20

Khusani maho mu wone avo vatago khu phuvbo ga Wuronga; womo hayi tshambi u nga bani u ningidwe, dzomo hayi dzinvuta nya wudhumo wago?

Jeremiya 13:21

U na khuwe ginani a gu vega dzipari dzago dzi gu fumela, olu a gu uwe kamwe u va hevbudzidego gu khala vamune vago? Ina khwa napwa guvbisa kha nga nyamayi nya gulumwe, gani?

Jeremiya 17:10

Eni, kheni Pfhumu Nungungulu, nyi ngu khedza mapimo nyi linga myonyo; gasi nyi ninga moyo ni moyo tshatshazelo yaye, ni mihandro nya sigiro ni thumo waye.

Jeremiya 21:12

Uwe nyumba ya Dhavhidhe! Pfhumu Nungungulu a ngu ganela kharati, khuye: Vbadzimindrutunu lamulani khu gululama, tshudzisani avo va tshaniswago, gasi likhulo langu li si dzuri nga nilo, li vbisa nyamba tshimwa khu muthu, khu kotani nya mithumo yanu nya guvivbe.

Jeremiya 23:34

Muprofeti, muphasi nya mhamba mwendro mumbe muthu a na ganelago, khuye: Aya khu magana hi rumedwego khu Pfhumu Nungungulu, muthu yoyo nyi na mu tsayisa uye gumogo ni ndranga yaye.

Jeremiya 44:22

Pfhumu Nungungulu garade khu gu timisela mithumo yanu nya guvivbe ni manyala yatshavbo mu nga bani mu gira; khu guralo, litigo lanu li sasedwe li khala marumbi, li khala gisamadziso ni givalo, nyamba khadwa khu muthu, kha nga mu si wonago muhuno.

Jeremiya 5:29

Ina kha nyi yeli gu tsayisa silo sesi, gani? A ngu ganela Pfhumu Nungungulu; ina kha nyi yeli gu dzi phodzela ga vathu nya nga ava, gani?

Jeremiya 5:9

Pfhumu Nungungulu a ngu wudzisa kharati, khuye: “Ina nyi ngu dzi kodza gumba tsayisa silo sesi, gani?” Ina kha nyi yeli gu dzi phodzela ga litigo nya nga eli, gani?

Jeremiya 8:12

Va di yede gupwa dzitshoni khu mavbanyelo yawe nyambasi yadi; aholu ne ni vbadugwana kha va dzipwi dzitshoni; gambe kha va giti gilo muni gu khala dzitshoni. Khu guralo, va na thega gumogo ni vale va fudego; va na mbemba litshiguni nya gulamudwe; a ngu ganela Pfhumu Nungungulu.

Ezekiyeli 34:5

Khu guralo, olu dzi phalalegide, kholu dzi mwalo muhavisi, dzi khala guhodza nya sirengo satshavbo sa khabini.

Hoseya 2:13

Nyi na fuvisa gutsaka gwaye gwatshavbo, ni mibuzo yaye, nya Gumege nya Ngima, nya dzisabhadho, ni yatshavbo mibuzo yaye.

Mikeya 7:4

Uye a gu wadi vbakari gwawe a gu fanana ni girangalabwa; ni uye a lulamidego ngudzu a gu fanana ni litamo nya miba. Li vbohide litshigu li huweledwego khu vawoneleli vawe, a gu litshigu nya tsayiso wa Nungungulu; olu gu na bani guri pfilupfilu vbakari gwawe.

Zakariya 10:3

Likhulo langu la gu vbisela vahavisi, eni nyi na tsayisa vathangeli; aholu Pfhumu Nungungulu nya Tshivba Yatshavbo a nata sayisa tshambi waye, a gu vathu va Judha, a nga va gira kha nga kavalu yaye nya tshivba nyimbitunu.

Zakariya 11:16

Kholu nyi na rumela tigoni momu muhavisi a na gumbata thela kota khu gu sayisa dzinvuta dzi dwalago, mwendro gu landra edzi dzi dzimedego ni gu handza silondra edzi dzi bayisidwego, a ngamba khathala khu gu havisa edzi dzi vbanyago. Uye a nata hodza nyama nya edzi nya guene gwadi, a gu dzi dusa ni samba gambe!

Matewu 25:36

nyi diri ni wuhagadzo, mu nyi ambagiside; nyi di gu dwala, mu nyi wusela; nyi diri pasoni, muya nyi holela.’

Matewu 25:43

nyi diri muendri, kha mwa nyi hakha; nyi diri ni wuhagadzo, kha mwa nyi ambagisa; nyi di gu dwala, nyi diri pasoni, kha mwa nyi holela.’

Jakobe 1:27

Wukhodwa nya lisine wu lulamidego mahoni ga Nungungulu Babe, khu ogu: Guya holela sigulungu ni dzinoni gusanisekani gwawe, ni gumba dzi nyenyezisa khu silo nya guvivbe sa mafuni momu.