Jeremiya 23:17 - Bhibhiliya Nya Guage

¹⁷ Va gu simama va embela vale va bombago magana yangu, khavo: Pfhumu Nungungulu a ngu ganela, khuye: Mu na khalega khu gurula; va tiyisa gambe vale va si khathaligo khu magana yaye, khavo: “Li mwalo libango li na gu mi dugelelago.”

Jeremiya 23:17 Iomraidhean Croise

2 Samuweli 12:10

Khu guralo, litshari gima kha li na nga duga nyumbani gwago, kholu u nyi yeyiside, u dzega ngadza Uriya, nya Muhiti, a khala mwangadzi wago.

Isaya 30:10

Avo va gu embela vama nya liwoni va tugulago misihalo, khavo: “Mu nga woni gambe siwoniso!” Va embela vaprofeti, khavo: Mu nga hi gireli siphrofeto nya lisine! Aholu hi embeleni iso si na gu hi tsakisago, profetani milotelote;

Isaya 57:21

Ga va nya guvivbedwa khu myonyo gu mwalo gurula; a ngu ganela Nungungulu wangu.”

Jeremiya 13:10

Vathu vava nya guvivbedwe khu monyo, va si dzumeligo gu yingisa magana yangu, va gimbilago khu dzindzila dzi godwago khu myonyo yawe, ni gu landrisela vanungungulu nya valombo, va va khozela ni gu va thumela, va noga mbeli gwawe, va na fanana ni libhandri leli li si phasigo gilo.

Jeremiya 18:12

Aholu avo va gu hakha, khavo: “Ethu hi mwalo mahungu khu isoso! Gambe hi na simama ni mavbanyelo yathu, muthu ni muthu a na gira iso a rumwago khu monyo waye nya guvivbe.”

Jeremiya 18:18

Vathu va di ganela, khavo: “Hongoleni hi hunga gikungo nya guwugele Jeremiya; kholu kha gi na fuva gihevbudzo nya nayo wa muphasi nya mhamba, ni wusingalagadzi wa mugengeli, ambari magana ya muprofeti; hongoleni hiya mu paya khu malito yathu, hi nga khathali khu magana yaye.”

Jeremiya 3:17

Khu gikhati gyogyo, Jerusalema gu na ranwa Gikhalo nya wufumu wa Pfhumu Nungungulu; gu na ya tombana gwaye mayigo yatshavbo guya rungudza lina la Pfhumu Nungungulu, kha va na gira gambe iso si godwago khu gudzina nya myonyo yawe nya guvivbe.

Jeremiya 4:10

Khavbo avbo, eni nyi di ganela, kheni: “Ah! Pfhumu Nungungulu! Khu lisine U kanganyiside vathu vava gumogo ni Jerusalema, khuwe: Va na mana gurula; nga wona olu matshari ma va payago kala vbamonyotunu.”

Jeremiya 5:12

Va di ganedza Pfhumu Nungungulu, khavo: “Gima kha hi na dugeledwa khu libango; gima kha hi na sasedwa khu matshari, ambari gufa khu ndzala.

Jeremiya 6:14

Kha va khathali khu gu vbodzisa dzimbanga dza vathu vangu na va gu ganela, khavo: Satshavbo si ngu gimbila gwadi! Gomo gurula! Gurula! Aholu gurula na guri mwalo.

Jeremiya 7:24

Kholu kha va yingisa, ambari gu neredza dzindzeve, aholu va di gimbila khu dzindzila nya gutidwe khu myonyo yawe nya guvivbe; va bwelelela hwane wulanga nya guye mbeli.

Jeremiya 8:11

Thumo nya guvbodzise dzimbanga dza vathu vangu va di wu gira kha nga thumo nya wudugwane, na va gu ganela, khavo: “Gurude, gurude;” nari gu gumwalo gurula.

Jeremiya 9:14

Va di landra gulemela nya myonyo yawe, va landrisela sifananiso sa Bhahali, gukhedza khedzi va hevbudzidwego khidzo khu vavelegi vawe.”

Gililo 2:14

Vaprofeti vago va gu kanganyiside khu siprofeto nya malipha ni wupumbu. Va tandregide gu gu tugudzisa sighoho sago, gasi u si yiswi wugumbitunu. Va gu tivisa basi silo nyambana fanelo; iso si nga gu hambanisago.

Ezekiyeli 13:10

Kholu, va gu pengisa vathu vangu, va va embela, khavo: Gurude, narigu gu mwalo gurula. Vambe gu vbaha libhiyo khu maraga, vambe va gu li londra khu phembe li thega.

Ezekiyeli 13:19

Enu mu nyi ghohede vbakari ga vathu vangu, mu girela gu mana dzitshotanyana nya sivbila ni sipandryana nya gibaba, gasi gu songani mihefemulo yi ngamba yela gu songwa, mu vegedza mihefemulo yi gu mwalo fanelo nya guvbanye, mu liphela kharati vathu vangu va yingisa malipha yanu.”

Ezekiyeli 13:22

Khu malipha yanu mu tshunganiside wongo wa muthu nya gululame, a diga gu gira gugola gwangu, mu tiyisela vathu nya guvivbedwe khu myonyo, va si digi dzindzila dzawe nya guvivbe gasi guvbulugisa womi wawe.

Amosi 9:10

Sighohi satshavbo si guromo vbakari ga vathu vangu, si na songwa khu matshari, vatshavbo va ganelago, khavo: Gima kha hi na thegedwa khu libango ambari guvbohedwa khilo.

Mikeya 2:11

A gu manega muthu nya malipha ni wukanganyisi, a ta ganela, khuye: Nyi na mi profetela khu vbinyu ni wadwa nya guvave; muprofeti yoyo a na khala muprofeti wa tigoni momo.

Mikeya 3:11

Vathangeli vawe va gu lamula, va gu rwega milandru vathu khu gu rengeledwa, vaphasi vawe nya mhamba va gu hevbudza khu gu vbweta gu hakha, vaprofeti va gu profeta khu gu vbweta dzitsapawu, aholu va gu dzi seketela khu Pfhumu Nungungulu, khavo: Khu lisine Pfhumu Nungungulu mwalo vbakari gwathu. Li mwalo libango li na gu hi dugelelago.

Mikeya 3:5

Pfhumu Nungungulu a ngu ganela kharati, mayelano khu vaprofeti va ndreyisago vathu vangu va va hodzago khu magwaha yawe, va huwelela, khavo: “Gurula!” Aholu va wugela khu dzinyimbi vale va gumba va thela gilo kanani.

Sofoniya 1:12

Khu gikhati gyogyo, nyi na setsha gwadi Jerusalema nyi mu wenga khu myenge gasi gu tsayisa vale va gu ghaghaa vbamagimbatunu gwawe, va khalago na va levide khu vbinyu, va ganela khu myonyoni gwawe, khavo: Pfhumu Nungungulu kha kodzi gu gira gilo nya gyadi ambari nya guvivbe.

Zakariya 10:2

Kholu sihuru nya mipaso ya ndrangani kha si ganeli gilo nya gupwale; va nya dzisolo va gu lola malipha; va nya miloro va gulora ni gutshamusela silo nyambaya khumo; va tangadzisa khu silo nyambana gighelo. Khu kharato, vathu va gu pengiswa kha nga tshambi nya dzinvuta, va tshaniseka khu gumbana muhavisi.

Malakiya 1:6

Pfhumu Nungungulu a ngu ganela ga vaphasi nya mhamba, khuye: Gyanana gi ngu gola babe waye ni githumi nigyo gi ngu ninga githawo ga mune waye; eni nya gu bani nyiri babe wanu, khu gevbini githawo mu nyi ningago?

Mitengo 11:20

aholu mu na yi hodza ngima rumba, kala mu kodwa khiyo yi duga khu dzithonvuni, kholu enu mu yeyiside Pfhumu Nungungulu, Uye a guromo vbakari gwanu, gambe mu lide mbeli gwaye na mu gukhenu: Khu ginani hi dugidego khu tigoni ga Egipito?”

Luka 10:16

Khu guralo, a di embela vapizane, khuye: “Uye a yingisago enu, kheni a nyi yingisago; gasi uye a nyenyago enu kheni a nyi nyenyago. Kholu wule a nyi nyenyago, a gu nyenya wule a nga nyi rumelago.”

Dhewuteronome 29:18

Ni wevbini a na pwago magana nya givalo gegi a nga dzi khusedzi khu monyoni gwaye, khuye: Nyi na mana gurula, ambari nya gu gimbila khu ndzila nya guwegele yi godwago khu monyo wangu; kholu, talo nya mati wu na tshima lidora.

Dhewuteronome 29:19

Pfhumu Nungungulu kha na nga dzumela gu mu tsetselela; gambe li na engedzelana gu khondra likhulo la Pfhumu Nungungulu ga muthu yoyu, sitsayiso satshavbo si lovidwego libhukuni momu, si na thegela vbatshani gwaye. Pfhumu Nungungulu a na futa lina laye mafuni.

1 Vatesalonika 4:8

Khu guralo, oyu a si yingeligo milayo yeyi, khandri a gu yeyisa muthu, aholu, a gu yeyisa Nungungulu, a mu ningago Liphuvbo nya Guage.

1 Samuweli 2:30

Khu kotani nya isoso, upwani esi a ganelago Pfhumu Nungungulu wa Israyeli, wari, khuye: Eni nyi di ganede ga ndranga ya babe wago ni ndranga yago, gukheni va na nyi thumela kha nga vaphasi nya mhamba kala gupindruga. Olu Pfhumu Nungungulu a ngu ganela, khuye: Kha si na simama. Kholu avo va nyi zundzago, nyi na va zundza neni, aholu avo va nyi kanyisago va na thedwa dzitshoni.