Biblia Todo Logo
Bìoball air-loidhne

- Sanasan -




Jeremiya 23:16 - Bhibhiliya Nya Guage

16 Pfhumu Nungungulu nya Tshivba Yatshavbo a ngu ganela kharati, khuye: “Mu nga theli kota khu magana ya vaprofeti va mi embelago situmbiso nya malipha; va gu mi pwadzelani siwoniso nya myonyo yawe, yi si tigo khu ga Pfhumu Nungungulu.”

Faic an caibideil Dèan lethbhreac




Jeremiya 23:16
26 Iomraidhean Croise  

Zedhekiya, mwamana wa Khenahana, a di dzi girela dzikheho nya dzisimbi a ganela, khuye: “Pfhumu Nungungulu, a ngu ganela kharati, khuye: Khu dzikheho dzedzi, u na sasela khidzo Vaasiriya, kala u va mbembisa.”


Va di bomba sileletelo saye ni gidzumeledzwano gyaye a giridego ni vababe vawe, ni gululeka a va lulekidego khugo, va landrisela mithumo ya manyala, va khala sipumbu, va landrisela mavbanyelo ya mayigo ya vaakelane vawe, esi Pfhumu Nungungulu a va layidego gumba gira kha nga avo.


Khavbo avbo, mufumeli wa Israyeli a di tshanganisa vaprofeti va enelago mazana mana (400) vama, ava embela, khuye: “Gu ngu kodzega gu hi hongola nyimbitunu hiya dwana ni Ramoti-Gileyadhi mwendro hi si hongoli, gani?” Va di mu embela, khavo: “Indra, kholu Pfhumu Nungungulu a na va ningela mandzani ga mufumeli.”


Mwanangu, wa gu diga gu yingisa guhevbudzwa, dziti nya gukhuwe u na hambana ni magana nya guti u hevbudzidwego.


Pfhumu Nungungulu a di nyi embela, khuye: “Vaprofeti va gu profeta malipha khu lina langu; khandri eni nyi va rumedego, ambari gu leletela ni gu va embela; va gu profeta avbo gwanu khu siwoniso nya malipha ni misihalo nya gu pfhadzwe khu guwegela nya myonyo yawe.”


Pfhumu Nungungulu a ngu ganela kharati, khuye: “Gasi guvivba muni va gu wonidego vababe vanu avbo gwangu, gu kala va hambana ni eni, va ya namarela ga sifananiso nyamba phasa gilo, va vbindrugedza va khala maphuphulu?”


Khandri eni nyi va rumidego vaprofeti vovo, aholu avo va di dzi tela khu gugola gwawe; gi mwalo nyi va rumedego gu ganela, avo va di dzi girela wuprofeti vabune.


Kala lini vaprofeti vava nya malipha va na simamago gu kanganyisa vathu vangu, khu malipha yawe va ma lugidego khu mapimoni gwawe, na?


kholu va nga girago silo nya gulolele ga va na Israyeli, va bhaya ni vagadzi va vaakelane vawe ni gu dzi gira vaprofeti vangu, va ganela khu lina langu nari malipha, na nya sa va ruma gilo; satshavbo soso nyi ngu siti, gambe kheni fakazi yakone.” A ngu ganela Pfhumu Nungungulu.


Kholu Pfhumu nya Tshivba Yatshavbo, Nungungulu wa Israyeli, a ngu ganela kharati, khuye: Mu nga khanganyiswi khu vaprofeti vanu va guromo vbakari gwanu, ambari vafembi vanu, mu nga dzumeli gu sengwa khavo khu miloro mu yi lorago,


Khu mani muthu nya gugengele a yelago gu siti silo sesi? Khu mani a layidwego khu Pfhumu Nungungulu, gasi a tshamusela khuye magana yaye? Khu ginani litigo li mbembidego ni gu dagarela kha nga giwula, avbo nya gu mwalo ni muthu a vbindrago khumo?


Enu vanyamayi yingisani magana ya Pfhumu Nungungulu, tulani dzindzeve dzanu dzi yingise magana ma dugago khu kanani gwaye; hevbudzani gililo sanana sanu nya sagadzyana; moyo ni moyo a na hevbudze mata waye ndzimo nya gililo.


Malimba ya Jerusalema ma thegide vbavbatshi; ma pandregide gu funyega sikwinyaro; vafumeli ni vathangeli va phalalegide ni mayigo. Olu wu mwalo gambe nayo, ambari ni vaprofeti Pfhumu Nungungulu kha ngu va tulela gambe siwoniso. Yod


a gu vaprofeti va Israyeli, va nga bani va profeta khu Jerusalema, va diri ni siwoniso nya gukhavo gomo gurula, narigu gu mwalo gurula; a ngu ganela Mune Pfhumu Nungungulu.”


Khu kotani nya isoso, kha mu na mana gambe siwoniso nya malipha, gima kha mu na gira gambe wuprofeti. Nyi na tshudzisa vathu vangu mandzani gwanu. Khavbo mu na dzitigo gukhenu Eni kheni Pfhumu Nungungulu.”


Mune, Pfhumu Nungungulu a ngu ganela kharati, khuye: Libango ga vaprofeti nya sipumbu, va landriselago liphuvbo lawe, va ganela silo va ngamba si wona!


Siwoniso sawe kha si phasi gilo, ni nyatumbatumbane wawe khwa malipha, avo va ganelago, khavo: Pfhumu Nungungulu ganede; narigu kha va rumedwa khu Pfhumu Nungungulu; khu guralo, va gu lindrela gukhavo magana yawe ma girege.


Vaprofeti vawe va gu dzi pendra khu phembe va gu pfhadza vathu khu siwoniso nya wukanganyisi ni gu sasuledza malipha. Va ganela, khavo: Mune Pfhumu Nungungulu a ganede kharati; nari gu Pfhumu Nungungulu kha ganela gilo.


A gu manega muthu nya malipha ni wukanganyisi, a ta ganela, khuye: Nyi na mi profetela khu vbinyu ni wadwa nya guvave; muprofeti yoyo a na khala muprofeti wa tigoni momo.


“Dzi woneleni ni vaprofeti nya malipha, va tago vbakari gwanu kha nga dzinvuta, gasi khu ndrani masolwa nya guvbelele.


Va di gu dziti gukhavo Nungungulu womo, aholu kha va mu thela kota ni gu mu rungudza kha nga edzi gu vbwetegago khidzo. Va di pfhala khu mipimiso yawe nyamba phasa gilo, ni gu myonyo yawe yi gola gu landrisela silo nya gidema.


Sigodwa sangu, mu nga dzumeli vatshavbo avo va ganelago gukhavo va na ni liphuvbo la Nungungulu. Hegulani khu gu va sola vathu vovo mu fela gu dziti gukhenu liphuvbo lolo la guta khu ga Nungungulu kamwe, gani? Kholu vaprofeti nya vangi nya malipha va phalalegide ni litigo latshavbo.


Lean sinn:

Sanasan


Sanasan