Jeremiya 23:13 - Bhibhiliya Nya Guage

¹³ Ga vaprofeti va Samariya nyi wonide gwadi wuphuguphugu wawe; avo va di gu profeta khu lina la Bhahali, va ndreyisa vathu vangu va na Israyeli.

Jeremiya 23:13 Iomraidhean Croise

1 Dzipfhumu 18:40

Khavbo avbo, Eliya a di va embela, khuye: “Hungani vaprofeti vatshavbo Vabhahali, a nga tshali wa gu tshala!” Va di va mola Eliya a di relela navo gitsongwanani gya Khisoni, aya va songela iyoyo.

2 Dzikoronika 33:9

Manasi a di ghohisa va na Judha ni vavbanyi va Jerusalema, va gira ugo guvivbidego ngudzu, guvbindra mayigo Pfhumu Nungungulu a nga bani a ma mbembiside gasi gu ninga mayigo yawe va na Israyeli.

Isaya 9:16

Kholu vathangeli nya vathu vava va kanganyisi, ni avo va thangedwago khavo, va na mbembiswa.

Jeremiya 2:8

Vaphasi nya mhamba kha va wudzisa gilo, khavo: Womo hayi Pfhumu Nungungulu? Vahevbudzi nya nayo kha va khathala khu eni, vathangeli va di nyi wugela, vaprofeti va di profeta khu lina la Bhahali, va landrisela vanungungulu nyamba phasa gilo.

Jeremiya 23:32

Eni Pfhumu Nungungulu nya gu dwana ni vaprofeti va resago dzindroro nya malipha, va pengisa vathu vangu, khu malipha yawe nya gukanganyise; aholu na siri eni nyi va rumidego ni gu va ninga nayo yoyu. Khu guralo, gimwalo giphaso va resago ga vathu; a ngu ganela Pfhumu Nungungulu.

Jeremiya 36:2

Dzega libhuku u lova magana yatshavbo nyi gu embedego khu kotani ya Israyeli, Judha ni mambe mayigwana yatshavbo, gukhugela avbo nyi phedego khavbo gu ganela nago, gukhugela matshiguni ya Josiya kala muhuno.

Hoseya 4:11

Wubhayi, vhinya ya gale ni wadwa, si ngu songa mapimo.

Hoseya 4:12

Vathu vangu, va guya wudzisa wusingalagadzi ga githombe gyawe nya simbo, lipitso lawe li va ninga phindrulo. Kholu liphuvbo nya wubhayi, li ngu va ndreyisa ndzilani, kha va ngo khathala gambe khu Nungungulu wawe.

Mikeya 1:5

Satshavbo si na girega khu kotani nya guyeyise ga Jakobe ni sighoho sa nyumba ya Israyeli, khu gevbini gighoho gya Jakobe? Ina khandri Samariya? Khu wevbini wulanga nya miphaso nya vanungungulu nya malipha va Judha? Khandri Jerusalema, gani?