Jeremiya 23:11 - Bhibhiliya Nya Guage

¹¹ Pfhumu Nungungulu a ngu ganela, khuye: “Simbari vaprofeti ni vaphasi nya mhamba; vatshavbo va gu thuma silo nyamba sadi, ni nyumbani gwangu va gu gu nyenyezisa.”

Jeremiya 23:11 Iomraidhean Croise

2 Dzikoronika 33:5

Siluvelo sesi nya mabutho yatshavbo ya ndzadzini, a di si vbaha umo nya makupakupa ya mavili nya Nyumba ya Pfhumu Nungungulu.

2 Dzikoronika 33:7

A di emisa gambe gifananiso gya nungungulu nya malipha a nga gi gira uye, Nyumbani ga Nungungulu, omu Nungungulu a nga bani a ganede ga Dhavhidhe ni ga mwanaye Solomoni, khuye: “Nyumbani momu, Jerusalema, nyi gu hathidego vbakari ga mahundzu yatshavbo ya na Israyeli, nyi na vega umo lina langu kala gupindruga.

2 Dzikoronika 36:14

Vathangeli vatshavbo nya vaphasi nya mhamba ni vathu, va di engedzela ngudzu gu gira mithumo nya guvivbe ya va nya mayigo; va nyenyezisa ni Nyumba ya Pfhumu Nungungulu, iyo a nga bani a yi agiside Jerusalema.

Ezira 10:18

Gu di manega nugo vbakari ga sanana sa vaphasi nya mhamba avo va nga bani va dzeganide ni vanyamayi va mambe mayigo, a gu ava: Vbakari ga sanana sa Jesuwa, mwamana wa Jozadhaki, gumogo ni vandriyaye, ni Maseya, Eliyezeri, Jaribhi ni Gedhaliya.

Jeremiya 11:15

Gasi gigodwa gyangu gya gu vbweta ginani nyumbani gwangu, nya nga olu nya vangi vawe va girago silo nya singi nya gunyenyeze, va gu alakanya gukhavo dzinyama nya miphaso dzi ngu kodza gu dusa manyala yago, gani? Ina u ngu dzi kodza gu dzi khusedza khu gutsaka, gani?

Jeremiya 23:15

Khu guralo, Pfhumu Nungungulu nya Tshivba Yatshavbo a ngu ganela kharati mayelano khu vaprofeti, khuye: “Nyi na va ninga va hodza mihandro nya guvave, bwelo khavbo va sela wuhungu; kholu khu ga vaprofeti va Jerusalema gu yadwe sighoho tigoni gwatshavbo.”

Jeremiya 32:34

Va nyenyeziside nyumba yangu nya miphaso gu khozedwago umo lina langu, khu gu vega umo sifananiso nya vanungungulu vawe nya malipha.

Jeremiya 5:31

Vaprofeti va di profeta malipha, ni vaphasi nya mhamba va di fuma khu gugola gwawe; gambe khiso si vbwetwago khu vathu vangu. Khu guralo, mu na rini litshigu gu na vbohago mahegiso nya silo sesi?

Jeremiya 50:6

Vathu vangu va gu fanana ni dzinvuta dzi dzimedego; va ndreyisidwe khu vahavisi vawe, va dzimedzidwe sigomoni ni sigomwanani, va gu legalega basi, kha va nga gu guti ni phandroni gwawe.

Jeremiya 6:13

kholu gukhugela ga sanana kala vakhongolo, vatshavbo va gu vbweta gu ghanya. Vaprofeti ni vaphasi nya mhamba, vatshavbo sidambane.

Jeremiya 7:30

Kholu va na Judha va giride iso si vivbidego mbeli gwangu. A ngu ganela Pfhumu Nungungulu; va giride manyala nyumbani gu khozedwago umo lina langu va gu nyenyezisa.

Jeremiya 8:10

Khu guralo, nyi na ningela vagadzi vawe ga vambe vama, ni marembwe yawe ma na ningedwa ga valala vawe; kholu gukhugela sanana kala vakhongolo, vaprofeti ni vaphasi nya mhamba, moyo ni moyo wawe a dzi ningede umo nya wudambane.

Gililo 2:20

Pfhumu Nungungulu, khedzisa, u wona, gukhuwe gasi khu mani u mu giredego silo sesi? Ina vamayi va ngu yela gu hodza handro wa mahembeni gwawe, a gu sanana va si wugarelago mawogoni gwawe, gani? Ina vaphasi nya mhamba ni vaprofeti va ngu yela gu songwa giluveloni nya guage gya Pfhumu, gani? Sini

Ezekiyeli 23:39

Ga litshigu la limwedo va nga bani va gu phasela sanana sawe ga sifananiso sawe, avo va di gu bela nyumbani gwangu nya miphaso va gu nyenyezisa. Khiso va giridego nyumbani gwangu.

Ezekiyeli 44:10

Khu guralo, va na Levhi va nga dzi pambulago ni Eni va hongola hwindzo, gikhati Israyeli a nga dzi ndreyisago a legalega aya hwindzo ni Eni, va landrisela sifananiso sawe, va di rwala vabune guvivba gwawe.

Ezekiyeli 7:20

Avo va diri ni matshandza khu silo sesi nya gumbure, va gu dzi girela khiso sifananiso nya gunyenyeze. Khu guralo, silo soso, nyi na si gira si khala silo nya gunyenyeze avbo gwawe.

Ezekiyeli 8:11

Mbeli gwawe, gu diromo livbandre na mavili magumi (70) madhota ya na Israyeli, gumogo ni Jazaniya, mwamana wa Safani, a diri vbakari gwawe. Khu gyomboni nya guvbisele umo libani, gi nga bani giri mandzani ga moyo ni moyo, gu di gu gwela lipfhi nya likhongolo nya mahema nya gunungele.

Ezekiyeli 8:16

Khu guralo, uye a di nyi dzega a gu nyi bedza ndrani nya likupakupa la Nyumbani ga Pfhumu Nungungulu; vbale, vbamwanyatunu nya Nyumba ya Pfhumu Nungungulu, vbakari ni vbakari nya mwanya ni giluvelo, gu diromo gipimo nya magumavili na livbandre (25) vama, na va pfhurarede Nyumba ya Pfhumu Nungungulu, dzikhovbe dzawe va khedza Khugadambo; avo va di gu khozela lidambo.

Sofoniya 3:3

Vathangeli vaye va gu fanana ni dzinghala dzi ngurangurago vbakari gwaye. Valamuli vaye gu fanana ni masolwa vbasilambotunu, ma hodzago nyamba tshiya sirambo nya gute hodza mindru.

Sofoniya 3:4

Vaprofeti vawe kha va phasi gilo, va mwalo githawo, vathu nya wundzundzwane; vaphasi vawe nya mhamba, va nyenyeziside wulanga nya miphaso, va wegedza nayo.