Jeremiya 22:6 - Bhibhiliya Nya Guage

⁶ Kholu Pfhumu Nungungulu a ngu ganela kharati, mayelano khu ndranga ya mufumeli wa Judha, khuye: “Uwe avbo gwangu wa gu fanana ni gigomo gya Gileyadhi, u nyi tsakisa gu fanana ni gigomo gya Libhanoni; aholu nyi ngu sambanya gukheni nyi na gu vbindrugedza u khala giwula, lidhoropa nyamba khadwa khu muthu.”

Jeremiya 22:6 Iomraidhean Croise

Genesi 37:25

Khavbo avbo, va di khala vbavbatshi va hodza. Aholu na va khuside maho va di wona tsawa nya vasundzi va na Ismayeli na va guta khu Gileyadhi. Dzingameriya dzawe na dzi rwade mirwalo nya mafura ni mirendre nya guhambanelane na va gu hongola nayo tigoni ga Egipito.

Dzindzimo 107:34

Wulime nya wadi a di wu vbindrugedza wu khala munyu, khu kotani nya wuvivbi wa avo va khalago umo.

Gizimba 4:1

Mwama —Idzo u mburidego khidzo gigodwa gyangu! Ah, idzo u mburidego khidzo. Maho yago gukhwatshi maho nya lituva khu ndrani nya gifenengelo gyago. Ndzudzu wago wa gu fanana ni tshambi nya dziphongo dzi havago gigomoni gya Gileyadhi.

Gizimba 5:15

Mawundru yaye madingo nya siwindri nya guage na si tshomegedzedwe vbasirandrotunu nya ndralama yi hutidwego yi fanana ni gigomo gya Libhanoni nya wumburi nya gufanane ni sedhari.

Isaya 27:10

Kholu lidhoropa nya gutiye li khade marumbi, kha gu na khala gambe muthu umo, li vbindrugedzide li khala giwula, va na havisela umo dzimombe, dzi lala umo, dzi hodza matamo ma tshadego.

Isaya 37:24

Khu magana ya sithumi sago, u vade Pfhumu, khuwe: Khu gutala nya dzikareta dzangu nyi gwede dzitshokhani nya sigomo, ni dzibambe dza Libhanoni; nyi pilela ni misimbo yawe nya gulaphe nya misena, ni misimbo nya wumburi nya mikiperesi u yi hathedego, nyi na vboha kala dzitshokhani gwaye nya gigomo, ni khabini gwaye nya gunone.

Isaya 6:11

Khavbo avbo, nyi di mu wudzisa, kheni: “Kala lini, Pfhumu yangu?” Uye a di nyi phindrula, khuye: “Kala madhoropa ma khala marumbi, dzinyumba dzi khala nyambana vathu, ni litigo latshavbo li vbindrugedza li khala giwula.

Jeremiya 21:11

U na embela gambe nyumba ya na Judha, khuwe: Upwani magana ya Pfhumu Nungungulu ma gukhayo;

Jeremiya 21:14

“Nyi na mi tsayisani gukhedza khu mithumo yanu, a ngu ganela Pfhumu Nungungulu; nyi na khondrisa nilo khabini gwanu, wu na vbisago satshavbo si guromo bambe nya lidhoropa lanu.”

Jeremiya 22:24

Kha nga olu nyi vbanyago, a ngu ganela Pfhumu Nungungulu khuye, uwe Jekoniya, mwamana wa Jowakimi, mufumeli wa Judha ambari nari gupwani u phera ya mandzani gwangu ga nyamudye, nyi di hadza gu gu sigula.

Jeremiya 26:18

Na nga gu fuma Ezekhiya, mufumeli wa Judha, muprofeti Mikeya wa Morasi, a hi profetide a ganela ga vathu vatshavbo va Judha, khuye: Pfhumu Nungungulu nya Tshivba Yatshavbo ganede kharati, khuye: Siyoni a na limwa nga lithembwe, Jerusalema a na vbindrugedza a khala litala nya marumbi, lina nya Nyumba ya Nungungulu li vbindrugedza li khala gigomo gi bhiyidwego khu likhabi.

Jeremiya 4:20

Gupwala gusasedwa vbatshani nya gusasedwe, litigo langu latshavbo li pfhungumudwe; khu githugedza gu di khungumudwa mitshatsha ni wuthavelo wangu.

Jeremiya 4:7

Nghala yi dugide khu phalani gwaye, ni musaseli nya mayigo womo ndzilani; khugide wulangani gwaye gasi guta sasela litigo lago. Madhoropa yago ma pfhungumudwe ma khala marumbi gu si khali muthu umomo.

Jeremiya 50:12

Mayi wanu a na thedwa ngudzu dzitshoni, uye a mu velegidego a na tala khu dzitshoni, wonani nya gukhenu litigo lanu li na bani liri vbavbatshi nya mayigo yatshavbo, kholu li na vbindrugedza li khala giwula nya mafu nya gihala.

Jeremiya 7:34

Nyi na degudza madhoropani ya Judha ni dzindzilani dza Jerusalema, malito nya gutsake ni malito nya mihagano, malito ya mudzegi ni uye a dzegwago; kholu litigo li na bani liri giwula.

Jeremiya 8:22

Gasi Gileyadhi mwalo gambe mafura nya gugondredzele khayo, gani? Ina gu mwalo gambe nyanga iyoyo, gani? Khu ginani gu ngamba vbodziswa gilondra gya vathu vangu?

Jeremiya 9:11

Jerusalema nyi na gu gira gu khala siwungela nya siwindri, gu khala liphala nya migehe; ni madhoropa ya Judha ma na khala giwula nyamba khadwa khu muthu.

Mikeya 3:12

Khu guralo, khu kotani yanu, Siyoni gu na limwa nga lithembwe, ni Jerusalema gu na khala litala nya siwindri, ni gigomo nya Nyumba ya Nungungulu, gi na khala gigomo nya likhabi.

Zakariya 11:1

Tula dzinyangwa dzago uwe litigo la Libhanoni, gasi wu bele nilo wu vbisa misimbo yago nya misedhari.

Mitengo 32:1

Sanana sa Rubheni ni esi sa Gadhi, si di fumide mitshambi nya gutale ngudzu. Va di wona litigo la Jazeri ni la Gileyadhi na ma khalegide wulangani nya wadi ngudzu nya gufanele gu havisa umo mitshambi yawe.

Dhewuteronome 3:25

Nyi ngu gu lomba nyi dige nyi tshatuga, gasi nyi ya wona litigo leli nya ladi li guromo khu khisikheyi nya tsongo wa Joridhani, litigo lile nya gigomo gumogo ni Libhanoni.