Jeremiya 22:5 - Bhibhiliya Nya Guage

⁵ Aholu, mwa gumba yingisa magana yaya, Eni Pfhumu Nungungulu, nyi ngu sambanya khu lina langu gukheni, ndranga yeyi yi na vbindrugedza yi khala marumbi.

Jeremiya 22:5 Iomraidhean Croise

Genesi 22:16

khiyo: “Nyi ngu sambanya khu lina langu furi gu ganela Pfhumu gukheni, olu u giridego kharati, u si feleli gu nyi ninga mwanago, gyanana gyago nya gimwegyo basi,

2 Dzikoronika 7:19

Aholu mwa gu ndreya, mu hambana ni milayo ni sileletelo esi nyi mi ningidego, mu ya thumela vambe vanungungulu ni gu va khozela,

2 Dzikoronika 7:21

Khu nyumba yeyi nya wudhumo ngudzu, muthu watshavbo a na vbindrago khavba, a na liwuga, a ganela, khuye: Khu ginani Pfhumu Nungungulu a giridego esi ga nyumba yeyi ni ga litigo leli?

2 Dzikoronika 7:22

Va na phindrula, khavo: Kholu avo va nga hambana ni Pfhumu Nungungulu wa vababe vawe, oyu ava dusidego khu tigoni ga Egipito, vata namarela ga vambe vanungungulu, va va khidzimela ni gu va khozela. Khu guralo, Uye a va resede mabango yatshavbo yaya.

Dzindzimo 95:11

Nyi di goroga kala nyi sambanya, kheni: “Kha va na nga bela guhefemulani gwangu.”

Isaya 1:20

Aholu, mwa gu bomba, mu simama gu ganedza, mu na mbembiswa khu matshari; a ngu ganela Pfhumu Nungungulu.

Jeremiya 12:7

Nyi digide gu tangadzisa ndranga yangu, nyi digide thomba yangu; nyi ningela gigodwa gyangu mandzani ga valala vaye.

Jeremiya 17:27

“Aholu, mwa gumba nyi yingisani, mu si dzumeli gu agisa litshigu nya Sabhadho, ni gu rwalani mirwalo nya gulemele, mu bela nayo khu dzinyangwani nya lidhoropa khu litshigu nya Sabhadho, nyi na vasa nilo wu nata dagaredzisago dzinyumba dzatshavbo nya wufumu dza Jerusalema, uwo wu na gumba tshimega gambe.”

Jeremiya 26:4

Khu guralo, va embele, khuwe: Pfhumu Nungungulu a ngu ganela kharati, khuye: Mwa gumba nyi yingisa ni gumba gimbila khu nayo wangu, nyi wu vegidego mbeli gwanu,

Jeremiya 39:8

Vakalidhiya va di vbisa nyumba ya mufumeli gumogo ni dzinyumba dza vathu, va khungumulela gambe mabhiyo ya Jerusalema.

Jeremiya 44:26

Ambari khu guralo, enu mwatshavbo Vajudha mu khalago tigoni ga Egipito, yingisani magana ya Pfhumu Nungungulu a gukhuye: Wonani nya gukhenu Eni, nyi ngu sambanya khu lina langu nya likhongolo, a ngu ganela Pfhumu Nungungulu khuye, tigoni gwatshavbo ga Egipito, gima kha na manega ni moyo nya Mujudha a na gu sambanyago gambe khu lina langu, khuye: Khu lina la Pfhumu Nungungulu a vbanyago.

Amosi 6:8

Pfhumu Nungungulu, mune nya satshavbo, sambanyide khu hefemulo waye! Pfhumu Nungungulu nya Tshivba Yatshavbo a ngu ganela kharati, khuye: Nyi ngu swireka khu matshandza ya Jakobe, nyi ngu nyenya dzinyumba dzawe nya wufumu; nyi na ningela lidhoropa ni satshavbo si guromo umo.

Mikeya 3:12

Khu guralo, khu kotani yanu, Siyoni gu na limwa nga lithembwe, ni Jerusalema gu na khala litala nya siwindri, ni gigomo nya Nyumba ya Nungungulu, gi na khala gigomo nya likhabi.

Matewu 23:38

Khu kharato, ndranga yanu yi na tshala giwula,

Vahebheru 3:18

Gasi Nungungulu a di thula va mani gikhati a nga sambanyago, gukhuye: “Ava vathu gima kha va na nga bela tigoni nya gitumbiso, nyi nga va dongisela guya hefemula umo?” A di thula vale va nga mu wugelago.

Vahebheru 6:13

Nungungulu a di gira gitumbiso ga Abrahama a sambanya gu gi tadzisa. Kha nga gu nga bani guri mwalo khongolo nya guvbindre uye, a di sambanya khu lina laye, khuye:

Vahebheru 6:17

Nungungulu a di vbweta gu tiyisa gukhuye gikungo gyaye gima kha gi na vbindrugedza ga vale va nga fanela gu hakha gitumbiso gyaye, khu guralo, a di tiyisa gitumbiso khu gusambanya.