Jeremiya 22:30 - Bhibhiliya Nya Guage

³⁰ Pfhumu Nungungulu a ngu ganela kharati, khuye: “Muthu yoyu mu loveni nga moyo a gu mwalo sanana, guvbanyani gwaye gima kha na mana gukatega.” Kholu kha na dugelela ni moyo nya gyanana gyaye, a na gu khalago vbagikhalotunu nya wufumu wa Dhavhidhe, gumogo gambe ni gu fumela tigoni ga Judha.

Jeremiya 22:30 Iomraidhean Croise

Joba 18:19

Gima kha va na mana gyanana ambari tugulu, tigoni gwawe, ambari gutshala moyo nya guvbanye dzindrangani gwawe.

Dzindzimo 94:20

Ina Uwe u ngu dzi kodza gu khala pari ya valamuli nya guvivbe, gani? Kholu avo va gu dzega guwegela va gu gira nayo.

Jeremiya 10:21

Kholu vathangeli vathu va hambaniside nayo, kha va yingisa Pfhumu Nungungulu; khu guralo, kha va dugelela, mitshambi yawe yatshavbo yi phalalegide.

Jeremiya 2:37

U na wuya khiyoyo u na rwade mawogo hungoni, kholu Pfhumu Nungungulu kha va vbweti avo u va tumbago, gima khu na dugelela khu gu phaswa khavo.

Jeremiya 22:2

Uwe mufumeli wa Judha, u khalago vbagikhalotunu nya wufumu wa Dhavhidhe, yingisa magana ya Pfhumu Nungungulu, uwe, manganagana yago, gumogo ni vathu vago mu belago khu myanya yeyi.

Jeremiya 29:32

Pfhumu Nungungulu a ngu ganela kharati, khuye: Simaya Muneyemi nyi na mu tsayisa gumogo ni livelego laye; mwalo ni moyo nya gitugulwana gyaye a na gu khalago tigoni momu, avo gima kha va na wona makategwa nyi na gu girelago vathu vangu, uye ganede magana nya gu vale Pfhumu Nungungulu. A ngu ganela Pfhumu Nungungulu.

Jeremiya 36:30

Khu guralo, Pfhumu Nungungulu a ngu ganela kharati khu kotani ya Jowakimi, mufumeli wa Judha, khuye: Mwalo ni moyo nya gitugulwana gyago a na gu khalago vbagikhalotunu nya wufumu wa Dhavhidhe, sirumbi sawe si na dzudzugwa sivbya khu lihani vbamihanitunu ni gu banga khu girame vbawutshigutunu.

Jeremiya 52:10

Mufumeli wa Bhabhiloni a di songa sanana sa Zedhekiya si pidwa dzithamo na gu si wona, gumogo ni dzindruna dza Judha, dhoropani ga Ribala.