Jeremiya 22:3 - Bhibhiliya Nya Guage

³ Pfhumu Nungungulu a ngu ganela kharati, khuye: Lamulani vathu khu nongameto ni gululama, vale va wandredwego silo sawe, va tshudziseni ga avo va va tshanisago; mu nga tshanisini muluveli, noni, ambari gisiwana; mu nga girini wughevenga, ambari gu vbaladzani novba nyambana nandru wulanga wowu.

Jeremiya 22:3 Iomraidhean Croise

2 Samuweli 23:3

Nungungulu wa na Israyeli ganede, Giwindri gya Israyeli gi di nyi embela, khigyo: A na manega uye a na fumelago vathu khu gululama, mufumeli a ningago githawo Nungungulu,

2 Dzipfhumu 24:4

gumogo gambe khu kotani nya novba a wu vbaladzidego nyambana nandru, a tadza Jerusalema gwatshavbo khu novba nyambana nandru; khu guralo, Pfhumu Nungungulu, kha dzumela gu mu tsetselela.

Joba 22:9

U bweledzide dzinoni na dziri mwalo gilo, u vbedza tshivba mandza nya sigulungu.

Joba 24:9

Sigulungu sa gu wandrwa beleni ga vamayi vawe, va livba milandru khu sanana sa beleni nya sisiwana.

Dzindzimo 68:5

Nungungulu a vbanyago nyumbani gwaye nya guage, khuye babe nya dzikhulungu ni muvhikeli nya dzinoni.

Dzindzimo 82:4

Vbanyisani avo va saniswago ni sisiwana, va vbulugiseni mandzani ga va nya guvivba.”

Dzindzimo 94:21

Avo va gu luga gikungo nya guwugele muthu nya gululame va kona wule a gu mwalo nandru.

Dzindzimo 94:6

Va gu songa valuveli; va songa dzi noni ni dzikhulungu.

Ekisodha 22:21

U nga vengeli muluveli a vbanyago vbafuvbi gwago mwendro gu mu tshanisa, kholu enu nenu mu diri valuveli tigoni ga Egipito.

Ekisodha 22:22

Mu nga tshanisi noni mwendro khulungu.

Mavingu 23:10

U nga tshuki u vbindrugedza mivbingano yi pandridwego gale, ambari gu dzegela dzikhulungu wulime wawe;

Mavingu 6:17

Maho nya gu dzi gugumugise, lidimi nya guganele malipha, mandza ma vbaladzago novba nyambana nandru,

Isaya 1:23

Manganagana yago vaganedzi, gambe dzipari nya dzimbafa; vatshavbo va gu dzumela gu rengeledwa khu dzitsapawu, va gu khatalela gu hakha sihiwa. Kha va vhikeli sigulungu, gambe kha va vhikeli dzifanelo nya dzinoni.

Isaya 58:6

Guhala gu nyi tsakisago, khogu: “Khu gu mu tshula makhetshe nya gigaha, mu tshula dzingodzi nya kanga nya wugumbi, mu tshule avo va tshaniswago ni gu fanyeledzela mikanga yatshavbo.

Isaya 58:7

Ni gu kabana guhodza gwago ni oyu a gu mwalo gilo nya guhodze, ni gu hakha sisiwana si gu mwalo gaya, ni gu ambagisa uye a gu mwalo guambala, u nga gikheli marundra ndriyago.

Jeremiya 19:4

Khu kotani va nyi digidego ni gu nyenyezisa wulanga wowu, khu gu vbisela avbo libani vambe vanungungulu va ngamba vati, ambari vababe vawe ni vafumeli va Judha; va tadzide wulanga wowu khu novba nya vathu nyambana nandru.

Jeremiya 21:12

Uwe nyumba ya Dhavhidhe! Pfhumu Nungungulu a ngu ganela kharati, khuye: Vbadzimindrutunu lamulani khu gululama, tshudzisani avo va tshaniswago, gasi likhulo langu li si dzuri nga nilo, li vbisa nyamba tshimwa khu muthu, khu kotani nya mithumo yanu nya guvivbe.

Jeremiya 22:17

Aholu, maho ni monyo wago, ma gu vbweta gu wona basi gu tsakiswa khu dzithomba, ni gu vbaladza novba wu gu mwalo nandru, ni gu fuma vathu khu dzihanyi ni wughevenga.

Jeremiya 26:16

Khavbo avbo, manganagana ni vathu vatshavbo, gumogo ni vaphasi nya mhamba ni vaprofeti va di ganela, khavo: “Muthu yoyu mwalo nandru nya guyele gu songwa, ganede ga ethu, khu lina la Pfhumu Nungungulu wathu.”

Jeremiya 5:28

Va enide, khu gu hodza gwadi, wuvivbi wawe wu vbindride pimo; kha va lamuli khu nongameto mahungu ya dzikhulungu; ambari gu vhikela fanelo nya sisiwana.

Jeremiya 7:23

Aholu, nyi di va laya, kheni: Dembani ndzeve mu yingisa lito langu, eni nyi na khala Nungungulu wanu, enu mu khala vathu vangu; gimbilani khu ndzila nyi na gu mi nonedzago, gasi si mu dugela gwadi.

Jeremiya 9:24

gasi uye a vbwetago gu dzi zundza, a na dzi zundze khesi: A ngu yela gu nyiti ni gukhuye eni kheni Pfhumu Nungungulu nyi girago wuhindzi, ni gu lamula khu gululama omu mafuni; kholu khiso si nyi nengedzisago; a ngu ganela Pfhumu Nungungulu.

Gililo 3:36

gulamula khu gu wegedza mahungu nya muthu phathani, ina Pfhumu kha na si wona satshavbo sesi, gani? Mem

Ezekiyeli 18:12

A tshanisa sisiwana ni vahamugi, a gira wuvafa, a si bweledzi esi a fiyaridego. A khozela sifananiso ni gu gira mithumo nya guvivbe.

Ezekiyeli 18:7

Kha tshanisi muthu, gambe a gu bweledza iso a dzegidego khu gu fiyari, khabi savane, gambe a gu ninga guhodza vandzale, a ninga guambala vale va gu ni wuhagadzo.

Ezekiyeli 22:7

Vbakari nya vathu vago, va ngu kanyisa vababe ni vamayi, va ngu tshanisa valuveli ni gu gira wudambane ga sigulungu ni vamalile.

Ezekiyeli 45:9

Mune Pfhumu Nungungulu, a ngu ganela kharati, khuye: “Enu vafumeli va Israyeli, hegisani; digani dzihanyi ni gutshanisa, girani gululama ni wuwadi; digani gu wandra iso si gu sa vathu vangu; a ngu ganela Mune Pfhumu Nungungulu.

Joyele 3:19

Litigo la Egipito li na khala marumbi, Edhomi a na vbindrugedza a khala giwula nya gihala, khu kotani nya wusaseli va nga wu girago ga va na Judha, va vbaladzide tigoni novba nyambana nandru.

Levhi 19:15

Vbamahungutunu u nga hambanisi nayo, u lamula khu ndzila nyamba lulama. U nga khedzi khu khovbe, u kalavela gisiwana mwendro gu emela oyu nya gumanele. U na lamula muakelane wago khu nayo ni lisine.

Amosi 5:15

Nyenyani guvivba, mu gola wuwadi; mu tiyisa lisine gulamulani gwanu. A gu dzina saye Pfhumu Nungungulu nya Tshivba Yatshavbo, a na pwela gisiro mitshaledwa ya Josefe.

Amosi 5:24

Aholu lisine li na goge kha nga mati, ni gululama gu fanana ni gitsongwana nyamba vbwa.

Mikeya 3:11

Vathangeli vawe va gu lamula, va gu rwega milandru vathu khu gu rengeledwa, vaphasi vawe nya mhamba va gu hevbudza khu gu vbweta gu hakha, vaprofeti va gu profeta khu gu vbweta dzitsapawu, aholu va gu dzi seketela khu Pfhumu Nungungulu, khavo: Khu lisine Pfhumu Nungungulu mwalo vbakari gwathu. Li mwalo libango li na gu hi dugelelago.

Mikeya 6:8

Uwe muthu, Uye a gu nonedzide iso si gu sadi, iso Pfhumu Nungungulu a si vbwetago gukhuye u si gira khu esi: Gira iso si lulamidego, gola wuwadi, u gimbila khu gu dzi nogisa mbeli ga Nungungulu wago.

Malakiya 3:5

Nyi nata wonega vbakari gwanu gasi guta lamula, nyi na khala fakazi yile nya guwone gwadi ni gu wugela valoyi, sibhayi, ni vale va sambanyago malipha; nyi tsayisa ni vale va kanganyisago sithumi, va tshanisa dzinoni, sigulungu, ni valuveli, vale va si nyi ningigo githawo, a ngu ganela Pfhumu Nungungulu nya Tshivba Yatshavbo.

Matewu 23:23

Libango gwanu, vapfhadzi nenu, vahevbudzi nya Nayo ni Vafarisi, mu hengago gikhaba nya mitongwe yatshavbo, nesi nya gupitele kiso guhodza, aholu mu si theli kota khu litshina nya milayo yatshavbo, a gu: Gululama, wuhindzi, ni gutumbega. Esi khiso mu nga vbweta gu phela khiso mu gira, nyamba diga sile simbe.

Dhewuteronome 10:18

a lamulago khu gululama dzikhulungu ni vamalile, ni gu gola valuveli, a va ninga guhodza ni guambala.

Dhewuteronome 24:17

U nga hambanisi dzifanelo dza muluveli ni khulungu; gambe u nga hakhi guambala ga noni kha nga gilo nya guphariswe khu mangava.

Dhewuteronome 24:7

A gu manwa muthu wa na Israyeli na gu mola moyo wa vbakari nya vandriyaye nya sanana sa Israyeli, a mu gira kha nga khumbi mwendro gu mu rengisa, mbafa yoyo yi fanede gu songwa. Khu guralo, u na vbedza wuvivbi vbakari gwago.

Dhewuteronome 25:1

Vathu vavili va gu dwana, vata dzi bikela phathani nya madhota gasi guta lamudwa, valamuli va na tshule oyu a lulamidego, va tsayisa uye a ghohidego.

Dhewuteronome 27:19

Libango ga wule a hambanisago fanelo ya muluveli, ya khulungu ni ya malile. Vathu vatshavbo va na hakha, khavo: “Amen!”

Jakobe 1:27

Wukhodwa nya lisine wu lulamidego mahoni ga Nungungulu Babe, khu ogu: Guya holela sigulungu ni dzinoni gusanisekani gwawe, ni gumba dzi nyenyezisa khu silo nya guvivbe sa mafuni momu.