Jeremiya 22:25 - Bhibhiliya Nya Guage

²⁵ Nyi na gu ningela mandzani ga vale va dzi emisedego gu gu songa, ni mandzani ga vale u va ningago githawo, mandzani ga Nabhukodhonosori, mufumeli wa Bhabhiloni ni mandzani ga Vakalidhiya.

Jeremiya 22:25 Iomraidhean Croise

2 Dzikoronika 36:10

Guvbelani nya mwaga yoyo, mufumeli Nabhukodhonosori a di rumela gu va mu mola va mu yisa Bhabhiloni, gumogo ni sombo nya singi nya sugu nya lisima sa Nyumbani ga Pfhumu Nungungulu; a vega ndriyaye Zedhekiya a khala mufumeli wa Judha ni Jerusalema.

Mavingu 10:24

Muthu nya guvivbedwe khu monyo a na thegela ga igyo a gi thavago, aholu muthu nya gululame, Nungungulu a na mu ninga iso a si vbwetago.

Jeremiya 21:7

“Khu hwane nya esi, Pfhumu Nungungulu a ngu ganela khuye nyi na ningela Zedhekiya, mufumeli wa Judha, manganagana yaye, vathu vaye ni vatshavbo va na gu vbulugago gufa khu tungu, gu sasedwa khu matshari ni gufa khu ndzala, mandzani ga Nabhukodhonosori, mufumeli wa Bhabhiloni, ni mandzani ga valala vaye, ni ga vatshavbo va zamago gu mu songa; va na va sasela khu matshari, nyamba va tsetsa ambari gu va pwela gisiro.”

Jeremiya 22:28

Ina kamwe Jekoniya a di vbindrugedza a khala gindzengele nya khali yi pandregidego, mwendro gyombo nyamba phasa gilo gi si khathaledwigo khu muthu, gani? Khu kotani nya ginani va nga dzegwago gumogo ni livelego lawe va ya dzudzugwa ga litigo va si litigo?

Jeremiya 27:6

Olu eni nyi ningede mayigo yatshavbo yaya mandzani ga githumi gyangu Nabhukodhonosori, mufumeli wa Bhabhiloni; nyi mu ningide gambe ni sirengo sa khabini, gasi si mu thumela.

Jeremiya 38:16

Khu guralo, mufumeli Zedhekiya a di sambanya ga Jeremiya khu gisihaledza, khuye: “Nyi ngu sambanya khu Pfhumu Nungungulu a vbanyago, mugiri nya hefemulo wathu, gukheni kha nyi na nga gu songa, gambe kha nyi na gu ningela mandzani ga vama vava va vbwetago gu gu songa.”