Jeremiya 22:24 - Bhibhiliya Nya Guage

²⁴ Kha nga olu nyi vbanyago, a ngu ganela Pfhumu Nungungulu khuye, uwe Jekoniya, mwamana wa Jowakimi, mufumeli wa Judha ambari nari gupwani u phera ya mandzani gwangu ga nyamudye, nyi di hadza gu gu sigula.

Jeremiya 22:24 Iomraidhean Croise

2 Dzipfhumu 24:12

Khavbo avbo, Jowakimi, mufumeli wa Judha, a di duga dhoropani aya dzi ningela ga mufumeli wa Bhabhiloni; uye gumogo ni mayi waye, sithumi saye, dzindruna ni mithenwa yaye; mufumeli wa Bhabhiloni, a di va mola a va gira dzikhumbi; gu diri mwaga nya livbandre na miraru nya gufume gwaye.

2 Dzipfhumu 24:15

A di vbagela Jowakimi, a mu yisa Bhabhiloni; gumogo ni mayi wa mufumeli, vagadzi va mufumeli, mithenwa yaye ni sitetema sa tigoni, va di vbagedwa khu Jerusalema, va yiswa Bhabhiloni.

1 Dzikoronika 3:16

Sanana sa Jowakimi khesi: Jekoniya, babe wa Zedhekiya.

2 Dzikoronika 36:9

Jowakimi a diri ni tanga nya livbandre na miraru myaga, gikhati a phedego gufuma; fumide migima miraru ni likhumi matshigu Jerusalema. A di thuma ugo guvivbidego mahoni ga Pfhumu Nungungulu.

Gizimba 8:6

Mwama—Nyi bethe nga gitambo monyoni gwago, u nyi betha gambe bogoni gwago, kholu lihaladzo li na ni tshivba kha nga lufu, ni gigaha ni wufu kha nga lithowo, gu vbisa ga ilo gu fanana ni guvbisa nya malavbelavbe nya nilo.

Isaya 49:16

Wona nya gukhuwe nyi gu lovide sandzani nya mandza yangu; maho yangu gikhati gyatshavbo, ma gu khedza mabhiyo yago.

Jeremiya 13:18

Embela mufumeli ni pfhumugadzi, khuwe: “Dzi vbwasamiseni mu khala vbavbatshi, wumburi ni sihugu nya wudhumo wanu, si thegide khu mihungoni gwanu.”

Jeremiya 22:28

Ina kamwe Jekoniya a di vbindrugedza a khala gindzengele nya khali yi pandregidego, mwendro gyombo nyamba phasa gilo gi si khathaledwigo khu muthu, gani? Khu kotani nya ginani va nga dzegwago gumogo ni livelego lawe va ya dzudzugwa ga litigo va si litigo?

Jeremiya 22:6

Kholu Pfhumu Nungungulu a ngu ganela kharati, mayelano khu ndranga ya mufumeli wa Judha, khuye: “Uwe avbo gwangu wa gu fanana ni gigomo gya Gileyadhi, u nyi tsakisa gu fanana ni gigomo gya Libhanoni; aholu nyi ngu sambanya gukheni nyi na gu vbindrugedza u khala giwula, lidhoropa nyamba khadwa khu muthu.”

Jeremiya 24:1

Pfhumu Nungungulu a di nyi yeyedza situndru sivili nya gutale khu dzindzawa na si vegidwe Nyumbani gwa Pfhumu Nungungulu, hwane nya gu Nabhukodhonosori, mufumeli wa Bhabhiloni, na vbagede Jekoniya, mwamana wa Jowakimi, mufumeli wa Judha, gumogo ni dzindruna dza Judha, ni vameseri, ni vabethi nya dzisimbi dza Jerusalema, a va yisa wugumbini Bhabhiloni.

Jeremiya 28:4

Nyi na wuyisa gambe wulangani wowu Jekoniya, mwamana wa Jowakimi, mufumeli wa Judha, ni vatshavbo va na Judha va vbagedwego va yiswa wugumbini Bhabhiloni; kholu nyi na funya kanga wa mufumeli wa Bhabhiloni.” A ngu ganela Pfhumu Nungungulu.

Jeremiya 29:2

Hwane nya gu bani va dugide khu Jerusalema, mufumeli Jekoniya, pfhumugadzi mayi waye, mithenwa, dzindruna dza Judha ni Jerusalema, vavati ni vabethi nya dzisimbi, na va gu vbagedwe va yiswa Bhabhiloni.

Jeremiya 37:1

Zedhekiya, mwamana wa Josiya, mufumeli wa Judha, a di emiswa gu khala mufumeli khu Nabhukodhonosori, mufumeli wa Bhabhiloni. A di fuma wulangani wa Koniya, mwamana wa Jowakimi.

Agewu 2:23

Khu litshigu lolo, a ngu ganela Pfhumu Nungungulu nya Tshivba Yatshavbo. Nyi na gu dzega uwe githumi gyangu Zorobhabheli, mwamana wa Salatiyeli, a ngu ganela Pfhumu Nungungulu. Nyi na gu gira kha nga phera nya gifungo; kholu nyi gu hathide, a ngu ganela Pfhumu Nungungulu nya Tshivba Yatshavbo.