Jeremiya 22:23 - Bhibhiliya Nya Guage

²³ Uwe u khalago Libhanoni, u vbahidego gihaga gyago matamoni nya sedhari, litshigu nya mhango u na wona tshanisa ngudzu, guvbisa gakone gu fanana ni ogu gwa nyamayi a lumwago!

Jeremiya 22:23 Iomraidhean Croise

Jeremiya 21:13

Wona nya gukhuwe nyi mi wugede, enu vavbanyi va kovani, ni uwe giwindri gi ladzidwego panini, a ngu ganela Pfhumu Nungungulu; nyi na wugela ni enu mu ganelago khenu khu mani a na gu relelago ata hi wugela? Mwendro khu mani a na gu belago dzinyumbani gwathu?

Jeremiya 22:6

Kholu Pfhumu Nungungulu a ngu ganela kharati, mayelano khu ndranga ya mufumeli wa Judha, khuye: “Uwe avbo gwangu wa gu fanana ni gigomo gya Gileyadhi, u nyi tsakisa gu fanana ni gigomo gya Libhanoni; aholu nyi ngu sambanya gukheni nyi na gu vbindrugedza u khala giwula, lidhoropa nyamba khadwa khu muthu.”

Jeremiya 3:21

Gupwala dzihuwa sigomoni nya gulaphe; gililo gya va na Israyeli va lombago gu divaledwa ni gu pwedwa wuhindzi; kholu va nga diga Pfhumu Nungungulu wawe, va landra yimbe ndzila.

Jeremiya 48:28

Dugani madhoropani mu ya khala musiwindrini, enu mu vbanyago Mowabhi! Girani nga matuva ma vbahago sihaga sawe myanyani nya dziphago.

Jeremiya 49:16

Matshandza ni gu dzi khusedza nya monyo wago si gu kanganyiside, uwe u vbanyago dziphagoni nya siwindri, u khalago vbatshani nya sigomo, ambari wa gu vbaha gihaga gyago vbatshani ngudzu kha nga lighama, Eni nyi na gu reledza vbavbatshi; khu Pfhumu Nungungulu a ganelago.

Jeremiya 6:24

Avbo hi nga pwa ndruma yawe, mawogo yathu ma di vbela tshivba hi gu saniseka khu wuvi wathu watshavbo, kha nga nyamayi a lumwago.

Ezekiyeli 17:3

Va embele, khuwe: Mune Pfhumu Nungungulu a ngu ganela kharati, khuye: Lighama limwedo nya likhongolo, na liri ni mambapi nya tshivba, mitenga nya gulaphe ni givili nya gikhongolo, na gi taledwe khu mitenga nya mavalavala, li vbohide kala gigomoni gya Libhanoni li ya fanya litamo la tshokatunu nya simbo nya sedhari.

Hoseya 5:15

Nyi na bwelela nyi wuya wulanga wangu, kala avo va dzumela nandru wawe, va zama gu wona khovbe yangu; na vari guvbisegani, va na nyi vbweta na gu ngari dzimindru.

Hoseya 7:14

Kha va lila avbo gwangu khu monyo wawe watshavbo, aholu va di keta malawuni gwawe, va lomba tirigu ni vbinyu, aholu avo na va hambanide neni.

Amosi 9:2

Ambari va gu kemba kala va vboha phalani nya vafi, gyandza gyangu gi naya va dusa khumo; va gu lita kala Ndzadzini, nyi naya va tshigisa khiyoyo.

Obhadhiya 1:4

Ambari wa gu vbuvba nga lighama, u ya vbaha gihaga gyago vbakari nya dzinyeledzi, eni nyi naya gu pfhungumula, a ngu ganela Pfhumu Nungungulu.

Habhakuka 2:9

Libango ga wule a wungedzelago nyumbani gwaye dzithomba nya gube, gasi gu vega gihaga gyaye vbatshani, gasi a kodza gu dzi vbanyisa ga gyandza nya guvivbe!

Mitengo 24:21

Avbo Bhalahama a nga wonago Vakheni, a di ganela wuprofeti waye, khuye: Nyumba yago yi tiyide, ni gihaga gyago gi vbahidwe musiwindrini!