Jeremiya 22:20 - Bhibhiliya Nya Guage

²⁰ Jerusalema gwela Libhanoni u ya laledza, khu lito nya likhongolo tigoni ga Bhasani; u laledza nuri khu Abharimi, kholu sigodwa sago satshavbo si mbembisidwe.

Jeremiya 22:20 Iomraidhean Croise

2 Dzipfhumu 24:7

Mufumeli wa Egipito, gima kha nga duga gambe ni masotshwa khu tigoni gwaye, kholu mufumeli wa Bhabhiloni, a di dzega satshavbo iso si nga bani si gu lumba mufumeli wa Egipito, gukhugela tsongo wa Egipito, kala tsongoni wa Ewufrate.

Isaya 57:13

Gikhati u na lilago u lomba guphaswa, nyi na gu wona, mwendro longoloko nya sifananiso sago, si na gu vbanyisa! Si na dzegwa satshavbo si vbuvbiswa khu phuvbo; aholu uye a tumbago Eni a na hakha litigo kha nga thomba yaye, a na hakha gambe gigomo gyangu nya gukatege.

Jeremiya 2:25

Thela kota khu ngondro wago gasi wu si tshulegedwi khu gilato, ni ngolo wago wu si bangi khu lidora. Aholu, uwe wari, khuwe: “Kha gu phasi gilo; kholu nyi manide vambe vanungungulu nya valombo, khavo nyi yelago gu va landra.”

Jeremiya 2:36

Khu ginani u vbiredzelago gu diga ndzila nya mavbanyelo yago? Dziti nya gukhuwe Vagipiti va na gu thela dzitshoni, kha nga idzo u giridwego khidzo khu Vaasiriya.

Jeremiya 2:37

U na wuya khiyoyo u na rwade mawogo hungoni, kholu Pfhumu Nungungulu kha va vbweti avo u va tumbago, gima khu na dugelela khu gu phaswa khavo.

Jeremiya 22:22

Vathangeli vago vatshavbo va na pengiswa khu phuvbo, ni dzipari dzago dzi na yiswa wugumbitunu; u na khala dzitshoni ni gu poyilega, khu kotani nya sighoho sago.

Jeremiya 25:9

wonani nya gukhenu nyi na mi rumelani mahundzu yatshavbo ya phuvbo ga Wuronga, a ngu ganela Pfhumu Nungungulu, nyi ramba ni githumi gyangu Nabhukodhonosori, mufumeli wa Bhabhiloni, nyi mu leletela gu sasela litigo ni vavbanyi vaye, ni mayigwana yatshavbo ya vbafuvbyana gwanu. Yatshavbo nyi na ma mbembisela muphelo, nyi mi vbindrugedza mu na khala gisamadziso nya guthise ni gihegiso, ni marumbi nyamba vbela.

Jeremiya 3:1

Gu ngu ganedwa gupwani: “Mwama a gu hula mwangadzi waye, nyamayi yoyu aya dzegwa khu mumbe mwama, ina gu ngu kodzega gu bwelo khavbo ata hakhwa khuye nya guphele, gani? Ina kha na nga nyenyezisa litigo latshavbo, gani? Uwe u dzi ningedego ga sibhayi nya singi, ina uwe u ngu dzi kodza gu bwelelela gambe eno gwangu, gani?” A ngu wudzisa Pfhumu Nungungulu.

Jeremiya 4:30

Gasi olu uwe Jerusalema, u tshadego wenga nuri marumbi, u na gira gambe ginani? Ambari u ambalago guambala nya giwunguwungu, u dzi mburisela khu siphatiphati nya ndralama, u engedzela gu pendra maho yago, ni gu tola mafura nya gunungele; sibhayi kha si gu khathaleli gambe, sa gu vbweta gu gu songa.

Gililo 1:19

Nyi ranide dzipari dzangu, aholu avo va di nyi ningela. Vaphasi nya mhamba ni madhota yangu va mbembide dhoropani, gikhati va nga bani va gu vbweta guhodza nya guvbanyise hefemulo. Resi

Gililo 1:2

A gu lila khu wuvi wutshigu watshavbo; marongo ma goga khu sigundruni gwaye. Vbakari nya sigodwa saye, mwalo ni moyo a mu tangadzisago, dzipari dzaye dzi vbindrugedzide dzi khala valala vaye. Guimel

Ezekiyeli 23:22

Khu guralo, Mune Pfhumu Nungungulu a ngu ganela kharati, khuye: “Uwe Owolibha, sibhayi sago sile si nga gu swira, nyi na si gira si gu wugela si gu dwanisa khu maphuvbo yatshavbo;

Ezekiyeli 23:9

“Khu kotani nya isoso, eni nyi mu ningede mandzani nya sibhayi saye, nya Vaasiriya, vale uye a va haladzidego ngudzu.”

Ezekiyeli 27:6

Khu miguhu ya Bhasani, va gu girede khiyo makasiya; sikhalo sago, va giride khu magwaha nya dzindzofu yi namegedzedwego khu misimbo nya pinyu wu manegago gidwani gya Seniri.

Mitengo 27:12

Pfhumu Nungungulu a di embela Mosi, khuye: “Gwela gigomoni momu ga Abharimi, u khedza litigo nyi ningidego va na Israyeli.

Dhewuteronome 32:49

“Gwela gigomo gegi gya Abharimi, avbo nya gigomo gya Nebhu, gi guromo tigoni gwa Mowabhi, gi khedzanidego ni Jeriko, u wona litigo la Khanani, nyi ningago sanana sa Israyeli si li fumela.