Jeremiya 22:2 - Bhibhiliya Nya Guage

² Uwe mufumeli wa Judha, u khalago vbagikhalotunu nya wufumu wa Dhavhidhe, yingisa magana ya Pfhumu Nungungulu, uwe, manganagana yago, gumogo ni vathu vago mu belago khu myanya yeyi.

Jeremiya 22:2 Iomraidhean Croise

1 Dzipfhumu 22:19

Mikeya a di engedza a ganela, khuye: “Yingisa magana ya Pfhumu Nungungulu: Nyi wonide Pfhumu Nungungulu na khade vbagikhalotunu gwaye nya wufumu, na randredwe khu nyamudye ni nyambade khu sikwata nya sivangwa sa ndzadzini.

Isaya 1:10

Enu vathangeli va Sodhoma, yingisani magana ya Pfhumu Nungungulu; tulani dzindzeve enu vathu va Ghomora, mupwe nayo wa Nungungulu wathu.

Isaya 28:14

Khu guralo, yingisani magana ya Pfhumu Nungungulu, enu vatseketseli mu fumelago vathu vava va vbanyago Jerusalema.

Isaya 9:7

Gasi wufumu waye nya gurule wu engedzelane kala gupindruga, vbagikhalotunu nya wufumu wa Dhavhidhe ni mufumo waye, a wu tiyisa ni gu wu seketela khu nongameto ni gululama, gukhugela olu kala gupindruga. Khathalelo waPfhumu Nungungulu nya Tshivba Yatshavbo wu na gira isoso.

Jeremiya 13:18

Embela mufumeli ni pfhumugadzi, khuwe: “Dzi vbwasamiseni mu khala vbavbatshi, wumburi ni sihugu nya wudhumo wanu, si thegide khu mihungoni gwanu.”

Jeremiya 19:3

u naya va embela, khuwe: Yingisani magana ya Pfhumu Nungungulu, enu vafumeli va Judha ni enu vavbanyi va Jerusalema. Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: Wonani, nyi na mi rumelani wulanga wowu, libango nya likhongolo nya gu uye a na lipwago a na gulumedwa khilo dzindzeveni gwaye.

Jeremiya 22:1

Pfhumu Nungungulu a ngu ganela kharati, khuye: Relela nyumbani ga mufumeli wa Judha, u ya mu tivisa magana yaya, khuwe:

Jeremiya 22:4

Kholu mwa gu landrisa khu lisine magana yaya, vale va lumbwago khu mufumo wa Dhavhidhe, va na simama gu bela khu dzinyangwa nya nyumba yeyi nya wufumu, na va khilede dzikareta ni dzikavalu, avo, sithumi sawe gumogo ni vathu vawe.

Jeremiya 29:20

Gasi enu, mu vbagedwego khu Jerusalema, mu yiswa wugumbitunu, Bhabhiloni, yingisani magana ya Pfhumu Nungungulu.

Jeremiya 34:2

Pfhumu Nungungulu wa Israyeli, a ngu ganela kharati, khuye: Indra u ya embela Zedhekiya, mufumeli wa Judha, khuwe: Pfhumu Nungungulu a ngu ganela kharati, khuye: Nyi ngu ningela lidhoropa leli mandzani ga mufumeli wa Bhabhiloni, uye a na li vbisa khu nilo.

Jeremiya 36:30

Khu guralo, Pfhumu Nungungulu a ngu ganela kharati khu kotani ya Jowakimi, mufumeli wa Judha, khuye: Mwalo ni moyo nya gitugulwana gyago a na gu khalago vbagikhalotunu nya wufumu wa Dhavhidhe, sirumbi sawe si na dzudzugwa sivbya khu lihani vbamihanitunu ni gu banga khu girame vbawutshigutunu.

Jeremiya 7:2

Indra ema nyangwani nya Nyumba ya Pfhumu Nungungulu, u ya huwelela avbo magana yaya, khuwe: Upwani magana ya Pfhumu Nungungulu enu va na Judha ni enu mwatshavbo mu belago khu dzinyangwa dzedzi gasi guya khozela Pfhumu Nungungulu;

Ezekiyeli 34:7

Khu guralo, enu vahavisi, yingisani magana ya Pfhumu Nungungulu a, gukhuye:

Amosi 7:16

Gasi olu yingisa magana ya Pfhumu Nungungulu. Uwe wari, khuwe: Nyi nga profeti gambe ga va na Israyeli, ambari gu ganela ga livelego la Isaki

Luka 1:32

A na bani ari muthu khongolo, a na ranwa pwani Mwamana wa Nungungulu a guromo Vbatshani Ngudzu. Pfhumu Nungungulu a na mu pharisa ndronga nya wufumu wa babe waye Dhavhidhe.