Jeremiya 22:18 - Bhibhiliya Nya Guage

¹⁸ Khu guralo, Pfhumu Nungungulu a ngu ganela kharati mayelano khu Jowakimi, mwamana wa Josiya, mufumeli wa Judha, khuye: “A gufa kha va na mu lila, khavo: Yowe, ndriyangu! Mwendro gukhavo: Yowe, hane wangu! Va nga wombi huwa, khavo: Yowe, mune wathu! Mwendro gukhavo: Yowe, pfhumu yathu!”

Jeremiya 22:18 Iomraidhean Croise

2 Samuweli 1:26

Nyi ngupwa wuvi khuwe, ndriyangu Jonatane; u diri gigodwa gyangu! Nyi di nengedziswa khu lihaladzo lago, gu vbindra ni lihaladzo nya vanyamayi.

1 Dzipfhumu 13:30

Uye a di vega girumbi phalani a nga bani a li dongisede gudzingwa umo, va mu lila, na gu ganela, khuye: “Oh! Ndriyangu!”

2 Dzipfhumu 23:36

Jeyowakimi a diri ni magumavili na livbandre myaga nya guvelegwe, gikhati a phedego gufuma; fumide Jerusalema likhumi na moyo myaga. Lina la mayi waye a di gu ranwa gupwani khu Zebhidha, nyamahegyane wa Pedhaya, givelegwa gya Ruma.

2 Dzipfhumu 23:6

A di dusa gambe khu Nyumbani ga Pfhumu Nungungulu gifananiso nya simbo nya guvatwe, a gi yisa vbavbandze ga Jerusalema, kala gitsongwanani gya Kedhroni, aya gi vbisa bambe nya gitsongwana gya Kedhroni, nguma wakone a wu vbaladzela marowoni ya vathu va tigoni.

2 Dzipfhumu 24:6

Jeyowakimi, lade gumogo ni vavelegi vaye, mwanaye Jowakimi khuye a fumidego wulangani gwaye.

1 Dzikoronika 3:15

Sanana sa Josiya khesi: Uye nya matiwula khu Jowanani; nya wuvili khu Jowakimi; nya wuraru khu Zedhekiya; nya wu na khu Salumi.

2 Dzikoronika 35:25

Jeremiya a di emba ndzimo nya gulile Josiya. Vatshavbo vaembeleli nya vama ni vanyamayi, gililoni gwawe, va di ganela khu Josiya, va nga gu simama gu embelela ndzimo yoyo kala na muhuno; owu wu khade nari nayo tigoni ga na Israyeli. Dzindzimo dzedzi nya gililo dzi lovidwe umo nya Libhuku nya gililo.

2 Dzikoronika 36:5

Jeyowakimi a diri ni magumavili na livbandre myaga gikhati a nga phela gu fuma; a di fuma Jerusalema likhumi na moyo myaga, a di thuma ugo guvivbidego mahoni ga Pfhumu Nungungulu waye.

Jeremiya 16:4

“Va nafa khu mitungu nya guthise, gima kha va na lidwa ambari gu dzingwa; va na mbambamela nga ndzilo ya tigoni, va na mbembiswa khu ndzala ni matshari, sirumbi sawe si na khala guhodza nya sinyoni sa damboni ni sirengo sa khabini.”

Jeremiya 16:6

Vakhongolo ni sanana va nafa tigoni momu nyamba dzingwa khu muthu; kha va na lidwa ambari gu dzi hatshela ni gu vbalula ndzudzu mihungoni gwawe.

Jeremiya 21:11

U na embela gambe nyumba ya na Judha, khuwe: Upwani magana ya Pfhumu Nungungulu ma gukhayo;

Jeremiya 22:10

Mu nga lili khu mufumeli Josiya a fudego, ambari gu mu wombela dzihuwa; aholu lilani khu wule a khugago, kholu kha na wuya gambe, uye kha na nga li wona gambe litigo a velegedwego umo.

Jeremiya 22:12

Aholu wulangani va mu vbagedego umo a naya fela iyoyo, gima kha na nga wuya a ta wona gambe litigo leli.”

Jeremiya 34:5

aholu u nafa khu gurula, u na dzingwa khu gu vbisedwa mafura nya gunungele ni libani kha nga idzo va nga giredwago khidzo vavelegi vago, vafumeli va gu thangedego, va fumidego gale nu si gu velegwi, va na gu lila, va ganela, khavo: Yowe! Pfhumu! Kholu kheni nyi tumbisago isoso, a ngu ganela Pfhumu Nungungulu.

Jeremiya 36:30

Khu guralo, Pfhumu Nungungulu a ngu ganela kharati khu kotani ya Jowakimi, mufumeli wa Judha, khuye: Mwalo ni moyo nya gitugulwana gyago a na gu khalago vbagikhalotunu nya wufumu wa Dhavhidhe, sirumbi sawe si na dzudzugwa sivbya khu lihani vbamihanitunu ni gu banga khu girame vbawutshigutunu.