Jeremiya 22:17 - Bhibhiliya Nya Guage

¹⁷ Aholu, maho ni monyo wago, ma gu vbweta gu wona basi gu tsakiswa khu dzithomba, ni gu vbaladza novba wu gu mwalo nandru, ni gu fuma vathu khu dzihanyi ni wughevenga.

Jeremiya 22:17 Iomraidhean Croise

1 Dzipfhumu 21:19

U na mu embela, khuwe: Pfhumu Nungungulu wari, khuye: “Guhegula u songide, olu wa gu vbweta gu dzega thomba ya muthu a gu mwalo nandru, gani? U engedza gambe u mu embela, khuwe: Pfhumu Nungungulu a ngu ganela, khuye: Wulangani wu dandzedwego novba wa Nabhoti khu dzimbwa, dzi naya dandzela gambe novba wago.”

2 Dzipfhumu 23:37

A di thuma mithumo nya guvivbe mahoni ga Pfhumu Nungungulu, a landrela dzindzila dza vavelegi vaye.

2 Dzipfhumu 24:4

gumogo gambe khu kotani nya novba a wu vbaladzidego nyambana nandru, a tadza Jerusalema gwatshavbo khu novba nyambana nandru; khu guralo, Pfhumu Nungungulu, kha dzumela gu mu tsetselela.

2 Dzikoronika 36:8

Gasi yimbe mithumo ya Jeyowakimi ni manyala nya guvivbe a giridego ni simbe va nga si manago avbo gwaye, si lovidwe umo nya Libhuku nya Matimo ya Vafumeli va Israyeli ni va Judha, Jeyowakimi, wulanga waye nya wufumu a di tshikedzwa khu mwanaye Jowakimi.

Joba 31:7

migondro yangu ya gu bani yi ndreyide ndzilani, monyo wangu wa gu bani wu sengidwe khu gu navela nya maho yangu, ni gu bani nyi nyenyeziside mandza yangu khu gilo nya gukari,

Dzindzimo 10:3

Kholu muthu nya guvivbedwe khu monyo, a gu bhuma khu manavelo yaye nya guvivbe, muthu nya makolo a gu nyenya, a vala Pfhumu Nungungulu.

Ekisodha 18:21

Uwe hatha vbakari nya vathu vatshavbo, vama nya gukari nya vadi ni lisine, va thavago Nungungulu, vama va tumbegidego, va si dzumeligo gurengeledwa, u va vega kha nga vathangeli nya likhumi mazana, nya lizana, nya livbandre magumi ni nya likhumi.

Mavingu 24:2

Kholu makungo nya myonyo yawe khya wughevenga, khu maganani gwawe gu duga magana nya wuwugeli.

Isaya 56:11

Dzimbwa dzedzi makhondrobwa, kha dzi khuri; vahavisi nyamba pimisa gilo; muthu ni muthu a gu bwelela khu ndzila yaye, a dzi vbwetela iso si na gu mu ningago bhindzu.

Jeremiya 17:11

Muthu a wungedzelago thomba khu wukanganyisi; a gu fanana ni tshugwa yi fundramelago mandra yi ngamba ma vega; vbakari nya matshigu yaye a na yi luza, khu guhegisani a na khala madhadhavale.

Jeremiya 19:4

Khu kotani va nyi digidego ni gu nyenyezisa wulanga wowu, khu gu vbisela avbo libani vambe vanungungulu va ngamba vati, ambari vababe vawe ni vafumeli va Judha; va tadzide wulanga wowu khu novba nya vathu nyambana nandru.

Jeremiya 22:3

Pfhumu Nungungulu a ngu ganela kharati, khuye: Lamulani vathu khu nongameto ni gululama, vale va wandredwego silo sawe, va tshudziseni ga avo va va tshanisago; mu nga tshanisini muluveli, noni, ambari gisiwana; mu nga girini wughevenga, ambari gu vbaladzani novba nyambana nandru wulanga wowu.

Jeremiya 6:13

kholu gukhugela ga sanana kala vakhongolo, vatshavbo va gu vbweta gu ghanya. Vaprofeti ni vaphasi nya mhamba, vatshavbo sidambane.

Jeremiya 6:6

Kholu Pfhumu Nungungulu nya Tshivba Yatshavbo a ngu ganela, khuye: Pilani matamo nya misimbo yawe mu gira khayo laba nya gu bhiye Jerusalema. Kholu eli lidhoropa nya malipha, li tadego khu wukanganyisi.

Jeremiya 7:6

mu si tshanisi muluveli, khulungu ni dzinoni, ambari gu vbaladza novba wu gu mwalo nandru ga wulanga wowu, ni gu khozela vambe vanungungulu ava va mi wuselago libango.

Jeremiya 8:10

Khu guralo, nyi na ningela vagadzi vawe ga vambe vama, ni marembwe yawe ma na ningedwa ga valala vawe; kholu gukhugela sanana kala vakhongolo, vaprofeti ni vaphasi nya mhamba, moyo ni moyo wawe a dzi ningede umo nya wudambane.

Ezekiyeli 18:12

A tshanisa sisiwana ni vahamugi, a gira wuvafa, a si bweledzi esi a fiyaridego. A khozela sifananiso ni gu gira mithumo nya guvivbe.

Ezekiyeli 19:6

Iyo yi di legalega vbakari nya dzinghala, khu guralo, yi di dandra yi khala nghala nya tshivba, yi hevbulela gusota, yi di vbadzulela vathu.

Ezekiyeli 19:7

Yi di khungumula makhokhola ya valala, ni dzinyumba nya wufumu ni madhoropa yawe, gutsekatseka mafu ni satshavbo si nga bani si guromo umo, khu gupwa gubhonga gwaye.

Ezekiyeli 19:9

Va di yi ndrindra khu khalo waye, va yi thela gikayelani, va yi yisa ga mufumeli wa Bhabhiloni; va di yi khothela makhokholani, gasi gu si pwali gambe lito laye sigomoni sa Israyeli.

Ezekiyeli 22:6

Wona gukhuwe vathangeli vatshavbo va Israyeli, moyo ni moyo nya avo, gukhedza khu tshivba yaye, gimwalo gimbe va nga bani va gira, vbavbandze nya guvbaladze novba basi.

Ezekiyeli 33:31

Avo va guta gwago kha nga giolovedzo gyawe, va gu khala mbeli gwago gasi gu yingisa magana yago, aholu kha va ma landrisi. Va gu ganela khu magana khavo va ngu nyi gola, narigu khu myonyoni gwawe va gu alakanyela bhindzu nyambana fanelo.

Mikeya 2:2

Va gu dogorela marembwe va gu ma wandra, va gu dogorela dzinyumba, va gu dzega khu kanu; kharato va gu gira dzihanyi ga mwama nya gukari gumogo ni ndranga yaye, ga muthu nya gukari gumogo ni thomba yaye.

Mikeya 3:10

enu mu vbahago Siyoni khu gu vbaladza novba, ni Jerusalema khu gu gira wuvivbi.

Sofoniya 3:3

Vathangeli vaye va gu fanana ni dzinghala dzi ngurangurago vbakari gwaye. Valamuli vaye gu fanana ni masolwa vbasilambotunu, ma hodzago nyamba tshiya sirambo nya gute hodza mindru.

Varoma 1:29

Khu kharato, va fumedwe khu guwegela gwatshavbo, ni gunyenyeza gwatshavbo, ni wugundreli, ni guvivba, ni lidiwo, ni wufu, ni wughevenga, ni vhilinganya, ni malipha, ni wulala ni milembo.

1 Vakorinto 6:10

ni dzimbafa, ni va nya ligungo, ni dzibewudzi, ni va nya milembo, ni va nyambana milayo, gima kha va na bela Mufumoni wa Ndzadzini.

Vakolosi 3:5

Songani myonyoni gwanu gunavela gwatshavbo nya wuthu wa mafuni: Wubhayi, horo, wuphuphulu, mahingigedzo nya guvivbe ni ligungo a gu idzosaye ni gu khozela vanungungulu nya malipha.

Josuwa 7:21

Nyi di wona vbakari nya sombo si phangidwego, gifenengelo nya gumbure gya Bhabhiloni, ni mazana mavili (200) nya masekeli nya dzisikulu nya parata ni giwindri nya ndralama nya livbandre magumi dzisikulu, nyi di si dogorela nyi si dzega; nyi si kembela mafuni vbavbatshi nya tshatsha wangu, parata nyi yi vega khu vbavbatshi.

2 Pedro 2:14

Kha va khedzi nyamayi nyamba mu dogorela, kha va garali khu gu gira sighoho. Va gu kanganyisa vathu nyamba tiya. Mapimo yawe khya gu alakanya gu mana dzitsapawu. Avovo va vadwe khu Nungungulu.

2 Pedro 2:3

Kotani nya misuwo nya dzitsapawu, vahevbudzi vovo nya malipha va na mi kalavela, va ganela mitsheketo nya gu yi vange. Gale na dongide mulamuli wawe, ni mumbembisi wawe wugide kha na hwela.

1 Samuweli 8:3

Aholu, sanana saye kha sa nga landra dzindzila dza babe wawe; kholu va di ndreya khu gugola ngudzu dzitsapawu, va dzumela gu rengeledwa, va si lamuli khu lisine.