Jeremiya 22:16 - Bhibhiliya Nya Guage

¹⁶ Uye a di vhikela sisiwana ni vahamugi; khu magirelo yoyo, uye a di katega; khu guralo, Pfhumu Nungungulu a ngu ganela khuye, ina khandriso esi si ganedwago pwani u ngu nyiti, gani?

Jeremiya 22:16 Iomraidhean Croise

1 Dzikoronika 28:9

Gasi uwe mwanangu Solomoni, gu vbweta uti Nungungulu wa babe wago, u mu thumela khu monyo wago watshavbo, ni hefemulo wago watshavbo; kholu Pfhumu Nungungulu a ngu khedza maalakanyo nya myonyo yatshavbo, a gu pima makungo ni maalakanyo yatshavbo nya monyo; wa gu mu vbweta u na mu mana, aholu wa gu mu diga, Uye a na gu dzudzuga hwindzo kala gupindruga.

Dzindzimo 109:31

kholu uye a ngu emela gisiwana, a gi vbulugisa ga avo va vbwetago gu gi songa.

Dzindzimo 36:10

Thawuludza wuwadi wago ga vale va gutigo, ni nayo wago ga vale nya myonyo yi lulamidego.

Dzindzimo 9:10

Pfhumu Nungungulu, vatshavbo vatigo lina lago, va gu tumba uwe, kholu uwe gima khu digi avo va gu vbwetago.

Mavingu 31:9

Dusa khu kanani gwago, magana ma lamulago khu lisine, u lamula khu fanelo sisiwana ni vahamugi.

Isaya 1:17

Hevbulani gu gira ugo gu gu gwadi, vbwetani gu gira gululama, vbedzani dzitshanisa, kawukani vatshanisi; vhikelani fanelo nya khulungu ni fanelo nya dzinoni.

Jeremiya 5:28

Va enide, khu gu hodza gwadi, wuvivbi wawe wu vbindride pimo; kha va lamuli khu nongameto mahungu ya dzikhulungu; ambari gu vhikela fanelo nya sisiwana.

Jeremiya 9:16

Nyi na va phalalegisa ni mayigo, avo va si matigo, ambari ni vavelegi vawe va ngamba mati, nyi na ya va vbedza khu matshari kala havo bhi.”

Jeremiya 9:24

gasi uye a vbwetago gu dzi zundza, a na dzi zundze khesi: A ngu yela gu nyiti ni gukhuye eni kheni Pfhumu Nungungulu nyi girago wuhindzi, ni gu lamula khu gululama omu mafuni; kholu khiso si nyi nengedzisago; a ngu ganela Pfhumu Nungungulu.

Jeremiya 9:3

Va gu peta lidimi li fanana ni wulaho wu ghwimbidwego, gasi gu ganela malipha; va gu dzi tiyisa tigoni, aholu khandri khu lisine, kholu va gu tsakela guvivba, kha va khathali khu Eni; a ngu ganela Pfhumu Nungungulu.

Mikeya 6:8

Uwe muthu, Uye a gu nonedzide iso si gu sadi, iso Pfhumu Nungungulu a si vbwetago gukhuye u si gira khu esi: Gira iso si lulamidego, gola wuwadi, u gimbila khu gu dzi nogisa mbeli ga Nungungulu wago.

Johane 16:3

Va na gira kharato kholu kha va muti, Babe wangu ni eni.

Johane 17:3

Guvbanya nya gupindruge khogu: Vati uwe basi kha nga Nungungulu nya lisine, ni guti Jesu Kristo, a gu uye u nga mu rumelago.

Johane 17:6

“Nyi tiviside lina lago ga vathu nya litigo u nyi ningidego. Va diri vago, aholu u nyi ningide. Avo va vegedzide milayo yago.

Johane 8:19

Khavbo avbo, va di mu wudzisa, khavo: “Womo hayi Babe wago?” Jesu a di va phindrula, khuye: “Ni eni kha mu nyiti, ni Babe wangu kha mu muti. Nari pwani mu di nyitide, na mu tide nuye Babe.”

Tito 1:16

Vari khavo va ngu muti Nungungulu, aholu mithumo yawe yi ngu va ganedza, kholu va tade khu livengo ni gumba yingisa. Kha va kodzi gu gira ni gimwegyo nya gyadi.

1 Samuweli 2:2

Mwalo a lulamidego kha nga Pfhumu Nungungulu; kholu mwalo mumbe vbavbandze ga Uwe; gi mwalo Giwindri gi tiyidego, nya gufanane ni Nungungulu wathu.