Jeremiya 22:15 - Bhibhiliya Nya Guage

¹⁵ Ina u na fuma kholu u gu ni misedhari nya yingi yi na gu gu gira mufumeli, gani? Ina khu dziti nya gukhuwe babe wago hodzide ni gu sela, kholu a nga lamula khu gululama ni lisine, gani? Khu guralo, uye satshavbo si di mu dugela gwadi.

Jeremiya 22:15 Iomraidhean Croise

2 Samuweli 8:15

Dhavhidhe a di fumela litigo latshavbo la Israyeli, a lamula ni gu lulamisa mahungu ya vathu vatshavbo.

1 Dzipfhumu 10:9

A na bongwe Pfhumu Nungungulu wago, a tsakisidwego khuwe, khu gu gu vega vbagikhalotunu nya wufumu wa Israyeli; kholu Pfhumu Nungungulu a ngu gola Israyeli khu lihaladzo nya gupindruge, khu guralo, a gu emiside gu khala mufumeli, gasi u lamula khu gululama.”

2 Dzipfhumu 22:2

A di thuma mithumo nya gululame mahoni ga Pfhumu Nungungulu, a di landrisa khu gutumbega dzindzila dza babe waye Dhavhidhe, nyamba ndreyela nyamudye ambari nyambade.

2 Dzipfhumu 23:25

Vbakari ga vafumeli avo va nga hegulago khavo, mwalo a godzanego naye khu guvbindrugedza a wuya ga Pfhumu Nungungulu, khu monyo waye watshavbo, ni hefemulo waye watshavbo, ni tshivba yaye yatshavbo kha nga idzo wu lombago khidzo Nayo wa Mosi; khu hwane gwaye, mwalo a dugeledego nya gu gufanana naye.

1 Dzikoronika 3:15

Sanana sa Josiya khesi: Uye nya matiwula khu Jowanani; nya wuvili khu Jowakimi; nya wuraru khu Zedhekiya; nya wu na khu Salumi.

2 Dzikoronika 34:2

A di thuma mithumo ya yadi mbeli ga Pfhumu Nungungulu; a di gimbila khu dzindzila dza babe waye Dhavhidhe, a si hambani nadzo, kha ndreyela nyamudye, mwendro nyambade.

2 Dzikoronika 35:22

Aholu Josiya kha nga thendregedza a bwelela; gima kha nga yingisa magana ya Neko, ayo ma nga bani ma duga khu kanani ga Nungungulu, a di ta dwana naye kovani wa Megidho.

2 Dzikoronika 35:26

Gasi yimbe mithumo ya Josiya niso a giridego mayelano khu wukhozeli waye kha nga idzo gu lovidwego khidzo umo nya Nayo wa Pfhumu Nungungulu,

Mavingu 20:28

Mufumeli a gu ni wuhigo ni gutumbega, a ngu khadzisega gwadi, mufumo waye wu na tiyiswa gwadi khu gululama.

Mavingu 21:3

Gugira ugo gu gu gwadi khu gululama ni nongameto silo si godwago khu Pfhumu Nungungulu, guvbindra gu mu girela dzimhamba.

Mavingu 25:5

Gwa gu duswa sighohi mbeli ga mufumeli, gululama gwa gu tiyiswa vbagikhalotunu gwaye nya wufumu.

Mavingu 29:4

Mufumeli a gu landrisa milayo nya yadi, a na tiyisa litigo, aholu a gu gola ngudzu dzitsapawu, a na li mbembisa.

Mavingu 31:9

Dusa khu kanani gwago, magana ma lamulago khu lisine, u lamula khu fanelo sisiwana ni vahamugi.

Muhevbudzi 10:17

Li kategide litigo lile li fumedwago khu mwamana a dugelago nyumbani nya wufumu, eli dzindruna dzakone dzi hodzago khu gupima, gasi gu mana tshivba nasiri gu leva.

Muhevbudzi 2:24

Gimwalo gi gu gyadi ga muthu guvbindra guhodza, gusela, gutsaka ni gukhalega khu handro nya thumo waye. Aholu esi niso nyi si wone gukheni sa guta khu mandzani ga Nungungulu.

Isaya 3:10

Embelani va nya gululama khenu satshavbo si na va dugela gwadi, kholu, va na hodza handro nya sigiro sawe.

Isaya 33:16

Khuye oyu a na khalago wulanga nya gukhugege; makhokhola nya siwindri ma na bani mari wuthavelo waye nya gutiye, a na ningwa guhodza gwaye, a sela mati khu gikhati gi vbwetegago.

Isaya 9:7

Gasi wufumu waye nya gurule wu engedzelane kala gupindruga, vbagikhalotunu nya wufumu wa Dhavhidhe ni mufumo waye, a wu tiyisa ni gu wu seketela khu nongameto ni gululama, gukhugela olu kala gupindruga. Khathalelo waPfhumu Nungungulu nya Tshivba Yatshavbo wu na gira isoso.

Jeremiya 21:12

Uwe nyumba ya Dhavhidhe! Pfhumu Nungungulu a ngu ganela kharati, khuye: Vbadzimindrutunu lamulani khu gululama, tshudzisani avo va tshaniswago, gasi likhulo langu li si dzuri nga nilo, li vbisa nyamba tshimwa khu muthu, khu kotani nya mithumo yanu nya guvivbe.

Jeremiya 22:18

Khu guralo, Pfhumu Nungungulu a ngu ganela kharati mayelano khu Jowakimi, mwamana wa Josiya, mufumeli wa Judha, khuye: “A gufa kha va na mu lila, khavo: Yowe, ndriyangu! Mwendro gukhavo: Yowe, hane wangu! Va nga wombi huwa, khavo: Yowe, mune wathu! Mwendro gukhavo: Yowe, pfhumu yathu!”

Jeremiya 22:3

Pfhumu Nungungulu a ngu ganela kharati, khuye: Lamulani vathu khu nongameto ni gululama, vale va wandredwego silo sawe, va tshudziseni ga avo va va tshanisago; mu nga tshanisini muluveli, noni, ambari gisiwana; mu nga girini wughevenga, ambari gu vbaladzani novba nyambana nandru wulanga wowu.

Jeremiya 23:5

Pfhumu Nungungulu a ngu ganela, khuye: “Wonani, ma nguta matshigu nyi na bugiselago Dhavhidhe pfhundre nya gululame; uye a na khala mufumeli, a na fumelago khu wugengeli ni guti, gambe a na lamula vathu khu nongameto.”

Jeremiya 42:6

Ambari nari yadi mwendro nyamba yadi, hi na ma yingisa magana ya Pfhumu Nungungulu wathu hi gu rumelago avbo gwaye, gasi hi mana makategwa khu gu yingisa magana ya Pfhumu Nungungulu wathu.”

Jeremiya 7:5

Aholu, phelani khu gu ndreya ndzilani gwanu ni mithumoni gwanu nya guvivbe, mwa gu lamulani khu gululama vbakari gwanu, ni ga vaakelane vanu;

Luka 11:41

Phelani khu gu ningela sisiwana iso mu gu naso, khavbo satshavbo si na mi dugela gwadi.

Mithumo 2:46

Khu litshigu ni litshigu va di hengela monyo moyo, va hongola Nyumbani ga Nungungulu, va kabana gibaba, va hodza guhodza gwawe khu gutsaka ni gu nengela, myonyo yawe na yi tangade.

1 Vakorinto 10:31

Khu kharato, gani mwa gu hodza, gani mwa gu sela, ni gevbini gimbe gilo mu girago, satshavbo girelani gu rungudza Nungungulu.

Dhewuteronome 4:40

Khu guralo, vegedza milayo yaye ni sileletelo saye nyi gu leletelago muhuno, gasi si kodza gu gu dugela gwadi uwe gumogo ni sanana sago hwane gwago, ni gasi u engedzedwa matshigu yago tigoni mule Pfhumu Nungungulu wago, a na gu ningago kala gupindruga.”