Jeremiya 22:13 - Bhibhiliya Nya Guage

¹³ Libango ga uye a dzi vbahelago nyumba khu wukanganyisi, a yi andrisa nyambana nayo, a thumisago vakwawe nyamba va hakhisa, a si va ningi tshatshazelo nya thumo wawe;

Jeremiya 22:13 Iomraidhean Croise

2 Dzikoronika 36:4

Mufumeli wa Egipito a di emisa Eliyakimi, ndruye wa Jowakazi, gu khala mufumeli wa Judha ni Jerusalema, a vbindrugedza lina laye kheli la Jeyowakimi; aholu ndriyaye Neko, a di dzega Jowakazi a mu yisa Egipito.

2 Dzikoronika 36:5

Jeyowakimi a diri ni magumavili na livbandre myaga gikhati a nga phela gu fuma; a di fuma Jerusalema likhumi na moyo myaga, a di thuma ugo guvivbidego mahoni ga Pfhumu Nungungulu waye.

Joba 31:39

nya gu bani nyi hodzide mahala mihandro yaye, nya gu bani nyi vbedzide tshivba vamune vaye,

Isaya 5:8

Libango ga avo va hengeledzelago dzinyumba, avo va engedzelago marembwe gikhati gyatshavbo, kala va gu khala vamune nya malanga yatshavbo nya litigo.

Jeremiya 17:11

Muthu a wungedzelago thomba khu wukanganyisi; a gu fanana ni tshugwa yi fundramelago mandra yi ngamba ma vega; vbakari nya matshigu yaye a na yi luza, khu guhegisani a na khala madhadhavale.

Jeremiya 22:18

Khu guralo, Pfhumu Nungungulu a ngu ganela kharati mayelano khu Jowakimi, mwamana wa Josiya, mufumeli wa Judha, khuye: “A gufa kha va na mu lila, khavo: Yowe, ndriyangu! Mwendro gukhavo: Yowe, hane wangu! Va nga wombi huwa, khavo: Yowe, mune wathu! Mwendro gukhavo: Yowe, pfhumu yathu!”

Levhi 19:13

U nga bi mwendro gudzega gilo gya muthu kwanu. U nga hweli gulivba githumi gyago u khala ni hakhelo yaye kala limbe litshigu.

Mikeya 3:10

enu mu vbahago Siyoni khu gu vbaladza novba, ni Jerusalema khu gu gira wuvivbi.

Habhakuka 2:12

Libango ga wule a vbahago lidhoropa khu novba a li tiyisa khu wughevenga!

Malakiya 3:5

Nyi nata wonega vbakari gwanu gasi guta lamula, nyi na khala fakazi yile nya guwone gwadi ni gu wugela valoyi, sibhayi, ni vale va sambanyago malipha; nyi tsayisa ni vale va kanganyisago sithumi, va tshanisa dzinoni, sigulungu, ni valuveli, vale va si nyi ningigo githawo, a ngu ganela Pfhumu Nungungulu nya Tshivba Yatshavbo.

Dhewuteronome 15:13

Gikhati u na mu tshulago, u nga mu digi a hongola nyambana gilo mandzani gwaye.

Jakobe 5:4

Kha mu hakhisi vathu va thumago marembweni gwanu. Upwani gudilela gwawe, dzihuwa dza vale va nga thuma guvbwera, dzi vbohide kala dzindzeveni ga Pfhumu Nungungulu, nya Tshivba Yatshavbo.