Jeremiya 22:10 - Bhibhiliya Nya Guage

¹⁰ Mu nga lili khu mufumeli Josiya a fudego, ambari gu mu wombela dzihuwa; aholu lilani khu wule a khugago, kholu kha na wuya gambe, uye kha na nga li wona gambe litigo a velegedwego umo.

Jeremiya 22:10 Iomraidhean Croise

2 Dzipfhumu 22:20

Khu guralo, nyi na gu tshanganisa gumogo ni vavelegi vago, u na dzingwa thowoni gwago khu gurula, gasi maho yago ma si woni dzimhango nyi na gu dzi rumelago tigoni momu.” Khavbo avbo, va di bweledza ga mufumeli magana yaya va nga embedwago khu muprofeti nya nyamayi.

2 Dzipfhumu 23:29

Matshiguni gwaye, Faro-Neko, mufumeli wa Egipito, a dita dhumela mufumeli wa Asiriya, tsongoni wa Ewufrate; mufumeli Josiya, a di mu khinga; avbo Faro-Neko a nga mu wona a di mu songa tigoni ga Megidhu.

2 Dzikoronika 36:4

Mufumeli wa Egipito a di emisa Eliyakimi, ndruye wa Jowakazi, gu khala mufumeli wa Judha ni Jerusalema, a vbindrugedza lina laye kheli la Jeyowakimi; aholu ndriyaye Neko, a di dzega Jowakazi a mu yisa Egipito.

Muhevbudzi 4:2

Eni nyi di, kheni: Va kategide avo va fudego gale guvbindra avo va vbanyago olu.

Isaya 57:1

Muthu nya gululame a ngu fa, gambe mwalo a pimisago khu isoso monyoni gwaye, ni muthu nya gutumbege a ngu duswa, vathu va si dziti gukhavo va nya gululama, va gu vbiredzela gu duswa li si gu vbohi libango.

Jeremiya 16:7

Gambe mwalo a na gu hodzago navo guhodza nya gililo gasi gu va tangadzisa, kholu va fedwego, ambari gu va ningwa libogo nya gu thaveledwe, ga vale va fedwego khu vavelegi vawe.

Jeremiya 22:11

Kholu Pfhumu Nungungulu a ngu ganela kharati mayelano khu Salumi, mwamana wa Josiya, mufumeli wa Judha, uye a nga fumago wulangani wa babe waye Josiya, a khugidego khu wulanga wowu, khuye: “Uye gima kha na nga wuya gambe.

Jeremiya 22:18

Khu guralo, Pfhumu Nungungulu a ngu ganela kharati mayelano khu Jowakimi, mwamana wa Josiya, mufumeli wa Judha, khuye: “A gufa kha va na mu lila, khavo: Yowe, ndriyangu! Mwendro gukhavo: Yowe, hane wangu! Va nga wombi huwa, khavo: Yowe, mune wathu! Mwendro gukhavo: Yowe, pfhumu yathu!”

Jeremiya 22:27

Aholu va na suva gu wuya tigoni va gu golago, aholu kha gu na kodzega.

Jeremiya 25:27

Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: “U na va embela, khuwe: Selani mu leva, mu gosa; thegani mu si wugi gambe, khu kotani nya dzinyimbi nyi na gu dzi rumelago vbakari gwanu.

Jeremiya 28:4

Nyi na wuyisa gambe wulangani wowu Jekoniya, mwamana wa Jowakimi, mufumeli wa Judha, ni vatshavbo va na Judha va vbagedwego va yiswa wugumbini Bhabhiloni; kholu nyi na funya kanga wa mufumeli wa Bhabhiloni.” A ngu ganela Pfhumu Nungungulu.

Jeremiya 42:18

Kholu Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: “Mwa gu hongolani tigoni ga Egipito, guvbisa nya likhulo langu li na thegela vbatshani gwanu kha nga idzo li thegedego khidzo vathu va Jerusalema. Mu na hembuludwa ni gu vadwa khu vathu, mu na khala gilo nya gihegiso, litigo lanu, kha mu na tshuka mu li wona gambe.”

Jeremiya 44:14

Avbo nya gu, mwalo na moyo nya mitshaledwa ya na Judha a na vbulugago nya avo va na guya vbanyago tigoni ga Egipito kha nga valuveli; mwalo ni moyo a na gu wuyago tigoni gwawe ga Judha, ambari a nga bani ari gu suva gwawe; va na wuya basi vadugwana va na gu vbulugago.”

Gililo 4:9

Avo va nga songwago khu matshari va kategide guvbindra avo va ngafa khu ndzala; kholu va gu saniseka khu gu hamuga guhodza gwa mahangeni. Yod

Ezekiyeli 24:16

“Mwamana wa muthu, khu githugedza nyi na gu dusela igyo gi godwago khu maho yago, aholu u nga soli ambari gulila, ambari gu vbaladza marongo.

Luka 23:28

Jesu a di thendregedza, a va embela, khuye: “Sagadzyana sa Jerusalema, mu nga lilini khu kotani yangu; dzi lileleni wutumbu wanu ni gu lilela sanana sanu;