Jeremiya 21:7 - Bhibhiliya Nya Guage

⁷ “Khu hwane nya esi, Pfhumu Nungungulu a ngu ganela khuye nyi na ningela Zedhekiya, mufumeli wa Judha, manganagana yaye, vathu vaye ni vatshavbo va na gu vbulugago gufa khu tungu, gu sasedwa khu matshari ni gufa khu ndzala, mandzani ga Nabhukodhonosori, mufumeli wa Bhabhiloni, ni mandzani ga valala vaye, ni ga vatshavbo va zamago gu mu songa; va na va sasela khu matshari, nyamba va tsetsa ambari gu va pwela gisiro.”

Jeremiya 21:7 Iomraidhean Croise

Isaya 27:11

Avbo ma na bangago matamo yaye, va na ma fanyeledzela, va ta vanyamayi va ta vasa khayo nilo va ma gira dzikhuni, kholu vathu vava khandri vathu nya mapimo, khu guralo, mugiri wawe kha na va pwela gisiro, ni muvangi wawe kha na va tsetselela.

Isaya 47:6

Na nyi khuvegide ngudzu khu kota ya vathu vangu, nyi di nyenyezisa thomba yangu nyi yi ningela mandzani gwago. Aholu uwe gima khwa va pwela gisiro; ambari ni sikhosane u di si rwega mirwalo nya gulemele ngudzu.

Jeremiya 13:14

Nyi na va vbadzulela va khala khu sipandre va pandrana khu gyawe, vavelegi gumogo ni sanana, a ngu ganela Pfhumu Nungungulu; gima kha nyi na va divalela ni gu va tsetsa ambari gupwa gisiro khu avo gasi nyi si va mbembisi.

Jeremiya 14:12

“Ambari va gu hala, eni kha nyi na yingisa gulila gwawe, va gu nyi girela dzimhamba nya guvbiswe ni dzimhamba nya guhodze, kha nyi na tsakiswa khidzo; nyi na va mbembisa khu matshari, ndzala ni mitungu.”

Jeremiya 15:5

Khu guralo, uwe Jerusalema, khu mani a na gu pwelago gisiro, a vbisega khu mahungu yago? Khu mani a na ndreyago a gu wusela a pwa guvbanya gwago?

Jeremiya 15:9

Nyamayi a velegidego livbandre na sivili sanana, a di tala khu wuvi a dzima, afa; avbo gwaye lidambo li di khwatshi li pfode, aholu gu di ngari mihani; uye a di tala khu dzitshoni ni guvbisega. Avo va na tshalago, nyi na va ningela va songwa khu matshari mbeli ga valala vawe; a ngu ganela Pfhumu Nungungulu.

Jeremiya 19:7

Kholu ga wulanga wowu, nyi fuviside makungo ya Judha ni ya Jerusalema, nyi na va gira va thega khu matshari mbeli ga valala vawe ni mandzani ga vale va va vbwetago gu va songa; sirumbi sawe si na rothedwa khu sinyoni sa damboni ni gu hodzwa khu sirengo sa khabini.

Jeremiya 20:4

Kholu Pfhumu Nungungulu a ngu ganela kharati, khuye: Wona nya gukhuwe nyi na gu gira gighevenga, u dzi thusedzela wabune ni gu thusedzela dzipari dzago; avo va na songwa khu matshari khu valala vawe nu gu va wona, va na Judha vatshavbo va na thegela mandzani ga mufumeli wa Bhabhiloni; uye a na va vbagela vayiswa wugumbini tigoni ga Bhabhiloni aya va sasela khu matshari.

Jeremiya 22:25

Nyi na gu ningela mandzani ga vale va dzi emisedego gu gu songa, ni mandzani ga vale u va ningago githawo, mandzani ga Nabhukodhonosori, mufumeli wa Bhabhiloni ni mandzani ga Vakalidhiya.

Jeremiya 27:6

Olu eni nyi ningede mayigo yatshavbo yaya mandzani ga githumi gyangu Nabhukodhonosori, mufumeli wa Bhabhiloni; nyi mu ningide gambe ni sirengo sa khabini, gasi si mu thumela.

Jeremiya 32:4

gambe Zedhekiya, mufumeli wa Judha, kha na vbuluga mandzani ga Vakalidhiya, gambe kha na vbuluga gu ningedwa mandzani ga mufumeli wa Bhabhiloni, aholu a na ganela naye, khovbe ni khovbe, a wonana naye khu maho yaye;

Jeremiya 34:3

Uwe, khu na nga vbuluga, aholu u na modwa u ningedwa mandzani gwaye. Uwe kamwe u na wona mufumeli wa Bhabhiloni khu maho yago, uye a na ganela nago khovbe ni khovbe. Uwe u na yiswa Bhabhiloni.

Jeremiya 36:29

U na embela Jowakimi, mufumeli wa Judha, khuwe: Pfhumu Nungungulu a ngu ganela kharati, khuye: Uwe u vbiside libhuku khu gukhuwe: Khu ginani u lovidego umomo gukhuwe mufumeli wa Bhabhiloni a nata sasela litigo leli, a vbedza vathu ni sirengo saye?

Jeremiya 37:17

Khu hwane, mufumeli Zedhekiya, a di rumela guya mu dusa gasi guta mu wudzisa khu gisihaledza, nari khu nyumbani gwaye nya wufumu, a mu wudzisa, khuye: “U na ni mahungu ya Pfhumu Nungungulu, gani?” Jeremiya a di hakha, khuye: “Ina momo.” A mu embela gambe, khuye: “Uwe u na ningedwa mandzani ga mufumeli wa Bhabhiloni.”

Jeremiya 50:17

Israyeli a gu fanana ni nvuta yi dzimedego, yi sotwago khu dzinghala; nya guphele gu mu songa khu mufumeli wa Asiriya; khu guhegisa, Nabhukodhonosori, mufumeli wa Bhabhiloni, a di mu fanyeledzela marambo.

Gililo 2:20

Pfhumu Nungungulu, khedzisa, u wona, gukhuwe gasi khu mani u mu giredego silo sesi? Ina vamayi va ngu yela gu hodza handro wa mahembeni gwawe, a gu sanana va si wugarelago mawogoni gwawe, gani? Ina vaphasi nya mhamba ni vaprofeti va ngu yela gu songwa giluveloni nya guage gya Pfhumu, gani? Sini

Gililo 2:22

U nyi rambede sighevenga khu maphuvbo yatshavbo, kha nga litshigu nya buzo; litshigu nya likhulo la Pfhumu Nungungulu, mwalo a nga tutumago mwendro gu vbuluga. Ngamo yangu nyi nga yi dandrisa ni gu yi sayisa, nala wangu a yi mbembiside.

Ezekiyeli 23:28

Mune Pfhumu Nungungulu a ngu ganela kharati, khuye: “Nyi womo guvbweta gu gu ningela mandzani ga vale uwe u va zondrago, ga vale u hambanidego navo khu gu swireka.

Ezekiyeli 7:9

Kha nyi na gu khedza khu maho nya gisiro, gambe kha nyi na gu tsetsa; nyi na gu bweledzela gukhedza khu mithumo yatshavbo nya guvivbe yi guromo vbakari gwago; u na dziti nya gukhuwe kheni, Pfhumu Nungungulu nyi gu tsayisago.

Ezekiyeli 8:18

Khu guralo, nyi na va lamula khu likhulo; kha nyi na va pwela gisiro, gambe kha nyi na va tsetsa. Ambari va gu womba huwa dzindzeveni gwangu, kha nyi na va yingisa.”

Ezekiyeli 9:10

Gasi khu gyangu gipandre, kha nyi na va pwela gisiro, gambe kha nyi na va tsetsa, aholu nyi na thesa mihungoni gwawe gukhedza khu esi va giridego.”

Dhewuteronome 28:50

mufumo nya dzihanyi ni khovbe nya guvivbe nyamba pwela gisiro gikhosane ambari gu tsetsa sanana!