Jeremiya 21:6 - Bhibhiliya Nya Guage

⁶ Nyi na sasela vavbanyi va dhoropani momu, vathu gumogo ni sirengo; va nafa khu tungu nya guthise.

Jeremiya 21:6 Iomraidhean Croise

Genesi 6:7

Khavbo avbo, Pfhumu Nungungulu a di khuye: “Nyi na fuvisa vathu nyi va vangidego mafuni, nyi na va mbembisa tigoni, nyi vbedza vathu, sirengo ni sinyoni sa damboni ni sirengwanana satshavbo si khwirirago khu lididi, kholu nyi ngu dzi laya khu olu nyi si giridego.”

Isaya 6:11

Khavbo avbo, nyi di mu wudzisa, kheni: “Kala lini, Pfhumu yangu?” Uye a di nyi phindrula, khuye: “Kala madhoropa ma khala marumbi, dzinyumba dzi khala nyambana vathu, ni litigo latshavbo li vbindrugedza li khala giwula.

Jeremiya 14:12

“Ambari va gu hala, eni kha nyi na yingisa gulila gwawe, va gu nyi girela dzimhamba nya guvbiswe ni dzimhamba nya guhodze, kha nyi na tsakiswa khidzo; nyi na va mbembisa khu matshari, ndzala ni mitungu.”

Jeremiya 16:4

“Va nafa khu mitungu nya guthise, gima kha va na lidwa ambari gu dzingwa; va na mbambamela nga ndzilo ya tigoni, va na mbembiswa khu ndzala ni matshari, sirumbi sawe si na khala guhodza nya sinyoni sa damboni ni sirengo sa khabini.”

Jeremiya 20:4

Kholu Pfhumu Nungungulu a ngu ganela kharati, khuye: Wona nya gukhuwe nyi na gu gira gighevenga, u dzi thusedzela wabune ni gu thusedzela dzipari dzago; avo va na songwa khu matshari khu valala vawe nu gu va wona, va na Judha vatshavbo va na thegela mandzani ga mufumeli wa Bhabhiloni; uye a na va vbagela vayiswa wugumbini tigoni ga Bhabhiloni aya va sasela khu matshari.

Jeremiya 32:24

Wona nya gukhuwe dzitshivba nya dzinyimbi ya valala dzi emide gasi gu dhumela lidhoropa dzi li wandra; olu lidhoropa leli li na ningedwa mandzani ga Vakalidhiya, gasi va li sasela khu matshari, ndzala ni mitungu. Iso u si ganedego si ngu tadzisega, kha nga u si wonago.

Jeremiya 33:12

Pfhumu Nungungulu nya Tshivba Yatshavbo, a ngu ganela kharati, khuye: “Wulanga wowu wu gu giwula, nyambana vathu ambari sirengo, madhoropani gwawe gwatshavbo, gu nga na gu manega lizumbo avbo vahavisi va na gu hefemulago avbo ni mitshambi yawe.

Jeremiya 34:17

Khu guralo, Pfhumu Nungungulu a ngu ganela kharati, khuye: “Enu kha mwa nyi yingisani gu tshula vandriyanu muwugumbini. Olu eni Pfhumu Nungungulu, nyi ngu mi embelani gukheni nyi na mi tulelani dzinyimbi dzi ta mi sasela khu matshari, mitungu ni dzindzala; mu na khala gihegiso vbakari nya mifumo yatshavbo ya mafuni.

Jeremiya 36:29

U na embela Jowakimi, mufumeli wa Judha, khuwe: Pfhumu Nungungulu a ngu ganela kharati, khuye: Uwe u vbiside libhuku khu gukhuwe: Khu ginani u lovidego umomo gukhuwe mufumeli wa Bhabhiloni a nata sasela litigo leli, a vbedza vathu ni sirengo saye?

Jeremiya 42:22

Khu guralo, muhuno dzitini nya gukhenu mu na songwani khu matshari, ndzala ni mitungu tigoni mu gu godego guya khala umo.”

Jeremiya 7:20

Khu guralo, Pfhumu Nungungulu a ngu ganela kharati, khuye: “Wonani nya gukhenu giviti ni likhulo langu, si na vbalagela wulanga wowu, vbatshani nya vathu, vbatshani nya sirengo, vbatshani nya misimbo ya khabini ni mihandro ya mafuni; li na khondra nyamba tshimega gambe.”

Ezekiyeli 12:16

“Aholu, nyi na tsetsa vadugwana vawe gu va songa khu litshari, ndzala ni mitungu, gasi va rwale guvivba gwawe gwatshavbo ga mayigo va na hongolago. Khavbo avbo, va na dzitigo gukhavo kheni Pfhumu Nungungulu.”

Ezekiyeli 14:13

“Mwamana wa muthu, litigo nya gukari la gu nyi ghohela khu gumba tumbega, nyi na thawuludza libogo langu nyi li dzegela guhodza, nyi li rumela ndzala, nyi songetela vathu vaye gumogo ni sirengo saye.”

Ezekiyeli 14:17

Mwendro, nya gu rumela nyimbi ga litigo lile nyi ganela, kheni: Nyimbi yi na vbindre khu tigoni mule gwatshavbo, yi songetela umo vathu ni sifuyo;

Ezekiyeli 14:19

Aholu nya gu rumela mitungu tigoni mule nyi guhula likhulo langu vbatshani gwaye, nyi vbaladza novba ni gu songetela vathu vaye ni sifuyo saye;

Ezekiyeli 14:21

Kholu Mune Pfhumu Nungungulu a ngu ganela kharati, khuye: “Ahati nya gu rumela sitsayiso sangu nya sina dhoropani ga Jerusalema, a gu nyimbi, ndzala, sirengo nya wurena ni mitungu, gasi guya songetela vathu vaye gumogo ni sifuyo sawe!”

Ezekiyeli 33:27

U na va embela kharati, khuwe: Mune Pfhumu Nungungulu, a ngu ganela kharati, khuye: Nyi ngu sambanya khu guvbanya gwangu kheni, avo va tshadego marumbini va na songwa khu matshari, avo va guromo khabini, nyi na va ningela va hodzwa khu sirengo sa khabini, ni avo va na gu sihalago makhokholani ni mavbalani va nafa khu tungu.

Ezekiyeli 33:29

Khavbo va na dzitigo gukhavo eni kheni Pfhumu Nungungulu, gikhati nyi na girago litigo li khala marumbi nya guthise, khu kotani nya guvivba gwatshavbo va giridego.

Ezekiyeli 7:15

Vbavbandze yomo nyimbi, ndrani womo tungu ni ndzala; vale va guromo vbavbandze nya lidhoropa, va nafa khu matshari, vale va na gu bani varomo dhoropani, va nafa khu tungu ni ndzala.

Hoseya 4:3

Khu guralo, litigo li ngu lila, vatshavbo va vbanyago umo va ngu vbela tshivba; gumogo ni sirengo sa khabini, sinyoni sa damboni, ni dzindzandzi dza phwani sa gufa.

Mikeya 3:12

Khu guralo, khu kotani yanu, Siyoni gu na limwa nga lithembwe, ni Jerusalema gu na khala litala nya siwindri, ni gigomo nya Nyumba ya Nungungulu, gi na khala gigomo nya likhabi.

Sofoniya 1:3

Nyi na mbembisa vathu ni sirengo; nyi vbedza sinyoni sa damboni ni dzindzandzi dza phwani; avo va khunguvanyisago vakwawe ni va nya guvivbedwa khu monyo, nyi na fuvisa vathu mafuni, a ngu ganela Pfhumu Nungungulu.

Luka 21:24

Nya vangi va na songwa khu matshari, vambe va na vbagedwa va gu yiswa mayigoni kha nga dzikhumbi; Jerusalema gu na gandredzedwa khu va nya mayigo kala gi vbela gikhati gyawe.