Jeremiya 21:5 - Bhibhiliya Nya Guage

⁵ Eni kamwe wurumba wangu, nyi na dwana nanu khu gyandza nya gukhugege, nyi na mi veta khu libogo nya tshivba, na nyi tade khu gugoroga ni likhulo nya likhongolo ngudzu.

Jeremiya 21:5 Iomraidhean Croise

Ekisodha 6:6

Khu guralo, embela sanana sa Israyeli, khuwe: Eni kheni Pfhumu Nungungulu, nyi na mi dusani vbavbatshi nya rwalo nya gulemele wa Egipito, nyi na mi tshulani wugumbini gwawe, nyi na thawuludza libogo langu nya tshivba nyi mi dzegisa ni gu mi phodzela.

Ekisodha 9:15

Kholu nari gukhwatshi nyi khuside libogo langu; nari pwani nyi thumiside tshivba yangu nyi gu veta khu tungu, uwe ni vathu vago, olu na mu mbembide mu vbela mafuni.

Isaya 10:4

Gi mwalo gambe gi mi tshaledego gu gira, vbavbandze nya gu dzi pateni ni sibotshwa, ni gu thega, mu patana ni sirumbi, ambari khu kharato, likhulo laye kha la bosa gilo, ni libogo laye li nga gu simama guthawuluga.

Isaya 5:25

Khu satshavbo sesi, likhulo la Pfhumu Nungungulu li na khondra vbatshani ga vathu vaye, a handzega gyandza gyaye vbatshani gwawe, a va songa; sigomo si na ndrendremela, ni sirumbi sawe si na gira kha nga matala vbakari nya dzindzila; ambari khu satshavbo sesi, likhulo laye kha li na bwelelela hwane, a nga na gu khusedza gyandza gyaye, a va sasela.

Isaya 63:10

Aholu avo va di mu yeyisa va swihadza Liphuvbo laye nya Guage; khu guralo, uye a di dzi gira nala wawe, uye kamwe a di dwana navo.

Isaya 9:12

Vaasiriya khu Khugadambo, ni Vafilisitiya khu Pfoladambo; va di hama likana va midza Israyeli. Ambari khu guralo, likhulo laye kha la bosa gilo, ni libogo laye li nga thawulugide.

Isaya 9:17

Khu guralo, Pfhumu kha na nengedziswa khu madzaha yawe, ambari gu pwela gisiro dzikhulungu ni dzinoni dzawe, kholu vatshavbo vakanganyisi ni sighohi, magana yawe yatshavbo ma gu ganela wupumbu. Khu satshavbo sesi, likhulo laye kha li bosi, ni libogo laye li nga thawulugide.

Isaya 9:21

Manasi a ngu dhumela Efrayimi, Efrayimi nuye a ngu dhumela Manasi; khu wuvili wawe va gu wugela Judha. Ambari khu guralo, likhulo laye kha li bosi gilo, ni libogo laye li nga thawulugide.

Jeremiya 32:17

Oh! Uwe Pfhumu Nungungulu wangu, khuwe u giridego ndzadzini ni mafuni khu tshivba yago nya yikhongolo ni libogo lago nya guthawuluge; avbo gwago gimwalo gi si kodzegigo.

Jeremiya 32:37

Wonani nya gukhenu nyi na va tombanisa va wuya khu mayigoni gwatshavbo nyi va phalalegisedego umo khu kotani nya likhulo langu, likhulo ni giviti gyatshavbo; nyi na va wuyisa wulangani wowu vata vbanya khu gurula ni gukhadzisega.

Jeremiya 36:7

A gu dzina saye nombelo wawe wu na vboha mbeli ga Pfhumu Nungungulu, muthu ni muthu a vbindrugedza ndzilani gwaye nya guwegele, kholu likhulo li tivisidwego khu Pfhumu Nungungulu ga vathu vava, likhongolo ngudzu.”

Jeremiya 37:10

Ambari nari gupwani Vakalidhiya, mu di va sasede vatshavbo va vbela, gu tshala basi vale nya gu bayisedwe mitshatshani gwawe, moyo ni moyo a di hadza gu duga khu tshatshani gwaye ata vbisa khu nilo lidhoropa leli.

Jeremiya 6:12

Dzinyumba dzawe dzi na ningedwa vambe vathu, va dzegedwa gambe ni marembwe ni vagadzi vawe, kholu nyi na thawuludza libogo langu nyi veta vavbanyi va tigoni momu, a ngu ganela Pfhumu Nungungulu,

Gililo 2:3

Khu guvbisega gwaye nya gukhongolo fanyide tshivba yatshavbo ya Israyeli. A si va vhikeli, a va diga va sasedwa khu valala vawe, a vbisa va na Jakobe nga nilo wu vbisago satshavbo si guromo vbafuvbi. Dalet

Ezekiyeli 39:3

Nyi na gu wandrela wulaho wa mandzani gwago gwa nyambade, nyi thesa siholoma sa mandzani gwago gwa nyamudye.

Ezekiyeli 5:8

khu guralo, Mune, Pfhumu Nungungulu a ngu ganela kharati, khuye: Wonani nya gukhenu eni, mune kamwe, nyi na gu lamula uwe Jerusalema; nyi gu ninga tsayiso nu gu wonwa khu va nya mayigo.

Dhewuteronome 4:23

Dzi vegedzeni mu nga divali gidzumeledzwano gya Pfhumu Nungungulu wanu, a giridego nanu, mu nga tshuki mu dzi girela gifananiso nya guwumbwe, gi fananago ni gilo gile Pfhumu Nungungulu wanu, a mu himbedzedego.

Dhewuteronome 4:34

mwendro womo mumbe nungungulu a lingidego guya dzi dzegela litigo vbakari nya limbe litigo, khu silingo ni siyeyedzo, khu siliwugiso ni gu dwana, khu gyandza nya tshivba, ni libogo li khusedzidwego, ni mithumo ya yikhongolo nya guthise, gukhedza khu satshavbo esi Pfhumu Nungungulu wanu, a giridego mahoni gwanu tigoni ga Egipito, gani?