Jeremiya 21:4 - Bhibhiliya Nya Guage

⁴ Pfhumu Nungungulu wa Israyeli, a ngu ganela kharati, khuye: Wonani nya gukhenu matshari yoyo mu gu nawo mandzani gwanu, mu dwanago khayo ni mufumeli wa Bhabhiloni gumogo ni Vakalidhiya va mi randredego khu hwane nya mabhiyo; nyi na ma wungedzela vbakari nya lidhoropa leli.

Jeremiya 21:4 Iomraidhean Croise

Isaya 10:4

Gi mwalo gambe gi mi tshaledego gu gira, vbavbandze nya gu dzi pateni ni sibotshwa, ni gu thega, mu patana ni sirumbi, ambari khu kharato, likhulo laye kha la bosa gilo, ni libogo laye li nga gu simama guthawuluga.

Isaya 13:4

Yingisani ligwaha li pwalago vbatshani nya sigomo, la gu fanana ni ligwaha nya gidzemo nya gingi, ligwaha nya mifumo nya mayigo ma tombanidego. Pfhumu Nungungulu nya Tshivba Yatshavbo, a nga gu simama gu rana masotshwa nya nyimbi.

Isaya 5:5

Gasi, eni olu, nyi na mi yeyedzani esi nyi vbwetago gu gira ga lithembwe langu: Nyi na thesa libhiyo gasi li khala wuhaviselo, nyi khungumula ni ndzari yaye, gasi li gandredzedwa.

Jeremiya 20:4

Kholu Pfhumu Nungungulu a ngu ganela kharati, khuye: Wona nya gukhuwe nyi na gu gira gighevenga, u dzi thusedzela wabune ni gu thusedzela dzipari dzago; avo va na songwa khu matshari khu valala vawe nu gu va wona, va na Judha vatshavbo va na thegela mandzani ga mufumeli wa Bhabhiloni; uye a na va vbagela vayiswa wugumbini tigoni ga Bhabhiloni aya va sasela khu matshari.

Jeremiya 21:3

Khavbo avbo, Jeremiya a di va hakha, khuye: Bwelelani mu ya tivisa kharati Zedhekiya, khenu:

Jeremiya 32:24

Wona nya gukhuwe dzitshivba nya dzinyimbi ya valala dzi emide gasi gu dhumela lidhoropa dzi li wandra; olu lidhoropa leli li na ningedwa mandzani ga Vakalidhiya, gasi va li sasela khu matshari, ndzala ni mitungu. Iso u si ganedego si ngu tadzisega, kha nga u si wonago.

Jeremiya 32:3

Kholu Zedhekiya, mufumeli wa Judha, a di mu khothede na gu ganela, khuye: Khu ginani u profetago gukhuwe Pfhumu Nungungulu a ngu ganela kharati, khuye a na ningela lidhoropa leli mandzani ga mufumeli wa Bhabhiloni, gasi uye a li sasela;

Jeremiya 32:5

uye a na dzega Zedhekiya a hongola naye Bhabhiloni, avbo a na gu ya khala kala Pfhumu Nungungulu a mu alakanya; kha nga edzi a ganedego gukhuye mwa gu wusani nyimbi ni Vakalidhiya kha mu na dugelela.

Jeremiya 33:5

Va bela khumo gasi gu dwana ni Vakalidhiya, gasi nyi li tadza khu sirumbi nya vathu nyi va songidego khu likhulo langu, avo nyi va sihedego khovbe yangu khu kotani nya sighoho va giridego dhoropani momu.

Jeremiya 35:17

Khu guralo, Pfhumu nya Tshivba Yatshavbo, Nungungulu wa Israyeli, a ngu ganela kharati, khuye: “Nyi na resa ga va na Judha ni ga vatshavbo vavbanyi va Jerusalema libango nyi va tivisidego; kholu nyi va embede, aholu kha va nyi yingisa; nyi va ranide, kha va nyi hakha.”

Jeremiya 39:3

Vathangeli vatshavbo nya nyimbi ya mufumeli wa Bhabhiloni, va di bela va ya ema Vbamwanyatunu wa Vbakari, a diri ava: Nerigali-Sarezeri, Sangari-Nebho, Sarisekimi, Rabhi-Sarisi, Nerigali-Sarezeri, Rabhi-Magi ni dzimbe dzindruna dza mufumeli wa Bhabhiloni.

Jeremiya 52:18

Va di phanga gambe ni dzikhali, mikho, migala, mafosola, dzimbiya ni simbe sombo si wumbidwego khu sugu va nga bani va si thumisa umo nya wukhozeli.

Gililo 2:3

Khu guvbisega gwaye nya gukhongolo fanyide tshivba yatshavbo ya Israyeli. A si va vhikeli, a va diga va sasedwa khu valala vawe, a vbisa va na Jakobe nga nilo wu vbisago satshavbo si guromo vbafuvbi. Dalet

Gililo 2:5

Pfhumu a vbindrugedzide a khala nala, a mbembisa Israyeli, a pfhungumula ni gu khungumula dzinyumba dzaye dzatshavbo nya wufumu ni makhokhola yaye yatshavbo, a andrisa wuvi ni gililo ga nyamahegyane wa Judha. Vau

Gililo 2:7

Pfhumu kha tsakiswa khu giluvelo gyaye, a di nyenya ni wulanga waye nya miphaso; a ningela mandzani ga valala dzindzari nya makhokhola yaye, va kulungela Nyumbani gwa Pfhumu Nungungulu, nga matshigu nya tshangano nya buzo. Heti

Ezekiyeli 39:3

Nyi na gu wandrela wulaho wa mandzani gwago gwa nyambade, nyi thesa siholoma sa mandzani gwago gwa nyamudye.

Hoseya 9:12

Ambari va gu velega sanana, eni nyi na va dzegela, gasi va vbela havo bhi! Kholu, libango avbo gwawe, va gu hambana ni eni!

Zakariya 14:2

Kholu nyi na tombanisa mayigo yatshavbo ma ta hengela gu dwanisa Jerusalema; lidhoropa li na wandrwa, dzinyumba dzi na pfhungumuledwa, vanyamayi va na pfinywa, gipandre nya vathu va dhoropani va na vbagedwa va yiswa wugumbini, aholu avo va na tshalago kha va na tutumiswa dhoropani.

Matewu 22:7

Mufumeli wule a di garadzega ngudzu, a gu rumela masotshwa maya songa sighevenga sile, gumogo ni gu si vbisela lidhoropa lawe.