Jeremiya 21:13 - Bhibhiliya Nya Guage

¹³ Wona nya gukhuwe nyi mi wugede, enu vavbanyi va kovani, ni uwe giwindri gi ladzidwego panini, a ngu ganela Pfhumu Nungungulu; nyi na wugela ni enu mu ganelago khenu khu mani a na gu relelago ata hi wugela? Mwendro khu mani a na gu belago dzinyumbani gwathu?

Jeremiya 21:13 Iomraidhean Croise

Dzindzimo 125:2

Kha nga sigomo si randredego Jerusalema, kharato nugo, Pfhumu Nungungulu a ngu randrela vathu vaye, olu ni gikhati gyatshavbo.

Ekisodha 13:20

Avo va khugide khu Sukoti va vboha Etani va ya gira lizumbo vbinganoni nya giwula.

Ekisodha 13:8

Litshigu lolo kamwe, u na tshamusela gyanana gyago, khuwe: “Buzo wowu, wa gualakanya esi Pfhumu Nungungulu a nyi giredego litshigu nyi dugidego khu Egipito.”

Isaya 22:1

Egi gitiviso ga kova nya Giwoniso gi gukhigyo: Gasi olu enu, ginani gi mi garadzago, gu kala mwatshavbo mu thavela vbatshani nya dzinyumba?

Jeremiya 17:3

Uwe gigomo gyangu gya khabini, thomba yago ni gyuma gyago gyatshavbo si na phangwa khu valala vago, gumogo ni musigomoni gwago gatshavbo u phaselago umo khu kotani nya sighoho u giridego tigoni gwago gwatshavbo.

Jeremiya 21:5

Eni kamwe wurumba wangu, nyi na dwana nanu khu gyandza nya gukhugege, nyi na mi veta khu libogo nya tshivba, na nyi tade khu gugoroga ni likhulo nya likhongolo ngudzu.

Jeremiya 49:16

Matshandza ni gu dzi khusedza nya monyo wago si gu kanganyiside, uwe u vbanyago dziphagoni nya siwindri, u khalago vbatshani nya sigomo, ambari wa gu vbaha gihaga gyago vbatshani ngudzu kha nga lighama, Eni nyi na gu reledza vbavbatshi; khu Pfhumu Nungungulu a ganelago.

Jeremiya 50:31

Wona nya gukhuwe eni nyi dzi emisede gu dwana nago, uwe nyamatshandza wewe, a ngu ganela Pfhumu Nungungulu nya Tshivba Yatshavbo, kholu, li vbohide litshigu ni gikhati nya tsayiso wago:

Jeremiya 51:25

Pfhumu Nungungulu a ngu ganela, khuye: Nyi womo avba gasi gu wugela uwe gigomo nya wupfhungumuli, uwe u pfhungumulago litigo latshavbo; nyi na phela kheni nyi gu handzega mandza yangu, nyi gu wumbulutela khu vbatshani nya siwindri u thega, u khala litala nya nguma.

Jeremiya 7:4

Mu nga dzi kanganyisi khu gu ganelani, khenu: Eyi khu Nyumba ya Pfhumu Nungungulu, eyi khu Nyumba ya Pfhumu Nungungulu, eyi khu Nyumba ya Pfhumu Nungungulu. Khiyo eyi.

Gililo 4:12

Vafumeli va mafuni, gumogo ni vathu va tigoni, kha va nga khodwa gilo gukhavo, nala ni mutshanisi va nga tshuka va bela dzinyangwani gwa Jerusalema. Mem

Ezekiyeli 13:8

Khu guralo, Pfhumu Nungungulu a ngu ganela kharati, khuye: Khu kotani nya magana yanu nya wukanganyisi, ni mawonelo yanu nya malipha, nyi na mi wugela. A ngu ganela Pfhumu Nungungulu.

Ezekiyeli 21:3

U va embela, khuwe: Pfhumu Nungungulu a ngu ganela kharati, khuye: Wona gukhuwe nyi na gu wugela. Nyi na homola litshari langu nyi mbembisa vbakari gwago uye nya gululame ni uye nya guvivbedwe khu monyo.

Ezekiyeli 34:10

Mune Pfhumu Nungungulu, a ngu ganela kharati, khuye: Wonani gukhenu nyi na wugela vahavisi nyi va rwega nandru khu tshambi wangu; nyi na vbedza wuhavisi wawe, kha va na dzi havisa gambe vabune; nyi na vbulugisa dzinvuta dzangu kanani gwawe, gasi dzi si khali gambe guhodza gwawe.

Ezekiyeli 5:8

khu guralo, Mune, Pfhumu Nungungulu a ngu ganela kharati, khuye: Wonani nya gukhenu eni, mune kamwe, nyi na gu lamula uwe Jerusalema; nyi gu ninga tsayiso nu gu wonwa khu va nya mayigo.

Mikeya 3:11

Vathangeli vawe va gu lamula, va gu rwega milandru vathu khu gu rengeledwa, vaphasi vawe nya mhamba va gu hevbudza khu gu vbweta gu hakha, vaprofeti va gu profeta khu gu vbweta dzitsapawu, aholu va gu dzi seketela khu Pfhumu Nungungulu, khavo: Khu lisine Pfhumu Nungungulu mwalo vbakari gwathu. Li mwalo libango li na gu hi dugelelago.

Nahume 2:13

Wona nya gukhuwe nyi gu wugede, a ngu ganela Pfhumu Nungungulu nya Tshivba Yatshavbo; nyi na vbisa khu nilo dzikareta dzago nya nyimbi, singhalana sago si na songetedwa khu matshari, nyi na wandra mafuni sirengo u nga molago, ma si pwali gambe malito nya sirumwa sago.