Jeremiya 20:8 - Bhibhiliya Nya Guage

⁸ Kholu gikhati gyatshavbo nyi ganelago nya gu keta ni gu womba huwa, kheni: “Wusaseli ni gu pfhungumudwa! Kholu magana ya Pfhumu Nungungulu ma khade gihegiso gwangu ni tshanisa matshigu yatshavbo!”

Jeremiya 20:8 Iomraidhean Croise

2 Dzipfhumu 2:23

Khavbo avbo, a di khuga khu vbale a gwela Bheteli; nari ndzilani nya guhongole, gu di duga sikhwathana khu dhoropani si mu tsorodzela, khiso: “Gwela nya lihandlawe! Gwela nya lihandlawe!”

2 Dzikoronika 36:16

Aholu avo va di vala sirumwa sa Nungungulu, va si khathali khu mahungu yaye, va poyila vaprofeti vaye, gukala likhulo laye li khondrela ngudzu vathu vaye, gu hamugega ni rendre nya guvavbulugise khuwo.

Isaya 57:4

Khu mani mu mu hembululago, na? Khu mani mu si khathaligo khuye? Mwa gu hamela mani likana mu mu dusela lidimi vbavbandze, na? Ina khandri mu sanana nya sighohi ni livelego nya va nya malipha,

Jeremiya 15:10

Libango langu, mayi wangu! U nyi velegede ginani gasi nyi khala muthu nya gu vengwe ni gu dwaniswa khu vathu vatshavbo! Nyi si gu fiyarisi dzitsapawu, ambari gu fiyari ga muthu; aholu vatshavbo va gu nyi hembulula.

Jeremiya 15:15

Uwe Pfhumu Nungungulu u ngu siti; nyi alakanye ni gu nyi phasa, nyi phodzele ga valala vangu, u nga va digi va nyi songa, khu kotani nya litimiselo lago navo; wona gukhuwe nya gu tshaniswa khu kotani nya lihaladzo nyi gu nalo nago.

Jeremiya 17:27

“Aholu, mwa gumba nyi yingisani, mu si dzumeli gu agisa litshigu nya Sabhadho, ni gu rwalani mirwalo nya gulemele, mu bela nayo khu dzinyangwani nya lidhoropa khu litshigu nya Sabhadho, nyi na vasa nilo wu nata dagaredzisago dzinyumba dzatshavbo nya wufumu dza Jerusalema, uwo wu na gumba tshimega gambe.”

Jeremiya 20:7

Uwe Pfhumu Nungungulu u nyi kotode; uwe khuwe u gu ni tshivba guvbindra eni; tshivba yago yi ngu nyi pala, matshigu yatshavbo nya gu khala gihegiso, vathu vatshavbo va gu nyi hega.

Jeremiya 28:8

Vaprofeti va vbindridego hwane gwangu ni uwe, va ganede ga mayigo nya gutale ni ga mifumo nya yikhongolo, va di ganela khu dzinyimbi, dzimhango, mitungu ni ndzala.

Jeremiya 5:1

Dzundrulugelani dzindzilani gwatshavbo ga Jerusalema, mu khedzani mitendrelani mu ta nyi embela mwendro saye mu na mana muthu moyo basi a tsakelago gululama ni gu gira ugo a gu lisine. Khavbo avbo, eni nyi na tsetselela Jerusalema.

Jeremiya 5:6

Khu guralo, nghala yi na duga khu khabini yi ta va songa, lisolwa la giwulani li na va vbadzulela, madhoropa yawe ma na holeledwa khu likhamba; moyo wawe a gu duga a na vbadzuledwa; kholu va di engedzela guvivba nya sighoho sawe, va mu pfhurarela gikhati nya gutale.

Jeremiya 6:10

Nyi na ganela ni gu fakaza ga mani gasi va kodza gu nyi yingisa? Wona nya gukhuwe dzindzeve dzawe dzi tshimegide, kha va yingisi; mahungu ya Pfhumu Nungungulu givalo avbo gwawe; kha va khathali khayo.

Jeremiya 7:9

Mu nguba, mu songa vathu, mu gira wubhayi ni gu sambanya malipha, mu vbisela libani Bhahali, ni gu khozela vambe vanungungulu mu si vatigo.

Habhakuka 1:3

Khu ginani u nyi yeyedza guvivba, ni gu nyi wonisa tshanisa? Kholu gumbembiswa ni gusasedwa somo mbeli gwangu; vomo gambe va wusago mayunga ni gu ganedzisana.

Luka 11:45

Moyo nya muhevbudzi nya Nayo a di khusa lito, khuye: “Muhevbudzi, maganelelo yoyo, wa gu pata ni ethu.”

Vahebheru 11:26

A di wona nari tshukwana gu nyenywa khu kotani ya Kristo guvbindra gu fuma dzithomba dzatshavbo dza Egipito. Maho yaye ma di khedza tshatshazelo wu nga gutago.

Vahebheru 13:13

Khu guralo, hongoleni nethu vbafuvbi ga Jesu Kristo, vbavbandze nya libhiyo hi ya saniseka ni gu poyidwa gumogo ni uye.

1 Pedro 4:14

Enu mu kategide mwa gu vadwa khu kotani nya lina la Kristo, kholu, gu yeyedza gupwani Liphuvbo nya wudhumo a gu Liphuvbo la Nungungulu lomo avbo gwanu.