Jeremiya 20:7 - Bhibhiliya Nya Guage

⁷ Uwe Pfhumu Nungungulu u nyi kotode; uwe khuwe u gu ni tshivba guvbindra eni; tshivba yago yi ngu nyi pala, matshigu yatshavbo nya gu khala gihegiso, vathu vatshavbo va gu nyi hega.

Jeremiya 20:7 Iomraidhean Croise

2 Dzipfhumu 2:23

Khavbo avbo, a di khuga khu vbale a gwela Bheteli; nari ndzilani nya guhongole, gu di duga sikhwathana khu dhoropani si mu tsorodzela, khiso: “Gwela nya lihandlawe! Gwela nya lihandlawe!”

Joba 12:4

Eni nyi di khala gihegiso ga dzipari dzangu, avbo eni nyi nga lombelela ga Nungungulu, Uye a nyi ninga phindrulo; muthu nya lisine ni gululama nyi di khala gihegiso.

Joba 30:9

Aholu eni olu nyi ndzimo yawe, nyi vbindrugedzide nyi khala givalo gwawe.

Dzindzimo 119:51

Va nya matshandza va gu nyi hega gikhati gyatshavbo, aholu eni kha nyi hambani ni nayo wago.

Isaya 8:11

Kholu Pfhumu Nungungulu a nyi embede kharati, gikhati a nga nyi handzega mandza yaye nya tshivba, a gu nyi hambanisa ni ndzila ya vathu vava, khuye:

Jeremiya 15:10

Libango langu, mayi wangu! U nyi velegede ginani gasi nyi khala muthu nya gu vengwe ni gu dwaniswa khu vathu vatshavbo! Nyi si gu fiyarisi dzitsapawu, ambari gu fiyari ga muthu; aholu vatshavbo va gu nyi hembulula.

Jeremiya 15:18

Gasi khu ginani gu gumba vbela gutshaniseka gwangu? Dzimbanga dzangu dza gumba vbola khu ginani? U na khala kha nga gitsongwana nyamba tumbega gi vbwago mati yaye, gani?

Jeremiya 17:16

Aholu eni kha nya gu lomba gu va rumela mabango; ambari gu va suvela gu wona dzimhango; uwe u ngu dziti gwadi, kholu nyi ganede mbeli gwago.

Jeremiya 20:9

Khavbo avbo, nyi di, kheni: “Kha nyi na mu alakanya gambe, ambari gu ganela gambe khu lina laye;” aholu isoso si di manega monyoni gwangu kha nga nilo wu dzurago na wu sihade maramboni gwangu; nyi ngu zama gu wu segela, aholu kha nyi yi mani ndzila.

Jeremiya 29:26

Pfhumu Nungungulu a gu giride muphasi nya mhamba wulangani ga muphasi nya mhamba Joyadha, gasi u khala muthangeli wa Nyumbani gwa Pfhumu Nungungulu, gasi muthu watshavbo a handrugago a dzi gira muprofeti, u mu hunga khu makhetshe ni dzitshinga, u mu thela pasoni.

Jeremiya 38:19

Mufumeli Zedhekiya a di embela Jeremiya, khuye: “Gu ya dzi ningela ga Vakalidhiya nyi ngu thava gu ya tshaniswa khu Vajudha va dzi patanisago ni Vakalidhiya.”

Gililo 3:14

Nyi khade gihegiso ga va na gyathu vatshavbo, nyi khade ndzimo yawe gikhati gyatshavbo.

Ezekiyeli 3:14

Khavbo avbo, Liphuvbo li di nyi dusa khu vbale, hefemulo wangu na wu tade khu guvbisega ni likhulo, aholu gyandza nya tshivba gya Pfhumu Nungungulu gi diri ni eni.

Hoseya 9:7

Ma vbohide matshigu nya tsayiso, mayo ni moyo a na hakhago tshatshazelo yaye. Israyeli gu vbwetega a mati. Khu kotani nya sighoho nya singi, ni livengo lanu nya lingi, mwari khenu, muprofeti handrugide, gipumbu, a na ni liphuvbo nya guvbe. Khu kotani nya sighoho sago nya singi, uwe Israyeli ni gu engedzelana nya livengo lago.

Jona 4:2

A di lombelela ga Pfhumu Nungungulu, khuye: “Oh! Pfhumu Nungungulu! Ina khandriso esi nyi nga gu embelago, na nyi ngari tigoni gwangu, gani? Khiso si nga nyi gira nyi thava nyi tutumela tigoni ga Tarisisi, kholu nyi di gu dziti gukheni uwe u Nungungulu nya wuhigo, u tadego khu wuhindzi, u hwelago gugoroga, na wu tade khu wuwadi, u si goligo gu gira silo nyamba sadi.

Mikeya 3:8

Aholu khu lisine eni nyi tade khu tshivba nya Liphuvbo la Pfhumu Nungungulu nyi tade khu mapimo nya gululame ni gumbana hwanga, gasi gu huwelela va na Jakobe khu gu ndraga gwawe nya nayo ni gu yeyedza sighoho sa na Israyeli.

Luka 16:14

Vafarisi, kha nga ulo va nga bani vari vathu nya ligungo, na va pwide magana ya Jesu, va di mu hembulula.

Luka 23:11

Herodhi ni masotshwa yaye, na mu kasuwaride ni gu mu hembulula, a di ruma gu mu bweledza ga Pilato na ambagisidwe libhadzi nya gumbure ngudzu.

Mithumo 17:18

Ni vambe vahevbudzi nya gukari, nya gudugele tsawani ga Epikuru ni vale va landrisago sihevbulo sa va na Estoyiku, va di ganedzisana naye. Vambe va gu wudzisa, khavo: “Ginani a ganelago nya libwabwa yoyu?” Vambe, khavo: “Kha nga mutshumayeli nya vambe vanungungulu hi si vatigo,” kholu a di gu ganela khu mahungu ya Jesu ni gu wuga gwaye.

Mithumo 17:32

Na va mu pwide na gu ganela khu gu wuga ga vafudego, vambe va di mu hega, vambe, khavo: “Hi na gu yingisa gambe limbe litshigu na wu gu ganela khu mahungu yaya.”

1 Vakorinto 9:6

Mwendro mwa gu pima gukhenu eni ni Bharinabha basi khethu hi gu ni giguruvedzo nya gu dzi thumele habune khu mandza yathu.

Vahebheru 11:36

Vambe va di poyidwa, va khinyedwa. Vambe va di hungeledwa va thedwa mapasoni.