Jeremiya 20:5 - Bhibhiliya Nya Guage

⁵ Gambe nyi na ningela mufumo watshavbo nya lidhoropa leli ga valala vago va phanga silo nya lisima, gumogo ni thomba yatshavbo ya vafumeli va Judha, va na dzega ni gu phanga satshavbo va si yisa Bhabhiloni.

Jeremiya 20:5 Iomraidhean Croise

2 Dzikoronika 36:10

Guvbelani nya mwaga yoyo, mufumeli Nabhukodhonosori a di rumela gu va mu mola va mu yisa Bhabhiloni, gumogo ni sombo nya singi nya sugu nya lisima sa Nyumbani ga Pfhumu Nungungulu; a vega ndriyaye Zedhekiya a khala mufumeli wa Judha ni Jerusalema.

Isaya 39:6

Wona nya gukhuwe ma nguta matshigu gu na gu satshavbo si guromo nyumbani gwago, ni satshavbo esi nya thomba u nga tshiyedwago khu vavelegi vago si guromo kala muhuno, si na rwadwa si yiswa Bhabhiloni; gimwalo ni gimwegyo gi na tshalago, a ngu ganela Pfhumu Nungungulu.

Jeremiya 12:12

Vapfhungumuli va dita khu malangani yatshavbo nya sigomo ni ya giwulani; kholu litshari la Pfhumu Nungungulu li na vbiyela litigo leli gukhugela mahegiso kala mambe mahegiso nya litigo; mwalo ni moyo a na manago gurula.

Jeremiya 15:13

Silo sago ni thomba yago nyi na si ningela si phangwa mahala, khu kotani nya talo nya sighoho sa tigoni gwago gwatshavbo.

Jeremiya 17:3

Uwe gigomo gyangu gya khabini, thomba yago ni gyuma gyago gyatshavbo si na phangwa khu valala vago, gumogo ni musigomoni gwago gatshavbo u phaselago umo khu kotani nya sighoho u giridego tigoni gwago gwatshavbo.

Jeremiya 3:24

Gukhugela wananani gwathu, vanungungulu nya malipha va vbedzide gyuma gya vavelegi vathu, gukhugela dzinvuta ni mitshambi yawe gumogo ni sanana sawe nya sikhwathana ni esi nya sagadzyana.

Jeremiya 32:24

Wona nya gukhuwe dzitshivba nya dzinyimbi ya valala dzi emide gasi gu dhumela lidhoropa dzi li wandra; olu lidhoropa leli li na ningedwa mandzani ga Vakalidhiya, gasi va li sasela khu matshari, ndzala ni mitungu. Iso u si ganedego si ngu tadzisega, kha nga u si wonago.

Jeremiya 39:2

Khu litshigu nya livbandre na mana, nya ngima nya wu na, nya mwaga nya likhumi na moyo nya gufume ga Zedhekiya, gu di tudwa gihogo vbalibhiyotunu nya lidhoropa.

Jeremiya 39:8

Vakalidhiya va di vbisa nyumba ya mufumeli gumogo ni dzinyumba dza vathu, va khungumulela gambe mabhiyo ya Jerusalema.

Jeremiya 4:20

Gupwala gusasedwa vbatshani nya gusasedwe, litigo langu latshavbo li pfhungumudwe; khu githugedza gu di khungumudwa mitshatsha ni wuthavelo wangu.

Gililo 1:10

Nala a mu dzegede thomba yaye yatshavbo. Uye wonide va nya mayigo na va gu bela nyumbani gwaye nya miphaso, eyi u nga va himbedzelago, khuwe: Kha va yeli gu gubela tshanganoni gwago.” Caf

Gililo 1:7

Olu, ga matshigu yaya nya wuvi ni gutshaniseka, Jerusalema a ngu alakanya silo saye nya gu si gole ngudzu, si nga bani si mu lumba ga matshigu ma vbindridego; avbo vathu vaye va nga thegela mandzani ga nala wawe, mwalo ni moyo a nga tago a ta mu phasa, valala va di mu hega ni gu mu tsorodzela khu guthega gwaye. Heti

Gililo 4:12

Vafumeli va mafuni, gumogo ni vathu va tigoni, kha va nga khodwa gilo gukhavo, nala ni mutshanisi va nga tshuka va bela dzinyangwani gwa Jerusalema. Mem

Ezekiyeli 22:25

Vbakari nya vathangeli vago yomo ghudzeghudze nga nghala yi ngurangurago ya gu bani yi vbadzulela pfimba waye; avo va gu vbedza vathu; va wandra dzithomba ni sombo nya lisima, vanyamayi nya vangi va khala dzinoni vbakari gwawe.

Dhaniyeli 1:2

Pfhumu a di ningela Jowakimi mandzani gwaye. Mufumeli wa Bhabhiloni a di dzega mufumeli wa Judha a gu hongola naye tigoni ga Sinari, gumogo ni gipandre nya sombo sa Nyumbani ga Nungungulu, a si yisa nyumbani ga nungungulu waye, aya si vega nyumbani nya thomba ya nungungulu waye.

Hoseya 13:15

Ambari a gu ninga mihandro vbakari ga vandriyaye, gu nata phuvbo ya Khugadambo, khu ga Pfhumu Nungungulu, yi furugedza gukhugela giwulani, yi bangisa sifefe sawe, gu banga ni nambo wawe. Thomba yawe yatshavbo yi na phangwa khu malangani yi khalago umo.