Jeremiya 20:16 - Bhibhiliya Nya Guage

¹⁶ Muthu yoyo a na fanane ni madhoropa yale Pfhumu Nungungulu, a ma pfhungumudego nyamba ma tsetsa; a napwe dzihuwa vbadzimindrutunu, vbamihanitunu a napwe ligwaha nya dzinyimbi.

Jeremiya 20:16 Iomraidhean Croise

Jeremiya 18:22

Gu na pwale dzihuwa dzinyumbani gwawe, avbo u na va rumelago khu guvbiredza tsawa nya sighevenga! Kholu va nyi kembede liphala gasi gu nyi rinya umo, va riyide naphwi gasi gu nyi mola.

Jeremiya 18:8

vathu nya litigo lolo va gu dzi laya, va vbindrugedza mavbanyelo, va diga sighoho va girago, eni neni, nyi na dzi laya, nyi si va rumeli tsayiso nyi wu dongisedego gu va rumela.

Jeremiya 23:14

Aholu vbakari ga vaprofeti va Jerusalema nya gu wona silo nya guthise ngudzu; va gu gira wuphuphulu gumogo ni malipha, va gu kutsedzela vale va girago guvivba, gasi va si digi guvivba gwawe; vatshavbo nya gu va wona va gu fanana ni Sodhoma, ni vavbanyi va Jerusalema, va gu fanana ni Ghomora.

Jeremiya 26:13

Gasi olu, vbindrugedzani mavbanyelo yanu ni sigiro sanu mu yingisani lito la Pfhumu Nungungulu wanu; khavbo uye a na gu bweledzago tsayiso a wu ganedego khu kotani yanu.

Jeremiya 4:19

Yowe, libango langu! Monyo wangu guvbisega khu gupwa wuvi. Monyo wangu wu tade khu gikhuma, kha nyi kodzi gu hefemula! Aholu kha nyi na degula, kholu dzindzeveni gwangu gupwala ligwaha ni pundru nya nyimbi.

Gililo 4:6

Tsayiso wa nyamahegyane wa tigoni gwathu wa gu vbindra tsayiso wa Sodhoma, gikhati a nga pfhungumudwa khu githugedza na siri khu tshivba nya mandza nya vathu; aholu khu gyandza gya Nungungulu. Zain

Ezekiyeli 21:22

Khu nyamudye gwaye gu na manega nyatumbatumbane mayelano khu Jerusalema, gasi gu ruma mitshini nya gukhungumule mabhiyo, gasi gu dusa magana nya guleletele gu songa, gu khusedza malito nya gunengele, gasi gu ninga nayo mitshini yi gulela malimba, ni guwungedzela mafu ma gira sigomo, gasi gu emisa mabhiyo.

Hoseya 10:14

Khu guralo, vbakari nya vathu vago, gu na duga ghudzeghudze nya nyimbi, makhokhola yago yatshavbo ma na khungumudwa, kha nga Salamani a nga pfhungumula Bheti-Aribheli khu litshigu nya nyimbi, avbo mayime a nga vbadzuledwa gumogo ni sanana saye.

Hoseya 11:8

Nyi na dzi kodza kharini gu gu diga, uwe Efrayimi? Nyi na dzi kodza kharini gu gu ningela mandzani ga vambe, uwe Israyeli? Nyi na dzi kodza kharini gu mu gira kha idzo nyi nga girago khidzo lidhoropa la Adima? Gu mi girani nga idzo nyi giredego va Zebhoyimi? Khu ndrani nya monyo wangu gwa gu vila, nyi tala khu wuhindzi nyi gu pwela gisiro.

Hoseya 13:14

Eni nyi na va dzegisa tshivbani nya liphala nya guete, nyi va tshudzisa lufuni. Gasi olu uwe lufu, yomo hayi mitungu yago? Uwe liphala nya vafi, gomo hayi gumbembisa gwago? Maho yangu gimwalo ni gimwegyo ma gi wonago nya gu dzi laye khigyo.

Amosi 1:14

Khu guralo, nyi na rotha khu nilo mabhiyo ya Rabha, wu vbisa dzinyumba dzawe nya wufumu, gu wombwa dzihuwa khu litshigu nya nyimbi, gu fanana ni gipupwane litshigu nya gingulu.

Amosi 2:2

Khu guralo, nyi na rotha Mowabhi khu nilo, wu na vbisago dzinyumba nya wufumu dza Keriyoti; Mowabhi a nafa khu gudzuma nya gukhongolo, vbakari nya ligwaha nya nyimbi, ni gu gudzuma nya pundru.

Amosi 4:11

Nyi mbembiside va nya gukari va vbakari gwanu, kha nga idzo Nungungulu a nga mbembisago khidzo Sodhoma ni Ghomora, aholu enu nyi mi vbulugisani kha nga khuni yi duswago niloni wu khondrago; ambari khu guralo, enu kha mwa vbindrugedzani mu wuya avbo gwangu, a ngu ganela Pfhumu Nungungulu.

Jona 3:4

Jona a di bela dhoropani a gimbila litshigu rumba a huwelela, khuye: “Gu nga tshade gipimo nya magumana matshigu, Ninivha gu na pfhungumudwa.”

Jona 4:2

A di lombelela ga Pfhumu Nungungulu, khuye: “Oh! Pfhumu Nungungulu! Ina khandriso esi nyi nga gu embelago, na nyi ngari tigoni gwangu, gani? Khiso si nga nyi gira nyi thava nyi tutumela tigoni ga Tarisisi, kholu nyi di gu dziti gukheni uwe u Nungungulu nya wuhigo, u tadego khu wuhindzi, u hwelago gugoroga, na wu tade khu wuwadi, u si goligo gu gira silo nyamba sadi.

Sofoniya 1:16

Litshigu nya guwombwe pundru, gu wombwa huwa nya nyimbi nya gudhumedwe madhoropa ma bhiyidwego khu siwindri nya tshivba ni dzilangwe nya gulaphe.

Sofoniya 2:9

Khu kharato, nyi ngu sambanya khu womi wangu, a ngu ganela Pfhumu nya Tshivba Yatshavbo, Nungungulu wa Israyeli, khu lisine, Mowabhi a na fanana ni Sodhoma, sanana sa Amoni si fanana ni Ghomora, marembwe yawe ma na tala khu miba ni siruga nya munyu, gu na vbindrugedza gu khala giwula kala gupindruga. Va na phangwa khu mitshaledwa nya vathu vangu ni mitshaledwa nya vathu vangu yi na wandra mayigo yawe ma khala thomba yawe.

Luka 17:29

Aholu litshigu Loti a nga khugago khu Sodhoma, gu di thega nilo khu Ndzadzini, wu ngata mbembisago vatshavbo.

Dhewuteronome 29:22

Va na wona litigo latshavbo na li vbisidwe khu nilo nya sulufa ni munyu, nyamba dzumela gu yadwa gilo, mwendro gu buga gilo ambari gu manega ni mwasi, kha nga iso si giregidego gukhungumudwani gwa Sodhoma ni Ghomora, Adhimani ni Zebhoyimi, madhoropa ma khungumudwego khu kotani nya likhulo la Pfhumu Nungungulu.

Dhewuteronome 29:23

Khu guralo, mayigo yoyo yatshavbo ma na wudzisa, khayo: Khu ginani Pfhumu Nungungulu a giridego esi tigoni momu? Khu gevbini givangelo gi nga wusago likhulo nya nga eli?

2 Pedro 2:6

Nungungulu mbembiside mayigo ya Sodhoma ni Ghomora, a ma pfhungumula khu nilo, kha nga giyeyedzo nya esi si na gu giregago ga ava va nya guvivbedwa khu myonyo.

Judha 1:7

Gufanana ni Sodhoma ni Ghomora ni mambe madhoropa ya vbafuvbyana mule, avbo va nga dzi ningelago wubhayini ni ga gighoho nya gubhayane khu wama wawe, madhoropa yoyo, ma khade giwonelo ga vathu vatshavbo, ma gu mana tsayiso nya nilo nya gupindruge.