Jeremiya 20:10 - Bhibhiliya Nya Guage

¹⁰ Kholu nyi dipwa gidzemo na gi gu lemba, khigyo: “Khu maphuvbo yatshavbo hi randredwe khu sighevenga! Mu thuledzeni! Hongoleni hi mu thuledze!” “Avo va nga bani vari dzipari dzangu, va gu khedzisela guthega gwangu, va ganela, khavo: Ha gu mu tshunganisa hi na mu mana, hi kodza gu dzi phodzela.”

Jeremiya 20:10 Iomraidhean Croise

1 Dzipfhumu 19:2

Khavbo avbo, Jezabheli a di rumela mwango guya embela Eliya, khuye: “Vanungungulu va na nyi songe, gya gu vboha gikhati gegi mindru na nyi si gu giri womi wago nya nga edzi uwe u giridego uwo wa vaprofeti.”

1 Dzipfhumu 21:20

Akabi a di hakha Eliya, khuye: “Ina, olu u nyi mane, uwe nala wangu, gani?” Eliya a di hakha, khuye: “Ina nyi gu mane gambe, kholu u dzi rengiside khu gu gira esi si vivbidego mahoni ga Pfhumu Nungungulu.

1 Dzipfhumu 22:27

u naya va embela, khuwe: Mufumeli wari, khuye: Thelani mwama yoyu pasoni mu mu hodzisa guhodza ni gu mu sedza mati nya tshanisa, kala nyi wuya khu gurula.”

1 Dzipfhumu 22:8

Khavbo avbo, Akabi, mufumeli wa Israyeli, a di embela Josafati, khuye: “Womo mumbe mwama nya gupwani khu Mikeya, mwamana wa Inila, khavbo gwaye gu ngu kodzega gu wudzisa Pfhumu Nungungulu. Aholu eni nyi ngu mu nyenya, kholu uye gima a si nyi profeteli silo nya sadi, aholu a gu nyi embela iso nya guvivbe gikhati gyatshavbo.” Josafati, a di mu embela, khuye: “U nga ganeli kharato.”

Joba 19:19

Dzipari dzangu dzatshavbo nya lisine dza guswihala khu eni, ni vale nyi nga bani nyi va gola va nyi wugede.

Dzindzimo 31:13

Nya gupwa milembo nya vathu nya vangi; nyi tala khu hwanga. Avo va gu tshangana va nyi lemba, va gu luga mano nya gu nyi songe.

Dzindzimo 31:14

Aholu, eni nya gu tumba uwe Pfhumu Nungungulu, nyari, kheni: Uwe khuwe Nungungulu wangu.

Dzindzimo 41:10

Aholu uwe Pfhumu Nungungulu nyi pwele wuhindzi, nyi wuse, nyi na va livba khu fanelo yawe.

Dzindzimo 41:9

Gu dzega ni pari yangu, nyi nga bani nyi yi tumba, hi nga bani hi hodza mbiya mweyo, yi nyi dzuwuluga niyo yi nyi wugela.

Dzindzimo 57:4

Nyi randredwe khu valala va fananago ni dzinghala, va vbweta gu nyi hodza; magwaha yawe kha nga matshari ni siholoma, malimi yawe gukhwatshi migala nya gulodzwe.

Mavingu 10:18

Uye a sihago livengo a na ni likana nya wudambane, ni wule a lembago vakwawe, gipumbu.

Isaya 29:21

vatshavbo avo va rwegago nandru muthu khu guhoheta nya gukari, ni valamuli va rengeledwago gasi gu rwega nandru wule a ngamba ghoha.

Jeremiya 1:19

“Va na dwana nago, aholu kha va na gu pala; kholu eni nyi na bani nyiri nago gasi gu gu vbulugisa; a ngu ganela Pfhumu Nungungulu.”

Jeremiya 11:19

Nyi di difanana ni nvuta nya gurule yi yiswago gusongwatunu; kholu eni nyi di si dziti gukheni va di gu nyi girela gikungo nya gu nyi songe, va ganela, khavo: “Hi na pile simbo yoyu na wu ngari ni mihandro yaye, hi na wu fuvise tigoni nya vathu va vbanyago, gasi gu si alakanywi gambe lina laye.”

Jeremiya 11:21

Khu guralo, Pfhumu Nungungulu a ngu ganela kharati ga vathu va Anatoti, va vbwetago gu nyi songa na va gu ganela, khavo: “U nga profeti gambe khu lina la Pfhumu Nungungulu gasi u si feli mandzani gwathu.”

Jeremiya 18:18

Vathu va di ganela, khavo: “Hongoleni hi hunga gikungo nya guwugele Jeremiya; kholu kha gi na fuva gihevbudzo nya nayo wa muphasi nya mhamba, ni wusingalagadzi wa mugengeli, ambari magana ya muprofeti; hongoleni hiya mu paya khu malito yathu, hi nga khathali khu magana yaye.”

Jeremiya 20:3

Khu litshigu li landrelago, avbo Pasuri a nga dusago Jeremiya khu pasoni, Jeremiya a di mu embela, khuye: “Pfhumu Nungungulu gukhugela muhuno kha na gu rana gambe khuye khuwe Pasuri; aholu a na gu rana khuye Gighevenga-Malangani-Yatshavbo.”

Jeremiya 37:13

Na nga gu vboha Nyangwani ga Bhejami, a di gu manega vbale muthangeli nya guwonelele, lina laye a di ranwa pwani khu Jeriya, mwamana wa Selemiya, mwamana wa Hananiya, a di mola muprofeti Jeremiya a mu embela, khuye: “Uwe wa gu thava uya dzi ningela ga Vakalidhiya.”

Jeremiya 6:25

U nga dugi uya mahangeni ambari gu gimbila khu dzindzila, kholu nala a na ni litshari, malangani yatshavbo gu pwala dzihuwa.

Ezekiyeli 22:9

Vbakari gwago, gu di manega vathu nya milembo, va dzi emisedego gu vbaladza novba; vbakari gwago gambe vomo va hodzago nyama nya miphaso ya musigomoni ni gu gira guvivba.

Dhaniyeli 6:4

Khu kotani nya kharato, vamwamangulu ni vathangeli, va di gu zama gu mana gihoso nya guvivbise khigyo Dhaniyeli thumoni gwaye nya mufumo, gambe va disi mani gihoso, kholu a di thuma khu gutumbega.

Luka 20:20

Va di mu riya, va mu rumela vathu nya guya mu linga. Avo va di hongola kha nga vathu nya vadi, na va lindrela gukhavo a na hoheta likana, gasi gu mu ningela mandzani ga mufumo.

Mithumo 24:13

Kha va dzi kodzi gu tiyisa esi va nyi ningago khiso nandru.

Mithumo 5:33

Na va pwide esi, va di dzi hodzedzela khu wuvi, va gu hunga makungo nya gu va songe.

Mithumo 7:54

Na va pwide magana yaya va di khunguvanyega myonyoni gwawe, va gu khukhurusela magwaha Sitefane khu likhulo.