Jeremiya 2:8 - Bhibhiliya Nya Guage

⁸ Vaphasi nya mhamba kha va wudzisa gilo, khavo: Womo hayi Pfhumu Nungungulu? Vahevbudzi nya nayo kha va khathala khu eni, vathangeli va di nyi wugela, vaprofeti va di profeta khu lina la Bhahali, va landrisela vanungungulu nyamba phasa gilo.

Jeremiya 2:8 Iomraidhean Croise

1 Dzipfhumu 18:22

Khavbo avbo, Eliya a di engedza gu embela vathu, khuye: “Wonani, kheni nyenga nyi tshadego muprofeti wa Pfhumu Nungungulu, gasi vaprofeti Vabhahali mazana mana ni livbandre magumi vama.

1 Dzipfhumu 18:29

Va di simama va gira kharato, khu tshivba ni tshivba kala ni silambo, gikhatini va olovelago gu gira miphaselo nya dzimbewu. Aholu kha va ngapwa lito, ambari phindrulo mwendro gu wona gilo.

1 Dzipfhumu 18:40

Khavbo avbo, Eliya a di va embela, khuye: “Hungani vaprofeti vatshavbo Vabhahali, a nga tshali wa gu tshala!” Va di va mola Eliya a di relela navo gitsongwanani gya Khisoni, aya va songela iyoyo.

Joba 35:10

Aholu mwalo a ganelago, khuye: Womo hayi Nungungulu mugiri wangu, oyu a ningago dzindzimo nya wuzundzo vbawutshigutunu,

Isaya 28:7

Aholu avo navo va ngu dhedhereka khu kotani nya vbinyu, kha va kodzi ni gu ema, kholu va sedego wadwa nya guvave. Ambari vaphasi nya mhamba ni vaprofeti va ngu dhedhereka khu kotani nya wadwa nya guvave ngudzu. Va levide khu vbinyu, va ngu dhedhereka khu kota nya wadwa; va gu profeta, va gu ganela mapongowongo, va tshomborosela mahungu gulamulani gwawe.

Isaya 29:10

Kholu, Pfhumu Nungungulu guhude vbatshani gwanu liphuvbo nya ligovbe nya likhongolo, a sega maho yanu, a gu vaprofeti; a fenengedza vathangeli vanu, a gu vama nya liwoni va tugulago misihalo.

Isaya 30:5

vatshavbo va na khala dzitshoni khu vathu va vamowo va na gumba va phasa gilo, gambe kha va na va thumela ambari gu va phasa, aholu, va na basi dzitshoni ni gu poyidwa.

Jeremiya 10:21

Kholu vathangeli vathu va hambaniside nayo, kha va yingisa Pfhumu Nungungulu; khu guralo, kha va dugelela, mitshambi yawe yatshavbo yi phalalegide.

Jeremiya 12:10

Vahavisi nya vangi va ghohetede lithembwe langu ni gu gandredzela thomba yangu; va dzegide gipandre gi nga bani gi nyi tsakisa, va gi gira giwula.

Jeremiya 16:19

Uwe Pfhumu Nungungulu, u tshivba, muvhikeli ni wuthavelo wangu litshiguni nya mhango! Avbo gwago mayigo ma nata khu mahegiso nya litigo ma ta, khayo: “Vababe vathu va hakhide thomba nya malipha ni wupumbu nyamba phasa gilo.

Jeremiya 18:18

Vathu va di ganela, khavo: “Hongoleni hi hunga gikungo nya guwugele Jeremiya; kholu kha gi na fuva gihevbudzo nya nayo wa muphasi nya mhamba, ni wusingalagadzi wa mugengeli, ambari magana ya muprofeti; hongoleni hiya mu paya khu malito yathu, hi nga khathali khu magana yaye.”

Jeremiya 2:11

Ina lomo litigo li nga vbindrugedzago vanungungulu vawe, gani? Ambari vanungungulu vawe a gu siri vanungungulu nya lisine, gani? Aholu vathu vangu va digide wudhumo wawe, va khozela vanungungulu va si phasigo gilo.

Jeremiya 2:6

Nyamba wudzisa, gukhavo: “Womo hayi Pfhumu Nungungulu a hi dusidego khu tigoni ga Egipito, uye a nga hi gimbidzisago giwulani, litigo nya gihala, nya gutale khu mavbala ni gidema nya guthise ni dzimhango; litigo nyamba gimbidwa ni gu khadwa khu muthu?”

Jeremiya 4:22

Vathu vangu mapemi, olu kha va nyiti gambe; sanana nya sipumbu nyambana mapimo; va gu gengelela ngudzu gu gira guvivba, aholu va tandrega gu gira iso nya sadi.

Jeremiya 5:31

Vaprofeti va di profeta malipha, ni vaphasi nya mhamba va di fuma khu gugola gwawe; gambe khiso si vbwetwago khu vathu vangu. Khu guralo, mu na rini litshigu gu na vbohago mahegiso nya silo sesi?

Jeremiya 7:8

Aholu enu mwa gu dzi kanganyisani mwabune khu gu landrisa magana ma si phasigo gilo.

Jeremiya 9:14

Va di landra gulemela nya myonyo yawe, va landrisela sifananiso sa Bhahali, gukhedza khedzi va hevbudzidwego khidzo khu vavelegi vawe.”

Ezekiyeli 22:26

Vaphasi vaye nya mhamba va gu hambanisa nayo wangu, ni gunyenyezisa sombo sangu nya guage; kha va kodzi gu hambanisa igyo nya guage nigyo nya gunyenyeze, ambari gu hambanisa igyo nya gulolele nigyo nya guage, kha va khathali khu litshigu langu nya Sabhadho; khu guralo, nyi ngu nyenyeziswa vbakari gwawe.

Ezekiyeli 34:2

“Mwamana wa muthu, profeta ga vahavisi va Israyeli; va profete u va embela, khuwe: Mune Pfhumu Nungungulu, a ngu ganela kharati, khuye: Libango ga vahavisi va Israyeli va dzi havisago avo vabune! Gasi thumo wa vahavisi khandri wa gu havisa dzinvuta, gani?

Hoseya 4:6

Vathu vangu va pfhungumudwe, khu gumbana mapimo. Kholu uwe u bombide guti, eni neni kha nyi gu vbweti, u khala muphasi nya mhamba mbeli gwangu, kholu u hambanide ni nayo wa Nungungulu wago, eni neni nyi na divala khu sanana sago.

Habhakuka 2:18

Sa gu thuma ginani sithombe nya vanungungulu si nga girwago khu muvati? Ahati githombe nya dzisimbi a gu muhevbudzi nya malipha? Kholu wule a si vatago a gu vega gitumbo ga gifananiso nya nungungulu a gi giridego nyamba ganela uye khu mandza yaye?

Matewu 16:26

Giphaso muni a gi manago muthu a fumelago litigo rumba, a guhegisa khu gu dzimeledwa khu hefemulo waye? Mwendro saye, ginani muthu a dzi kodzago gu ningela gasi gu dzegisa khigyo hefemulo waye?

Luka 11:52

Libango lanu enu, vahevbudzi nya Nayo, kholu mu pharide dzipfhungulo nya wukhodwa, aholu kha mu beli, gambe mwa gu himbedzela ni vale va vbwetago gu bela.”

Johane 16:3

Va na gira kharato kholu kha va muti, Babe wangu ni eni.

Johane 8:55

Aholu, kha mu mutini; eni kheni nyi mutigo. Nari pwani nyi di ganede kheni kha nyi muti, na nyi liphide kha nga enu. Eni nyi ngu muti ni gu vegedza magana yaye.

2 Vakorinto 4:2

Aholu hi di nyenya mithumo yatshavbo nya gidema ni dzitshoni; kha ha thumisa wugengeli, gambe kha ha dzuwulugisela mahungu ya Nungungulu. Hi di ganela gikhati gyatshavbo silo nya lisine, khu gudwanela gutumbega ga vathu vatshavbo, mbeli ga Nungungulu.

Dhewuteronome 33:10

U hevbudzide Jakobe gululama gwago ni nayo wago va na Israyeli; va di gu vegela libani dzithonvuni gwago, ni miningelo nya guvbiswe, vbagiluvelotunu gwago.

1 Samuweli 12:21

Mu nga ndreyi, mu landra vanungungulu nya malipha gilo, si si phasigu gilo, ambari gu mu vbanyisa, kholu silo si si mi phasigo.

1 Samuweli 2:12

Sanana sa Eli, si diri sanana nya guvivbedwe khu monyo; si di si khathali khu Pfhumu Nungungulu;