Jeremiya 2:37 - Bhibhiliya Nya Guage

³⁷ U na wuya khiyoyo u na rwade mawogo hungoni, kholu Pfhumu Nungungulu kha va vbweti avo u va tumbago, gima khu na dugelela khu gu phaswa khavo.

Jeremiya 2:37 Iomraidhean Croise

2 Samuweli 11:12

Dhavhidhe a di embela Uriya, khuye: “Khala avba muhuno ni mindru, nyi na gu bweledza u hongole.” Uriya a di khala dhoropani ga Jerusalema litshigu lile ni ilo li landrelago.

2 Samuweli 13:19

Khavbo avbo, Tamari a di baga nguma a dzi phorodza hungoni gwaye, a pferula guambala nya mavalavala a nga bani na ambade; a rwala mawogo hungoni a bwelela na gu lila.

2 Dzikoronika 13:12

Wonani nya gukhenu Nungungulu a na ni ethu, thangide mbeli gumogo ni vaphasi vaye. Mipundru va wombago khya gu mi tivisani enu va na Israyeli; gasi mu si somi nyimbi mu dwana ni Pfhumu Nungungulu wa vababe vanu, kholu kha mu na dugelela.

Isaya 10:4

Gi mwalo gambe gi mi tshaledego gu gira, vbavbandze nya gu dzi pateni ni sibotshwa, ni gu thega, mu patana ni sirumbi, ambari khu kharato, likhulo laye kha la bosa gilo, ni libogo laye li nga gu simama guthawuluga.

Isaya 28:18

Gidzumeledzwano gyanu mu hungidego ni lufu gi na futwa, ni wupari mu hungidego ni litigo nya vafi, kha wu na tiya; ni avbo wu natago talo nya mati ni tsayiso wanu, mu na ta kukulutwa khuwo.

Jeremiya 14:3

Vathu vawe nya guthavisege va gu ruma sithumi sawe guya rega mati, aholu avo kha va ma mani kholu milamboni gu bangide; va bwelela ni dzikhali nya maphanga, va poyilega khu dzitshoni, va fenengedza mihungo.

Jeremiya 14:4

Valimi navo va fenengedzide dzikhovbe dzawe khu dzitshoni, khu kotani nya mafu ma bangidego, kholu ndzadzi kha yiwi mafuni.

Jeremiya 17:5

Pfhumu Nungungulu a ngu ganela kharati, khuye: A na vadwe muthu wule a tumbago muthu kwawe, a dzi seketela avbo nya givangwa nya nyama ni novba, monyo waye na wuri hwindzo ni Pfhumu Nungungulu!

Jeremiya 2:36

Khu ginani u vbiredzelago gu diga ndzila nya mavbanyelo yago? Dziti nya gukhuwe Vagipiti va na gu thela dzitshoni, kha nga idzo u giridwego khidzo khu Vaasiriya.

Jeremiya 22:20

Jerusalema gwela Libhanoni u ya laledza, khu lito nya likhongolo tigoni ga Bhasani; u laledza nuri khu Abharimi, kholu sigodwa sago satshavbo si mbembisidwe.

Jeremiya 22:30

Pfhumu Nungungulu a ngu ganela kharati, khuye: “Muthu yoyu mu loveni nga moyo a gu mwalo sanana, guvbanyani gwaye gima kha na mana gukatega.” Kholu kha na dugelela ni moyo nya gyanana gyaye, a na gu khalago vbagikhalotunu nya wufumu wa Dhavhidhe, gumogo gambe ni gu fumela tigoni ga Judha.

Jeremiya 32:5

uye a na dzega Zedhekiya a hongola naye Bhabhiloni, avbo a na gu ya khala kala Pfhumu Nungungulu a mu alakanya; kha nga edzi a ganedego gukhuye mwa gu wusani nyimbi ni Vakalidhiya kha mu na dugelela.

Gililo 4:17

Maho yathu ma di fuvila khu gu vbweta giphaso hi si gi woni, hi garala khu gu khedzisela vathu va si kodzigo guta hi vbulugisa. Sade

Mitengo 14:41

Aholu Mosi a di va embela, khuye: “Khu ginani mu hambanisago sileletelo sa Pfhumu Nungungulu? Enu gima kha mu na dugelela.”