Jeremiya 2:36 - Bhibhiliya Nya Guage

³⁶ Khu ginani u vbiredzelago gu diga ndzila nya mavbanyelo yago? Dziti nya gukhuwe Vagipiti va na gu thela dzitshoni, kha nga idzo u giridwego khidzo khu Vaasiriya.

Jeremiya 2:36 Iomraidhean Croise

2 Dzikoronika 28:16

Khu gikhati gile gya gimwegyo, mufumeli Akazi, a di rumela myango ga mufumeli wa Asiriya gu a mu phase,

Isaya 20:5

Khavbo avbo, avo va nga bani na va gu tumba Etiyopiya ni gu dzi khusedza khu Egipito, va na ndrendremela va khala dzitshoni.

Jeremiya 2:18

Gasi olu, ga gu phasa ginani gu tutuma u bwelela Egipito, u ya sela mati nya tsongo wa Nilo? Gwa gu phasa ginani gu tutuma u hongola Asiriya, gasi u ya sela mati nya tsongo wa Ewufrate?

Jeremiya 2:23

U na ganela kharini gukhuwe: Eni kha nya dzi nyenyezisa; ambari gu khozela vanungungulu nya Vabhahali? Nga alakanya idzo u nyi ghohedego khidzo kovani, nga khedza iso u giridego; wa gu tutumatutuma gu fanana ni ngameriya nya mbiri yi vbwetago matune,

Jeremiya 2:33

Wa gu vbweta ndzila nya lihaladzo khu gugengela! Kholu ambari vanyamayi nya maphuphulu u va hevbudzide mavbanyelo yago nyamba si yadi.

Jeremiya 22:20

Jerusalema gwela Libhanoni u ya laledza, khu lito nya likhongolo tigoni ga Bhasani; u laledza nuri khu Abharimi, kholu sigodwa sago satshavbo si mbembisidwe.

Jeremiya 22:22

Vathangeli vago vatshavbo va na pengiswa khu phuvbo, ni dzipari dzago dzi na yiswa wugumbitunu; u na khala dzitshoni ni gu poyilega, khu kotani nya sighoho sago.

Jeremiya 31:22

Kala lini nu nga gu legalega, uwe nyamahegyane nyamba yingisa? Wona nya gukhuwe Pfhumu Nungungulu vegide gilo nya giphya tigoni, nyamayi nyamba tumbega a na dzi vbwetela mwama.

Jeremiya 37:7

Pfhumu Nungungulu wa Israyeli, a ngu ganela kharati, khuye: Embela mufumeli wa Judha gumogo ni vathu a va rumedego guta nyi wudzisa, khuwe: Masotshwa ya Faro ma nga bani ma guta, guta mi phasedzelani, ma na bwelela tigoni gwawe ga Egipito.

Jeremiya 46:12

Mayigo yatshavbo ma pwide dzitshoni dzago, dzihuwa dzago dzi pwade tigoni gwatshavbo, ndrena yago yi dzi tshunganiside ni ndrena yikwawe, dzi thega gumogo dzatshavbo.

Gililo 4:17

Maho yathu ma di fuvila khu gu vbweta giphaso hi si gi woni, hi garala khu gu khedzisela vathu va si kodzigo guta hi vbulugisa. Sade

Gililo 5:6

Hi dzi ningede ga Vagipiti ni ga Vaasiriya, gasi va hi phasa khu gu hi ninga guhodza.

Ezekiyeli 16:28

U bhayide gambe ni Vaasiriya, kholu u di si kodwi, kholu ambari nu dzi ningede wubhayini si di si gu eneleli.

Ezekiyeli 29:7

Avbo avo va nga gu mola khu mandza, uwe u di fanyega u va bayisa magata; avbo va nga gu khighela, uwe u di pandrega u va bayisa siwunu sawe si ndrendremela.

Hoseya 10:6

Gimombyana nigyo gi na dzegwa gi yiswa Asiriya, kha nga ndruwo ga mufumeli khongolo; gu na manega Pfilupfilu Efrayimi, aholu Israyeli a na khala dzitshoni khu kotani nya wusingalagadzi waye.

Hoseya 12:1

Efrayimi a gu gimbidziswa khu liphuvbo, litshigu latshavbo, a gu landrisela liphuvbo li furugedzago khu Khugadambo, a engedzela malipha ni dzihanyi. A gira pwanano ni Asiriya, aholu a rumela dzisagwati nya mafura tigoni ga Egipito.

Hoseya 14:3

Asiriya kha na kodza gu hi vbulugisa, kha hi na khilela dzikavalu nya nyimbi. Niso hi si giridego khu mandza yathu, gima kha hi na ganela gambe avbo gwawe khethu: Uwe khuwe Nungungulu wathu; kholu uwe u ngu pwela wuhindzi sisiwana.”

Hoseya 5:13

Avbo Efrayimi a nga wonago wudwali waye, ni avbo Judha a nga wona silondra saye, Efrayimi a di gwela aya tigoni ga Asiriya, a rumela guya lomba giphaso ga mufumeli Jarebi. Aholu uye kha nga kodza gu mu vbanyisa, ambari guvbodzisa silondra sanu.

Hoseya 7:11

Kholu Efrayimi a gu fanana ni lituva nya lipemi, li kanganyiswago khu gumbana mapimo; a gu lomba Vagipite vaya mu phasa, a gu dzina a wuya ga Vaasiriya.