Jeremiya 2:34 - Bhibhiliya Nya Guage

³⁴ Mudzitshokani nya dzingandzu dzago gwa gu manega ni novba nya sisiwana esi si gu mwalo nandru, avo u ngamba va mana na va gu phanga. Ambari khu satshavbo soso,

Jeremiya 2:34 Iomraidhean Croise

2 Dzipfhumu 21:16

Gu diga nya esi, Manasi vbaladzide gambe novba nya wungi ngudzu nyambana nandru, kala a tadza Jerusalema gwatshavbo khuwo, gukhugela mahegiso kala mahegiso, vbavbandze nya gighoho gyaye a nga ghohisa khigyo va na Judha, giride silo nya guvivbe mahoni ga Pfhumu Nungungulu.

2 Dzipfhumu 24:4

gumogo gambe khu kotani nya novba a wu vbaladzidego nyambana nandru, a tadza Jerusalema gwatshavbo khu novba nyambana nandru; khu guralo, Pfhumu Nungungulu, kha dzumela gu mu tsetselela.

Ekisodha 22:1

Muthu a guba mombe mwendro nvuta a songa mwendro gu rengisa, a na livba livbandre dzimombe khu mombe mweyo ni dzinvuta dzina khu nvuta mweyo.

Ekisodha 22:2

Mbafa ya gu manwa na yi gu pandra nyumba yiba, ya gu songwa avbovbo, mwalo nandru wule a yi songidego.

Isaya 57:5

enu mu dzi furumedzago khu sifananiso vbavbatshi nya misimbo nya minvula ni vbavbatshi nya misimbo yatshavbo yi nyugago, mu songa sanana sanu mikovani, mu gira khiso miphaso mitsongoni, ni dziphagoni nya siwindri, gani?

Isaya 59:3

Kholu mandza yanu ma nyenyezisidwe khu novba, ni dzinyala dzanu dzi tade khu guvivba; khu maganani gwanu gu duga malipha, ni malimi yanu, ma gu ganela guvivba.

Isaya 59:7

Migondro yawe ya gu tutumela guvivbani yi gu vbiredza, gasi guya songa muthu nyambana nandru; maalakanyo yawe khya gu gira guvivba, umo va gimbilago, gu sasela ni gumbembisa basi.

Jeremiya 19:4

Khu kotani va nyi digidego ni gu nyenyezisa wulanga wowu, khu gu vbisela avbo libani vambe vanungungulu va ngamba vati, ambari vababe vawe ni vafumeli va Judha; va tadzide wulanga wowu khu novba nya vathu nyambana nandru.

Jeremiya 2:33

Wa gu vbweta ndzila nya lihaladzo khu gugengela! Kholu ambari vanyamayi nya maphuphulu u va hevbudzide mavbanyelo yago nyamba si yadi.

Jeremiya 6:15

Ina va na dzipwa dzitshoni, khu gu bani va giride gihoso nyi gi nyenyago, gani? Ahihi! Avo va mwalo dzitshoni. Gambe kha va giti gilo gi va thelago dzitshoni; khu guralo, va na thega gumogo ni vambe, va mbembiswa muphelo litshigu nya gulamudwe. A ngu ganela Pfhumu Nungungulu.

Jeremiya 7:31

Va vbahide malanga nya gulaphe nya gukhozele umo tigoni ga Tofeti, kovani ga mwamana wa Hinomi, gasi guya vbisela umo sanana sawe nya sikhwathana nesi nya sagadzyana khu nilo; silo nyi ngamba va ruma ambari gu si alakanya monyoni gwangu.

Jeremiya 7:6

mu si tshanisi muluveli, khulungu ni dzinoni, ambari gu vbaladza novba wu gu mwalo nandru ga wulanga wowu, ni gu khozela vambe vanungungulu ava va mi wuselago libango.

Jeremiya 8:12

Va di yede gupwa dzitshoni khu mavbanyelo yawe nyambasi yadi; aholu ne ni vbadugwana kha va dzipwi dzitshoni; gambe kha va giti gilo muni gu khala dzitshoni. Khu guralo, va na thega gumogo ni vale va fudego; va na mbemba litshiguni nya gulamudwe; a ngu ganela Pfhumu Nungungulu.

Gililo 1:9

Dzingandzu dzaye dzi tade khu ndzilo. Aholu uye kha nga alakanya litshigu nya mahegiso; ni guthega gwaye gu samadziside, aholu kha nga mana ni moyo nya gu mu tangadzise. Wari khuye “Pfhumu Nungungulu, wona wusiwana wangu, kholu nala a ngu ghiya.” Yod

Gililo 4:14

Va di legalega mudzindzilani kha nga sikhumu na va phorode khu novba, avbo gu ngamba manega ni moyo nya gutiyele gu kuha dzingandzu dzawe. Samec

Ezekiyeli 20:31

Gikhati mu ningelago miningelo yanu, ni miphaso nya guvbise niloni sanana sanu, ina khandri mwa gu simama gu dzi nyenyezisa khu sifananiso sanu satshavbo, kala muhuno, gani? Ina eni nyi na mi dzumedzisa enu va na Israyeli, gukheni nyi wudziseni, gani? Nyi ngu sambanya khu guvbanya gwangu, gukheni: Kha nyi na mi diga mu nyi wudzisa, a ngu ganela Mune Pfhumu Nungungulu.

Ezekiyeli 22:25

Vbakari nya vathangeli vago yomo ghudzeghudze nga nghala yi ngurangurago ya gu bani yi vbadzulela pfimba waye; avo va gu vbedza vathu; va wandra dzithomba ni sombo nya lisima, vanyamayi nya vangi va khala dzinoni vbakari gwawe.

Ezekiyeli 23:45

Aholu vama va lulamidego va na va rwega tsayiso wu lumbago vanyamayi va girago wubhayi ni gu vbaladza novba; kholu avo maphuphulu, mandzani gwawe gu tade khu novba.

Ezekiyeli 24:7

Kholu novba a wu vbaladzidego womo vbakari gwaye; uye a wu vbaladzide vbagiwindritunu nya gutiye; kha wu vbaladza vbavbatshi, gasi gu wu futela khu mafu.

Ezekiyeli 9:9

Uye a di nyi hakha, khuye: “Guvivba ga va na Israyeli ni ga va na Judha, gukhongolo ngudzu; litigo li tade khu novba wu vbaladzidwego, ni lidhoropa li tade khu wudambane. Avo va gu ganela, khavo: Pfhumu Nungungulu dugide tigoni momu; kha hi woni.