Jeremiya 2:32 - Bhibhiliya Nya Guage

³² Ina yomo mbiri yi divaledwago khu dziphera nya gu dzi mburisele, mwendro khundzwa yi divaledwago khu keka waye, gani? Aholu vathu vangu va nyi divade, khu gipandre nya matshigu nyambana tengo.

Jeremiya 2:32 Iomraidhean Croise

Genesi 24:22

Avbo dzi nga vbedzago gu sela dzingameriya dzatshavbo, mwama a di dusa phera nya gipandre nya pimo nya ndralama, ni maniya mavili nya likhumi mipimo nya ndralama.

Genesi 24:30

Laboni a di wone phera ni maniya mandzani ga ndriyaye, gambe a di pwide Rebheka na gu ganela, khuye: “Mwama yoyo a nyi embede esi, a diya vbweta mwama aya mu mana ni dzingameriya vbafuvbi ni nambo.

Genesi 24:53

Gi di dusa sombo nya parata, sombo nya ndralama ni guambala gi ninga Rebheka; gi ninga gambe sombo nya lisima ga ndriyaye ni ga mayi waye.

2 Samuweli 1:24

Enu vanyamahegyane va na Israyeli, lilani Sawule, a nga bani a mi ambagisa khu myendra nya siwunguwungu, a nga bani a mburisa dzingandzuni gwanu khu ndralama.

Dzindzimo 106:21

Avo va di divala Nungungulu, Muvbanyisi wawe, a nga va girela sisamadziso tigoni ga Egipito.

Dzindzimo 9:17

Va nya guvivbedwa khu monyo, va na dzudzugwa phalani nya vafi, gumogo ni vathu vatshavbo va si khathaligo khu Nungungulu.

Isaya 17:10

Kholu u divade Nungungulu nya guvbanyiswe gwago, u divaledwa khu Likhokhola nya wuthavelo wago. Khu guralo, u di lima marembwe nya misimbo nya wumburi, u yala dzimbewu nya gudhumise vanungungulu va nya mayigo.

Isaya 57:11

Aholu khu mani u nga khala khuye hwanga mwendro gu mu thava, gu kala u lipha u si nyi alakanyi ambari gu thela kota khu eni? Gasi khu nyi thavi, kholu nyi nga degulago gikhati nya gulaphe, gani?

Isaya 61:10

Nyi na nengela ngudzu ga Pfhumu Nungungulu, hefemulo wangu wu na tsakela Nungungulu wangu; kholu a nyi ambagiside guambala nya guvbanyise, a nyi fenengedza khu mwendra nya gululame. Gukhwatshi khu mudzegi a dzi mburisedego khu gihugu nya buzo, kha nga nyamayi nya khundzwa a dzi mburiselago khu dziphera nya ndralama.

Jeremiya 13:10

Vathu vava nya guvivbedwe khu monyo, va si dzumeligo gu yingisa magana yangu, va gimbilago khu dzindzila dzi godwago khu myonyo yawe, ni gu landrisela vanungungulu nya valombo, va va khozela ni gu va thumela, va noga mbeli gwawe, va na fanana ni libhandri leli li si phasigo gilo.

Jeremiya 13:25

Khigyo egi giavelo gyago, gipandre u na pimedwago kheni, a ngu ganela Pfhumu Nungungulu; kholu u di divaledwa kheni, u tumba vanungungulu nya malipha.

Jeremiya 18:15

Kholu vathu vangu va nyi divade, vaya vbisela libani vanungungulu nya sifananiso; si va tshunganisa ndzilani gwawe va thega va diga ndzila yawe ya gale, gasi va ndreya va gimbila khu dzindzila dza khabini nyamba lulama;

Jeremiya 2:11

Ina lomo litigo li nga vbindrugedzago vanungungulu vawe, gani? Ambari vanungungulu vawe a gu siri vanungungulu nya lisine, gani? Aholu vathu vangu va digide wudhumo wawe, va khozela vanungungulu va si phasigo gilo.

Jeremiya 2:33

Wa gu vbweta ndzila nya lihaladzo khu gugengela! Kholu ambari vanyamayi nya maphuphulu u va hevbudzide mavbanyelo yago nyamba si yadi.

Jeremiya 23:27

Mwa gu alakanya gukhenu, miloro va tshamuselago yi na gira gu vathu vangu va divaledwa khu lina langu khu kotani nya miloro yawe va tshamuselanago khu gyawe, va si nyi alakanyi kha nga vababe vawe va nyi digidego gu nyi ninga githawo, va ya khozela vanungungulu nya Vabhahali, gani?

Jeremiya 3:21

Gupwala dzihuwa sigomoni nya gulaphe; gililo gya va na Israyeli va lombago gu divaledwa ni gu pwedwa wuhindzi; kholu va nga diga Pfhumu Nungungulu wawe, va landra yimbe ndzila.

Ezekiyeli 22:12

Vbakari nya vathu vago, vomo va dzumelago gu rengeledwa gasi gu vbaladzwa novba; va fuyariside dzitsapawu gasi gu kodza gu mana bhindzu, u kanganyisa muakelane wago khu gu mu dzegela silo saye; gambe uwe u divaledwe khu eni.” A ngu ganela Pfhumu Nungungulu.

Hoseya 8:14

Kholu Israyeli divaledwe khu Muvangi waye, a dzi vbahela dzinyumba nya dzikhongolo nya wufumu, Judha, a di engedzela madhoropa nya makhokhola; aholu eni nyi na rumela nilo madhoropani gwawe wu ya dagaredzisa dzinyumba dzawe dzatshavbo nya wufumu.”

Dhewuteronome 32:15

Aholu Jakobe, a di ena a gugumugelana a tala khu mafura, aholu a di hambana ni Nungungulu a nga mu vangago, a wugela Giwindri nya guvbanyiswe gwaye.

Gutuledwa 21:2

Eni Johane, nyi di wona gambe na gu tshiga khu ndzadzini, khiyo ga Nungungulu, Lidhoropa nya gukatege, Jerusalema guphya, gu dzi dongisedego nga nyamayi a dzi mburisedego gasi guya hakha mwama waye.

Valamuli 8:34

Va na Israyeli kha va alakanya Pfhumu Nungungulu wawe, a va vbulugisidego mandzani ga valala vawe vatshavbo va nga bani va va randrede.