Jeremiya 2:31 - Bhibhiliya Nya Guage

³¹ Enu melana yoyu! Yingisani magana ya Pfhumu Nungungulu. Ina kamwe eni nyi khade giwula ga va na Israyeli, gani? Mwendro litigo nya gidema nya guthise, gani? Khu ginani vathu vangu va gukhavo: Ethu hi tshulegide! Gima kha hi na bwelela gambe avbo gwago?

Jeremiya 2:31 Iomraidhean Croise

1 Dzipfhumu 11:22

Aholu Faro, a di mu phindrula, khuye: “Ginani gi gu kenelelago avbo gwangu, gukala u vbweta gubwelela tigoni gwanu?” Uye a di hakha, khuye: “Kha nyi hamugi gilo, aholu nya guvbweta gu bwelela.”

2 Dzikoronika 31:10

Azariya, muphasi nya khongolo nya mhamba wa nyumbani ga Sadhoki, a di mu embela, khuye: “Gukhugela wu phedwego gu reswa ningelo yoyu Nyumbani ga Pfhumu Nungungulu, gu manegide gu hodzwa gu khurwa, si bwelo khavbo si tshala khu wungi nya iso; kholu Pfhumu Nungungulu a di kategiside vathu vaye, gutshala nya singi ngudzu.”

Joba 21:14

Khu guralo, va gu embela Pfhumu Nungungulu, khavo: Khuga avbo gwathu; kholu ethu kha hi vbweti guti gilo khu dzindzila dzago.

Dzindzimo 10:4

Muthu nya guvivbedwe khu monyo, khu kotani nya matshandza yaye; kha khathali khu gu vbweta Nungungulu, uye a gu pimisa, a ganela, khuye: “Mwalo Nungungulu!”

Dzindzimo 12:4

avo va gukhavo: “Lidimi khilo tshivba yathu, magana yathu ma ngu hi vhikela, khu mani a hi fumago?”

Mavingu 30:9

Gasi gu si giregi gu, nya gu khura ngudzu nyi tshuka nyi gu danga, kheni: “Khu mani Uye Pfhumu Nungungulu wakone?” Kholu nya gu khala gisiwana, nyi phela guba; nyi na nyenyezisa kharati lina la Nungungulu.

Isaya 45:19

Kha nya ganela gusihalani, mwendro wulangani nya gidema; kha nya embela gitugulwana gya Jakobe, kheni: Nyi vbweteni mahala; Eni Pfhumu Nungungulu, nya gu ganela lisine, ni gu tivisa iso si lulamidego.

Jeremiya 2:20

Gukhugela gale, nyi fanyide kanga wago, nyi kavilela dzitshinga dzi nga bani dzi gu hungide, uwe u di ganela, khuwe: “Gima kha nyi na ghoha gambe aholu u di noga musigomoni satshavbo nya gulaphe, ni vbavbatshi nya misimbo yatshavbo nya gunyuge, u gira wuphuphulu.”

Jeremiya 2:25

Thela kota khu ngondro wago gasi wu si tshulegedwi khu gilato, ni ngolo wago wu si bangi khu lidora. Aholu, uwe wari, khuwe: “Kha gu phasi gilo; kholu nyi manide vambe vanungungulu nya valombo, khavo nyi yelago gu va landra.”

Jeremiya 5:5

Nyi na hongola ga vathangeli nyi ya bhula navo; kholu avo va ngu yiti ndzila ya Pfhumu Nungungulu, ni nayo wa Nungungulu wawe; aholu avo vatshavbo va di fanyide kanga ni gu kavila dzitshinga.

Jeremiya 5:6

Khu guralo, nghala yi na duga khu khabini yi ta va songa, lisolwa la giwulani li na va vbadzulela, madhoropa yawe ma na holeledwa khu likhamba; moyo wawe a gu duga a na vbadzuledwa; kholu va di engedzela guvivba nya sighoho sawe, va mu pfhurarela gikhati nya gutale.

Ezekiyeli 14:5

Esi nyi na si gira gasi gu wuyisela myonyo ya va na Israyeli, kholu vatshavbo va hambanide ni Eni, va landrisela sifananiso sawe.

Hoseya 13:6

Avbo nyi nga bani nyi gu va hodzisa va khura, avo va di tsaka, avbo va nga bani va tsaka, myonyoni gwawe, gu di tala khu matshandza; khu guralo, va di divaledwa khu eni.

Amosi 1:1

Magana ya Amosi, a nga bani nari moyo nya vahavisi va Tekowa, a ma wonidego khu giwoniso mayelano khu Israyeli, matshiguni ya Uziya, mufumeli wa Judha, ni matshiguni ya Jerobhowamo, mwamana wa Jowasi, mufumeli wa Israyeli, myaga mivili gu si gu manegi girevareva.

Mikeya 6:9

Lito la Pfhumu Nungungulu li ngu huwelela ga lidhoropa; uye a gengedego a ngu thava lina laye. Upwani lipitso ni uye a li rumedego.

1 Vakorinto 4:8

Enu olu mu naso satshavbo mu si vbwetago! Mu khade sitetema! Mawako nari pwani mwa gu khala dzipfhumu khu lisine, gasi ethu nethu hi kodze gu fuma nanu.

Dhewuteronome 31:20

Gikhati nyi na va bedzago ga litigo eli nyi li sambanyedego ga vababe vawe, litigo li gogago mahwe ni wulombe, mu na ya hodza mu khura, gambe mu naya ena. Aholu va na phela guya khozela vambe vanungungulu, va nyenya Eni, va hambanisa gidzumeledzwano gyangu.

Dhewuteronome 32:15

Aholu Jakobe, a di ena a gugumugelana a tala khu mafura, aholu a di hambana ni Nungungulu a nga mu vangago, a wugela Giwindri nya guvbanyiswe gwaye.

Dhewuteronome 32:18

U yeyiside Giwindri gi nga gu velega, gambe u divade Nungungulu a nga gu wumbago.