Jeremiya 2:28 - Bhibhiliya Nya Guage

²⁸ Gasi vomo hayi vanungungulu u dzi giredego? Va gu bani vari ni tshivba nga va diga va eme, hi wona mwendro va ngu kodza gu gu vbanyisa matshigu u pwago wuvi; kholu vanungungulu vago uwe Judha vangi, kha nga madhoropa yago.

Jeremiya 2:28 Iomraidhean Croise

2 Dzipfhumu 3:13

Aholu muprofeti Elizewu, a di embela mufumeli wa Israyeli, khuye: “Gasi mahungu muni nyi gu nawo nago uwe, na? Indra ga vaprofeti vababe wago ni ga vaprofeti vamayi wago.” Aholu mufumeli wa Israyeli a di mu hakha, khuye: Ahihi, kholu Pfhumu Nungungulu, khuye a residego vafumeli vava va vararu gasi guta va ningela mandzani gwa va na Mowabhi.

Isaya 45:20

Tombanani muta; hidzimelani gumogo mwatshavbo, enu mu vbulugidego ga va nya mayigo; vale va rwalago sifananiso nya misimbo nya guvatwe, va gira milombelo ga nungungulu a si dzi kodzigo gu va vbanyisa.

Isaya 46:2

Vanungungulu vovo va ngu noga gumogo va thega navo kha va dzi kodzi gu vbanyisa sifananiso sawe; avo vamune kamwe, va ngu yiswa wugumbini.

Isaya 46:7

Va mu vbagara magatani gwawe, va gu gimbilagimbila naye, ni avbo va mu vegago a gu khala avbo nyamba dzi khuta; ambari va mu girela nombelo, uye kha phindruli gilo; gambe kha vbulugisi ni moyo musigaradzoni gwaye.

Isaya 57:13

Gikhati u na lilago u lomba guphaswa, nyi na gu wona, mwendro longoloko nya sifananiso sago, si na gu vbanyisa! Si na dzegwa satshavbo si vbuvbiswa khu phuvbo; aholu uye a tumbago Eni a na hakha litigo kha nga thomba yaye, a na hakha gambe gigomo gyangu nya gukatege.

Jeremiya 1:16

Khu guralo, nyi na va lamula gukhedza khu guvivba gwatshavbo va giridego. Kholu, va hambanide ni eni, va vbisela libani vambe vanungungulu, ni gu khozela vanungungulu va nga girago khu mandza yawe.

Jeremiya 11:12

Khu guralo, madhoropa ya Judha ni vavbanyi va Jerusalema, va na lila ga vanungungulu va nga va vbiselago libani; aholu, kha va na vbanyiswa khavo khu litshigu nya libango.

Jeremiya 11:13

Uwe Judha, tengo nya vanungungulu vago wungi ngudzu; va ninganago ni madhoropa yago, gukhedza khu tengo nya dzindzila dza Jerusalema, mu emiside siluvelo nya dzitshoni mu vbisela avbo libani Bhahali.

Jeremiya 30:7

Yowe! Litshigu lile li thiside ngudzu, li mwalo limbe nya gufanane nalo! Gu na bani nari gikhati nya gutshaniseke ga Jakobe; ambari khu kharalo, uye a na vbuluga ga ilo.

Jeremiya 37:19

Olu vomo hayi vaprofeti vago va nga bani va gu profeta, khavo: Mufumeli wa Bhabhiloni kha nata mu sasela, ambari gu sasela litigo leli?

Hoseya 10:1

Israyeli a diri lithembwe nya gunone nya miuvha, li nga bani li ninga mihandro. Avbo gu nga andra mihandro yaye, a di andrisa gambe ni sihuru saye nya miphaso, avbo litigo laye li nga bani li gu engedzelana gunona, khu guralo, va di gira sithombe nya wumburi.

Habhakuka 2:18

Sa gu thuma ginani sithombe nya vanungungulu si nga girwago khu muvati? Ahati githombe nya dzisimbi a gu muhevbudzi nya malipha? Kholu wule a si vatago a gu vega gitumbo ga gifananiso nya nungungulu a gi giridego nyamba ganela uye khu mandza yaye?

Habhakuka 2:19

Libango ga wule a lombago ga mapulango, khuye: “ Khendzuga!” Mwendro ga giwindri gi si ganeligo, khuye: “Khuga!” Ina gifananiso gi ngu dzi kodza gu ninga sileletelo, gani? Wona nya gukhuwe gi londridwe khu ndralama ni parata, aholu gi mwalo hefemulo.

Dhewuteronome 32:37

Khu guralo, a na, khuye: Gasi vomo hayi vanungungulu vawe, muvhikeli wawe nya gu mu tumbe?

Valamuli 10:14

Lilani ga vanungungulu mu va hathidego; va na mi vbulugise ga litshigu nya sigaradzo sanu.”