Jeremiya 2:27 - Bhibhiliya Nya Guage

²⁷ Avo va manago simbo, khavo: “Uwe khuwe melegi wangu; mu embela giwindri, khenu: Uwe khuwe u nga hi gira; kholu mu di nyi pfhurarela mu si nyi khedzi; aholu khu gikhati nya wuvi mu ngu nyi alakanya, khenu: Khuga u eme u hi vbanyise.”

Jeremiya 2:27 Iomraidhean Croise

2 Dzikoronika 29:6

Kholu vababe vathu va ndragide milayo, va gira ugo guvivbidego mahoni ga Pfhumu Nungungulu wathu, va mu diga; va thendregedza dzikhovbe dzawe, va si khedzi Tshatsha wa Pfhumu Nungungulu, va wu pfhurarela.

Isaya 26:16

Pfhumu Nungungulu, sigaradzoni gwawe, va di gu vbweta; avbo u nga va tsayisa, va di lila avbo gwago.

Jeremiya 10:8

Aholu vatshavbo va dhadhavade va vbindrugedza va khala sipumbu; kholu vanungungulu vawe va di girwa khu misimbo.

Jeremiya 18:17

“Vathu vangu nyi na va phalalegisa vbakari ya valala vawe, nga phuvbo yitago khu Khugadambo; nyi gikha marundra nyi va pfhurarela, nyi si va yeyedzi khovbe yangu khu litshigu nya mhango.”

Jeremiya 2:24

wa gu fanana ni buru nya likhabi yi olovelago gu khala giwulani; yi fembedzelago liphuvbo lidorani gwaye, iyo ya gu ningedza, ya gu vbweta matune, ya gu phela gu tutuma kha yi bweledzwi khu muthu. Matune kha dzi garadzi khu gu yi vbweta, kholu ya gu vbohedwa, ya gu dzi ningela yabune.

Jeremiya 22:23

Uwe u khalago Libhanoni, u vbahidego gihaga gyago matamoni nya sedhari, litshigu nya mhango u na wona tshanisa ngudzu, guvbisa gakone gu fanana ni ogu gwa nyamayi a lumwago!

Jeremiya 3:9

Khu gumba khathala gwaye, nyenyeziside litigo latshavbo, khu gu khozela sifananiso nya siwindri ni misimbo.

Jeremiya 30:7

Yowe! Litshigu lile li thiside ngudzu, li mwalo limbe nya gufanane nalo! Gu na bani nari gikhati nya gutshaniseke ga Jakobe; ambari khu kharalo, uye a na vbuluga ga ilo.

Jeremiya 32:33

Ambari ulo nyi nga bani nyi va ninga sileletelo sangu, avo kha va dzumela gu nyi yingisa, va di nyi pfhurarela va bomba gu hevbudzwa.

Jeremiya 37:3

Khu guralo, mufumeli Zedhekiya, a di rumela Jukali, mwamana wa Selemiya, muphasi nya mhamba Sofoniya, mwamana wa Mahaseya, ga muprofeti Jeremiya va ya mu embela, khavo: “Lombelela khu ethu ga Pfhumu Nungungulu wathu.”

Jeremiya 42:2

va di embela muprofeti Jeremiya, khavo: “Upwa gulila gwathu, u hi lombelela ga Pfhumu Nungungulu wago, khu vathu vatshavbo vava va tshadego kholu, kha nga u dzitigo, hi diri vangi, aholu hi tshade na hiri vadugwana, kha nga u si wonago;

Ezekiyeli 23:35

Khu guralo, Mune Pfhumu Nungungulu a ngu ganela kharati, khuye: “Kha nga olu u nyi divadego, ni gu nyi pfhurarela, u na tsayiswa khu gunyenyeza ni wubhayi u giridego.”

Ezekiyeli 8:16

Khu guralo, uye a di nyi dzega a gu nyi bedza ndrani nya likupakupa la Nyumbani ga Pfhumu Nungungulu; vbale, vbamwanyatunu nya Nyumba ya Pfhumu Nungungulu, vbakari ni vbakari nya mwanya ni giluvelo, gu diromo gipimo nya magumavili na livbandre (25) vama, na va pfhurarede Nyumba ya Pfhumu Nungungulu, dzikhovbe dzawe va khedza Khugadambo; avo va di gu khozela lidambo.

Dhaniyeli 9:7

Uwe Pfhumu, u lulamide, aholu ethu muhuno hi tade khu dzitshoni kha nga u hi wonago. Ethu vathu va Judha, va Jerusalema ni vatshavbo va na Israyeli, avo va vbafuvbi, ni avo va hwindzo, mayigoni gwatshavbo u nga hi phalalegiselago umo khu kotani hi nga hambana nago, hi si gu tumbi.

Hoseya 4:12

Vathu vangu, va guya wudzisa wusingalagadzi ga githombe gyawe nya simbo, lipitso lawe li va ninga phindrulo. Kholu liphuvbo nya wubhayi, li ngu va ndreyisa ndzilani, kha va ngo khathala gambe khu Nungungulu wawe.

Hoseya 5:15

Nyi na bwelela nyi wuya wulanga wangu, kala avo va dzumela nandru wawe, va zama gu wona khovbe yangu; na vari guvbisegani, va na nyi vbweta na gu ngari dzimindru.

Hoseya 7:14

Kha va lila avbo gwangu khu monyo wawe watshavbo, aholu va di keta malawuni gwawe, va lomba tirigu ni vbinyu, aholu avo na va hambanide neni.