Jeremiya 2:26 - Bhibhiliya Nya Guage

²⁶ Kha nga mbafa ya gu manwa, yi khalago dzitshoni, gu na gira nugo kharato ga linyumba la Israyeli; avo gumogo ni vafumeli vawe, vathangeli, vaphasi nya mhamba ni vaprofeti vawe.

Jeremiya 2:26 Iomraidhean Croise

Ezira 9:7

Gukhugela matshiguni ya vababe vathu, kala litshigu la muhuno, hi rwade nandru nya wukhongolo, khu kotani nya sighoho sathu, ethu ni vafumeli vathu ni vaphasi vathu, hi ningedwe mandzani ga vafumeli nya va nya mayigo, hi sasedwa khu matshari, hi yiswa wugumbini, hi phangwa, ni gu thedwa dzitshoni dzi nga gu hi fenengedzago dzikhovbeni kha nga hi si wonago muhuno.

Dzindzimo 97:7

Va na thedwe dzitshoni avo va khozelago sifananiso nya guvatwe, avo va dzi khusedzago khu gu khozela sifananiso, va na khidzime mbeli gwaye vanungungulu vatshavbo.

Isaya 1:29

Mu na khala dzitshoni khu kotani nya miguhu yi nga bani yi mi tsakisa, mu thedwa dzitshoni khu marembwe mu ma hathidego.

Isaya 44:11

Wonani gukhenu, vatshavbo vale va si khozelago va na khala dzitshoni, kholu silo soso si giridwe khu vathu; va na tombane vatshavbo va ema gumogo; vatshavbo va na thava, va khala dzitshoni.

Isaya 44:9

Vatshavbo vawumbi nya sifananiso khandri va gilo, ni mithumo yawe va yi tsakelago, kha yi phasi gilo; avo vabune kamwe dzifakazi nya gukhavo kha va woni ambari gu pima gukhavo va na thedwa dzitshoni.

Jeremiya 2:36

Khu ginani u vbiredzelago gu diga ndzila nya mavbanyelo yago? Dziti nya gukhuwe Vagipiti va na gu thela dzitshoni, kha nga idzo u giridwego khidzo khu Vaasiriya.

Jeremiya 22:22

Vathangeli vago vatshavbo va na pengiswa khu phuvbo, ni dzipari dzago dzi na yiswa wugumbitunu; u na khala dzitshoni ni gu poyilega, khu kotani nya sighoho sago.

Jeremiya 32:32

Khu wuvivbi watshavbo wowu va wu giridego va na Israyeli ni va na Judha, va nyi wusede likhulo langu, avo gumogo ni vafumeli vawe, manganagana, vaphasi nya mhamba ni vaprofeti vawe, kha nga gambe ni vathu vatshavbo va Judha gumogo ni vavbanyi va Jerusalema.

Jeremiya 4:9

Khu litshigu lolo, a ngu ganela Pfhumu Nungungulu, khuye: “Vafumeli ni dzindruna nya mufumo va na vbela tshivba; vaphasi nya mhamba va na pilega hwambo ni vaprofeti va na samala.”

Jeremiya 48:27

Gasi wa gu wona Israyeli a di siri gilo nya gihegiso avbo gwago, gani? Ina uye a di manwa wuvafani, gani? Khu ginani u hegago gikhati gyatshavbo va ganelago khuye?

Ezekiyeli 16:54

gasi u kodze gu rwala dzitshoni dzago ni gu theswa vbavbatshi khu kotani nya satshavbo u giridego, iso si khadego kha nga gitangadziso gwawe.

Ezekiyeli 22:26

Vaphasi vaye nya mhamba va gu hambanisa nayo wangu, ni gunyenyezisa sombo sangu nya guage; kha va kodzi gu hambanisa igyo nya guage nigyo nya gunyenyeze, ambari gu hambanisa igyo nya gulolele nigyo nya guage, kha va khathali khu litshigu langu nya Sabhadho; khu guralo, nyi ngu nyenyeziswa vbakari gwawe.

Zakariya 5:4

Pfhumu Nungungulu nya Tshivba Yatshavbo, a di ganela, khuye: “Eni nyi na gi tshula givalo gegi gasi gi fela gu bela nyumbani nya mbafa ni nyumbani ga wule a sambanyago malipha khu lina langu; gambe gi na simama gu khala wutshigu watshavbo nyumbani gwaye kala gi pfhungumula misimbo ni siwindri saye.”

Varoma 6:21

Aholu, giphaso muni mu gi manidego khu gu thumani silo, muhuno si mi thelago dzitshoni? Mahegiso nya mithumo yoyo khu gufa.