Jeremiya 2:25 - Bhibhiliya Nya Guage

²⁵ Thela kota khu ngondro wago gasi wu si tshulegedwi khu gilato, ni ngolo wago wu si bangi khu lidora. Aholu, uwe wari, khuwe: “Kha gu phasi gilo; kholu nyi manide vambe vanungungulu nya valombo, khavo nyi yelago gu va landra.”

Jeremiya 2:25 Iomraidhean Croise

2 Dzikoronika 28:22

Ambari ulo a nga bani a gu vbanya gutshanisekani, Akazi a di simama gu ghohela Pfhumu Nungungulu.

2 Dzikoronika 28:23

A di ningela miphaselo ga vanungungulu va Dhamasiko avo va nga mu sasela, a ganela, khuye: “Kha nga olu vanungungulu va mufumeli wa Siriya, va nga mu vhikelago; nyi na va girela miphaso gasi va kodza gu nyi phasedzela neni.” Aholu avo khavo givangelo nya gumbembiswe ga va na Israyeli vatshavbo.

Isaya 2:6

Kholu uwe Pfhumu Nungungulu, u digide vathu vago va nyumbani ga Jakobe, kholu va dzegelede mavbanyelo nya tumbunugo wa mambe mayigo ya Khugadambo, va gu thumisa wunyanga kha nga Vafilisitiya, va thangana wupari ni va nya mayigo.

Isaya 57:10

U gimbide kala u garala; aholu kha wa ganela, khuwe: “Esi kha si phasi gilo!” Iso u nga bani nu gu si vbweta u si mane, khu guralo, khu rereki.

Jeremiya 13:21

U na khuwe ginani a gu vega dzipari dzago dzi gu fumela, olu a gu uwe kamwe u va hevbudzidego gu khala vamune vago? Ina khwa napwa guvbisa kha nga nyamayi nya gulumwe, gani?

Jeremiya 13:22

Avbo u na ganelago khu monyoni gwago, khuwe: “Khu ginani nyi taledwago khu sigaradzo satshavbo sesi?” Dziti gwadi gukhuwe, talo nya sighoho sago, khiso si giridego u fununguledwa dzitshalu dzago, ni sitshinandro sago si napwa wuvi nya wungi.

Jeremiya 14:10

Khu kotani nya vathu vava, Pfhumu Nungungulu a ngu ganela kharati, khuye: “Kha nga va nga tsakelago guhambana ni eni, va gola gu legalega; khu guralo, Pfhumu Nungungulu kha tsakiswi khavo, a na va tsayisa khu gu alakanya sighoho sawe.”

Jeremiya 18:12

Aholu avo va gu hakha, khavo: “Ethu hi mwalo mahungu khu isoso! Gambe hi na simama ni mavbanyelo yathu, muthu ni muthu a na gira iso a rumwago khu monyo waye nya guvivbe.”

Jeremiya 2:31

Enu melana yoyu! Yingisani magana ya Pfhumu Nungungulu. Ina kamwe eni nyi khade giwula ga va na Israyeli, gani? Mwendro litigo nya gidema nya guthise, gani? Khu ginani vathu vangu va gukhavo: Ethu hi tshulegide! Gima kha hi na bwelela gambe avbo gwago?

Jeremiya 22:20

Jerusalema gwela Libhanoni u ya laledza, khu lito nya likhongolo tigoni ga Bhasani; u laledza nuri khu Abharimi, kholu sigodwa sago satshavbo si mbembisidwe.

Jeremiya 22:21

Nyi ganede nago na si nga gu gu gimbilela gwadi, aholu u di ganela, khuwe: “Kha nyi na nga yingisa.” Gukhugela wudzhahani gwago, mapimo yago ma di khala kharati; gima kha wa nga yingisa lito langu.

Jeremiya 3:13

Gu vbwetega basi gu dzumela gighoho gyago, kholu khwa tumbega gilo ga Pfhumu Nungungulu wago, u di khozela vanungungulu va nya mayigo vbavbatshi nya misimbo nya gunyuge, gambe khwa yingisa gilo lito langu; a ngu ganela Pfhumu Nungungulu.

Jeremiya 44:17

Aholu, ethu hi na gira satshavbo iso hi hungidego gu gira, si gu esi: Gu vbisela libani Pfhumugadzi ya Ndzadzini, hi ningela gwaye miphaselo nya wadwa kha nga idzo hi nga bani hi gu gira ni vababe vathu, vafumeli ni manganagana yathu, madhoropani ya Judha ni dzindzilani dza Jerusalema; khu matshigu yoyo, ethu hi di gu mana guhodza nya gungi, hi di gimbila na hi tsakide nyamba garadzwa khu gilo.

Gililo 1:2

A gu lila khu wuvi wutshigu watshavbo; marongo ma goga khu sigundruni gwaye. Vbakari nya sigodwa saye, mwalo ni moyo a mu tangadzisago, dzipari dzaye dzi vbindrugedzide dzi khala valala vaye. Guimel

Gililo 4:4

Migolo nya sanana sa beleni yi bangide khu kotani nya lidora. Sanana sa gu lomba guhodza aholu mwalo a si ningago. He

Ezekiyeli 20:32

Enu mwa gu ganela, khenu: Ha guvbweta gu gira nethu kha nga vathu nya mayigo yatshavbo, va dzi girelago vanungungulu nya misimbo ni siwindri. Aholu isoso mu si pimisago, gima kha si na nga girega.

Hoseya 2:3

Ranani vandriyanu nya vama, khenu: “Vathu vangu” ni vandriyanu nya vanyamayi, khenu: “Sigodwa sangu.”

Hoseya 2:5

Kholu a gumba si diga eni nyi na mu tshulela dzitshalu, nyi mu tshiya kha nga litshigu a velegidwego khilo, a fanana ni giwula, a vbindrugedza a khala mafu nya gihala, nyi mu songa khu lidora.

Malakiya 3:14

“Enu mu na ganela, khenu: Gu na hi phasa ginani gu thumela Nungungulu? Giphaso muni hi gi manago khu gu landrisa milayo yaye, ni gu ambala silendra mbeli ga Pfhumu Nungungulu nya Tshivba Yatshavbo?

Luka 15:22

Aholu babe wule a di ruma sithumi saye, khuye: ‘Resani khu guvbiredza ngandzu yile nya gumbure ngudzu muta mu ambagisa; mu ambagiseni phera nyalani ni silato migondroni gwaye.

Luka 16:24

Khavbo avbo, a di khuye: Baba Abrahama, nyi pwele wusiwana u nyi rumela Lazaro ni simatyana khu nyala ata nyi dzidzidza lidimi, kholu nyi ngu dagarela vbakari nya nilo yoyu.

Varoma 8:24

Kholu lisine, ethu olu hi vbanyisidwe khu gutumba. Gu tumba silo si wonegago, khandri gitumbo gya gilo. Hi na dzi kodza kharini gu lindrela esi hi si wonago?

Dhewuteronome 28:48

Khu guralo, u na thumela valala avo Pfhumu Nungungulu a na gu va rumela avbo gwago, va ta gu tshanisa khu ndzala, lidora, wuhagadzo ni wusiwana nya wukhongolo ngudzu; avo va na gu rwega kanga nya dzisimbi nya gulemele thamoni gwago, kala va gu mbembisa.

Dhewuteronome 32:16

Va Mu giride a khala wufu khu vanungungulu nya valombo. Va Mu wusede likhulo khu silo nya gunyenyeze.